Dwata 30:15 - Udél Dwata: Gna Kesfasad ne Lomi Kesfasad

¹⁵ Nim kdaw ni, wen héléku kuy. Mahi du nélék ye, hyu kô duhen ke sidek? Móyô ye mowil kô duhen ke móyô ye matay?

Dwata 30:15 Referans Kwoze

Dwata 30:19

Héléku yu ni, mahi du se nóyô ye? Móyô ye mowil kô duhen ke móyô ye matay? Móyô ye kô ke tnóbóng Dwata yu duhen ke tnafaken yu? Tnabahu longit ne tonok mò temksì du bélê ye yóm nélék ye kemdaw ni. Yó dé hol nélék ye yóm mò gónó ye mowil.

Mark 16:16

Yó se tau hemtahu du ne hbabtays, angat gutahen yóm klowil yóm laen dù tul sónen. Okóm yóm tau là hemtahuhen, angat tnafak Dwata.

Dwata 32:47

Nim tolok ni, là kô tolok hkawang du, ni se hol tolok gónó ye mowil. Nimón ye anì legen knô ye tahen yóm tonok móyón nfun ye nô fi fatu Él Jurdan.”

Glasya 5:6

Ke deng me ssotu bè Krays Jisas, laen kô muhen bélê me kum yóm htulì. Senged se ke wen, duhen ke là. Yó dé bong muhen bè Dwata, ke deng hol gfan bè yóm kesbong me nawa yóm kehtahu me.

Kun Snulat Jan 3:16

Tey alì kbong nawa Dwata kul yó kem tau bè klamangen benwu, gloken tódô hamà klowil yóm Ngaen tek sotu, anì yó, kihu tau hemtahu béléen là gógówen elem hatay, okóm gutahen yóm klowil laen dù sónen.

Dwata 30:1

“Ni wen hélék Dwata kuy, tóbóng lemwót béléen duhen ke tafaken. Ke deng gotu gefet bélê ye elem hulin kdaw yóm tóbóng Dwata kuy dalang se yóm tafaken kuy ne ke deng ye nô bè yó kem tólóng benwu gónó Dwata e semkla kuy, angat gehedem ye he yóm deng hélék Dwata kuy kemdaw ni.

1 Jan 3:23

Ni sii yóm hlauhen: Hol hentahu tekuy boluy yóm Ngaen, duhen Jisas Krays, ne hol tekuy sbong nawa, lómón se yóm deng hlolò Krays tekuy.

Tekang Kbuten 2:17

Okóm béem abay ken yóm bungu koyu gónóm temngón du yóm hyu ne yóm sidek. Ke sok kenem yóm bunguhen tódói matay.”

Dwata 30:14

Okóm yó kem hlau Dwata yó deng eles nô bélê ye. Kaem gbek ye tódô mon du bè sumóng ye ne deng eles nô lem hendem ye. Yó gónóm mon, hol nimón ye.

Kem Udél Hlalak Tehe Selumun 12:28

Yóm lan tau ebè yóm ktahà ktauhen duhen yóm ktedeng kmò, okóm yóm ksigol kmò lan tau e lem hatay.

Isaya 1:19

Ke nimón ye ou angat hyu yóm guta ye bè tonok ye anì tendo wen gel ken ye.

Mika 6:8

Là kem tau, là kóen na a hligal du. Deng tulón Dwata tekuy yóm hyu béléen. Yó hol nóyóen bélê tekuy ke nmò tekuy yóm tedeng ne ke hol tekuy hulung kmodu ne ke hol tekuy heglaan béléen. Là gomongen bè nili yóm bérs 9 kól bè bérs 16. Yó tulónen bè ni kem bérs ni yóm gotu bud klista Dwata salà yó kem kun tau. Tey wen kendengen le mlan bè gel ksukat le dumu le tau. Gel le tmimbang lemugì ne là tódóen ke wen bentes le, gel gnaga nwa le kimu kem dumu le ne tey dê he dumu nmò le là hyuhen. Lemwót bè yóm nmò le yó, yó gónó Dwata eles tmulón du kul yóm angat ksulék keglaen kul dalang se yóm benwu le.

Jirimaya 42:21

Nim kemdaw ni deng gotu tulónu kuy se yóm hol udélen ebélê ye yóm sana kut Dwata hol gónó mogot, okóm là kô nimón ye du. Yóm là kimón ye nim kmoen ni, hol mkél bè yóm tehe gna là kimón ye.