Dwata 30:14 - Udél Dwata: Gna Kesfasad ne Lomi Kesfasad

¹⁴ Okóm yó kem hlau Dwata yó deng eles nô bélê ye. Kaem gbek ye tódô mon du bè sumóng ye ne deng eles nô lem hendem ye. Yó gónóm mon, hol nimón ye.

Dwata 30:14 Referans Kwoze

Jirimaya 12:2

Lómón ke deng huluhem lu ne deng le dmolil ne tmowok le, omin le mungu. Són boluyem btang bè sumóng le, okóm lem but blutut le balù udi ke wen nawa le ebéléem.

Kun Snulat Jan 5:46

Ke deng hentahu ye yóm tehe snulat Musis, hentahu ye ou snéen, abay se ou yóm tulónen.

Matyu 7:21

“Là kô kdéen du yó kem tau mon du ou yóm gónó le mogot, angat gmung bè yó kem tau nogot Dwata,” mon Jisas. “Tek són olo gmung yó kem tau mimón yóm kun kóyô yóm Mà bè longit.

Isikél 33:33

Okóm ke deng gotu dohò eta le yó kem gfà deng tulónem kul, bè yó he gónó le temngón du deng wen tugod Dwata nô lem blóng le.”

Isikél 33:31

Tahu se lemwót le, myón le bè soluhem hlingón hnungol le yóm tulónem. Okóm là kóen nô bè nawa le mimón du yóm dou tulón kul mlan béléem. Tey hyu yóm udél kesbong nawa gel btang bè sumóng le, okóm là kô kó le du yóm keseglom le anì wen guta le.

Isikél 2:5

Kihu ke hnungol le uu duhen ke là yó kem tau là mimón do yó, syan olo le temngón du deng wen tugodu deng kól lem blóng le.

Kul Nmò 13:26

Ó kem dumuhu tau Israél,” mon Pol, “kem tau mfù bè Abraham, dalang se yu kem tau là Juhen deng hemtahu bè Dwata, ebélê tekuy se gónó Dwata e hemwit du yóm tulón mò gónó tekuy gewà gu lem hatay.

Dwata 30:13

Là se kóen nô sentu mohin anì wen lasun ye mon du, ‘Laen kô dù tau gembek mifal etu mò na a mit du ebélê tekuy anì gungol ne mò kut nimón.’

Dwata 30:15

Nim kdaw ni, wen héléku kuy. Mahi du nélék ye, hyu kô duhen ke sidek? Móyô ye mowil kô duhen ke móyô ye matay?