Dwata 30:1 - Udél Dwata: Gna Kesfasad ne Lomi Kesfasad

¹ “Ni wen hélék Dwata kuy, tóbóng lemwót béléen duhen ke tafaken. Ke deng gotu gefet bélê ye elem hulin kdaw yóm tóbóng Dwata kuy dalang se yóm tafaken kuy ne ke deng ye nô bè yó kem tólóng benwu gónó Dwata e semkla kuy, angat gehedem ye he yóm deng hélék Dwata kuy kemdaw ni.

Dwata 30:1 Referans Kwoze

Dwata 30:15

Nim kdaw ni, wen héléku kuy. Mahi du nélék ye, hyu kô duhen ke sidek? Móyô ye mowil kô duhen ke móyô ye matay?

Dwata 30:19

Héléku yu ni, mahi du se nóyô ye? Móyô ye mowil kô duhen ke móyô ye matay? Móyô ye kô ke tnóbóng Dwata yu duhen ke tnafaken yu? Tnabahu longit ne tonok mò temksì du bélê ye yóm nélék ye kemdaw ni. Yó dé hol nélék ye yóm mò gónó ye mowil.

Kun Snulat Luk 15:17

Tikóng deng gsel ne, monen, “Blaem tum bè le mà, sal gel glukas ken le yó kem tau gel mò nmò béléen, kóen nim dou, fene tô lemnus.

Isikél 18:28

Lemwót bè yóm tendo kehedemen du yóm ksideken yóm gel nmoen ne tódô knogolen yóm kmoen sidek, angat mowil yóm tau yó, là kóen kendel matay.

Isaya 46:8

Hentulón ye nawa yóm ni yu kem tau gemsalà. Tennef ye dé yó kem deng tehe nmou.

Dwata 28:64

Angat gotu senkla Dwata yu elem blóng yóm kdê but tau bè klamangen benwu talak tonok. Ne bè yóm knô ye bè yó, angat ye tmaba ebè yó kem dwata kéng nmò le bè koyu ne bè botu, yó kem dwata là deng kuy hnikót tnaba du dalang se yó kem tehe fù ye.

Tekang Kbuten 4:14

Deng hdóhem ou gu bè yóm dou tonok ne hlayukem ou béléem. Ne hówówem ou, laen kô dù mtukul gónóhu nô ne. Ke wen tau mton dou, tódô hnatayen o.”

Dwata 32:36

Angat lenwà Dwata yó kem tauhen ke tonen yóm klaen dù bud kgis le. Knoduhen yó kem tau mimón du ne tonen là holen bud wen dù tebel bélê le. Yakà deng le gotu meglà, kem tau hesek ne kem tau là hesek le.

Jirimaya 3:13

Són olo nmò ye, hol henmóyô ye yóm deng kegsalà ye. Hen-gsel ye yóm deng kkogol ye dou, yóm sana kuy Dwata hol gónó mogot ne yóm deng kdà ye do lan ye gel tmaba ebè yó kem dwata lenbù nmò ye laan yó kem koyu lembang. Hen-gsel ye yóm là bud klolò ye do.’ Ou se yóm sana kuy Dwata hol gónó mogot nim mudél ni.”

Jirimaya 29:14

Tahu se, angat ton ye o,” mon Dwata. “Angat bud nwitu yu semfulék ebè yóm hol kuy benwu. Angat gotu sentifunu yu gu bè yó kem benwu deng gónów e semkla kuy, nwitu yu semfulék ebè yóm hol kuy benwu.”

Dwata 28:28

Yó sotu bud tafak Dwata kuy, angat hlengelen mata ye. Angat hbutóen yu ne hesbewegen kehedem ye.

1 Bok Kem Tau Hol Geta 8:34

hol hnungolem lu dyó bè longit, ne hnifótem yó kem salà le, ne bud nwitem lu semfulék ebè yóm tonok deng tehe blayem yó kem tehe fù le.

2 Tutul Israél 30:9

Abay se ke semfulék ye ebè Dwata, yó kem dumu ye ne yó kem ngà ye deng negef le, baling hyu kmò le ebélê le yó kem tau megef kul, ne angat le bud semfulék edini bè nim benwu ni. Abay se yóm sana kuy Dwata hol gónó mogot, tey hyu kmoen, ne hulung kmodu. Ke semfulék ye ebéléen, là kô bud knogolen kuy.”

Nihimaya 1:9

Okóm ke bud ye semfulék ebéléu ne nimón ye yó kem deng hlauhu kuy, bud nwitu yu semfulék ebè yóm benwu deng néléku mò gónó ye tmaba ebéléu. Baluen he ke deng negef le yu ebè tu kem benwu són tonok, kaem bud nwitu yu mulék he.’

Sikaraya 10:9

Balù yóm deng gotu keseklahu kul bè yó kem tólóng benwu, okóm bè yó kem benwu mayuk deng gónó le nô yó, sana tolo kehedem le do bè yó. Tolo le mowil, mung kul kem ngà le ne gotu le slomong mulék ebè yóm sana kul benwu bè Israél.