Dwata 28:8 - Udél Dwata: Gna Kesfasad ne Lomi Kesfasad

⁸ Angat tnóbóng Dwata yu bè yóm gel kmò ye nmò ne angat tódô hennoken yóm fol ye. Angat tendo nuyagen yu ta yóm tonok blayen kuy.

Dwata 28:8 Referans Kwoze

Kem Lingón 133:3

Yóm kessotu nawa, lómón kehyuhen lómón yóm amù hméfê yóm bulul Hérmun, ne yóm amù hméfê yó kem bulul bè Sayun. Bè yó kem tau ssotu nawa le yó, bélê le gónó Dwata fmasad du yóm hol hyu, duhen yóm klowil laen dù tul sónen.

Kun Snulat Luk 12:18

Ne yó mefet lem hendemen, monen, ‘Ni dii atulu du. Naw genbà ni kem gna folu, ne hol hbongu yóm mò tlesu du mò gónóhu e semtifes kdê yó kem deng nutahu, ne mò gónóhu e hemyu kul yó kem dumu kimuhu.

Matyu 6:26

Tenngel ye dé yó kem onuk koyu. Laen kô hulu le, ne laen se kô dù bang nuta le, ne laen se kô dù fol le. Bede tódô wen gel htukóen kul yóm Mà tekuy bè longit. Milud he yó dum kuy, igoen bong kuy mu senta yó kem onuk koyu.

Kem Lingón 42:8

Tódô ket kdaw Dwata hegfan du béléu yóm kbong nawan dou là monolen. Ket kifuhu semngal du yóm kun sngal, mung bè yóm knihu béléen, yóm Dwata hlowil dou.

Hagay 2:19

Anien ke laen dù bud halay ye ne anien ke là deng le mungu yó kem grép ye ne yó kem koyu fig ye ne yó kem koyu ulib ye ne yó kem dumu koyu mungu ye, tódô lenwóten ni ne yóm któbóngu kuy.”

Kem Lingón 144:13

Kólen bè yó kem tebungus me, hol le hnok he. Dalang se yó kem ubiha me bè yóm gónó le mótób, hol le mból he nsóhem bè libuhen, baluen ke nsóhem bè sfolò libuhen.

2 Bok Kem Tau Hol Geta 6:27

Bnalà yóm tau hol geta se, monen, “Ke là tnóbóng Dwata kóm, tedu se tô gmou du? Laen dù ken duhen ke tifas grép mò blayu kóm.”

Matyu 13:30

Na ye tódô hbungu lemen he yó kem halay. Sok kól bè angat kutahu du, gna hekdutu yó kem tau muta yó kem kluon yó, gotu benkes lu ne ntem le. Omin yó he muta yó kem halay, ne omin ye mogut kul ebè fol.’ ”

Kem Lingón 44:4

Uu se yóm Hol Geta, ne uu se dou Dwata. Deng oluhem eta me kem sfu Jakub yóm kegmò me.

Dwata 28:7

Ke wen hohon ye mundug kuy angat hegmò Dwata yu bélê le. Bè yóm kundug le kuy, tek sotu lan lolò le. Okóm bè yóm klóy le mulék, tódô le gotu sekla.

Dwata 28:20

Ke mò ye sidek ne ke kenbê ye Dwata, angat wen tey glumfak hwit Dwata ebélê ye ne senbewegen kmò kehedem ye. Angat tey keglayam ye. Ngangen mò kuy efet ye gotu meglà yóm kdê ye.

Kem Lingón 1:3

Yó kem tau yó, hol lómón ke koyu mteg hilol él. Ke bud kól bè yóm bulón le mungu, tey kbungu le, ne là kóen na a menes doun le. Lómón yó se kmò le yó kem tau ke tendo lolò le yó kem kun hlau Dwata, bè ket nmò le, sal gfu.

Kem Lingón 128:2

Lemwót bè kmoem nmò, angat wen gónóhem gel ma yó kem wen muhem du. Angat gsengel nawahem du, ne hyu kógów klowilem.