Dwata 28:7 - Udél Dwata: Gna Kesfasad ne Lomi Kesfasad

⁷ Ke wen hohon ye mundug kuy angat hegmò Dwata yu bélê le. Bè yóm kundug le kuy, tek sotu lan lolò le. Okóm bè yóm klóy le mulék, tódô le gotu sekla.

Dwata 28:7 Referans Kwoze

Kem Lingón 89:23

Angat gotu genlau yó kem tau hmohon du, ne gotu hnatayu yó kem tau kmutó nawa du.

2 Tutul Israél 19:4

Bè yó bè Jirusalim gónó Jihusafat nô, okóm tendo gel mógów elem blóng yó kem tau nogoten, lenwóten bè Birsiba efet kól etu bè yó kem benwu lem bulul bè tonok Bindyamin. Yó nmoen, gendufen yó kem tau anì mulék le ebè Dwata yóm Dwata yó kem tehe fù le.

Juswa 8:22

Bud le lemwót se kul yó kem sendalù Israél fen dnutung ntem le yóm syudad Ay, bud le tóbóng se kul, gotu hnatay le yó kem hohon le. Tódô gotu snibut kem sendalù Israél lu ne gotu hnatay le lu yóm kdê le. Balù sotu ke wen mowil bélê le.

Dwata 28:25

Ke nundug ye yó kem hohon ye, angat hegmò Dwata lu bélê ye. Bè yóm kundug ye kul tek sotu lan lolò ye, okóm bè yóm klóy ye mulék tódô ye gotu sekla. Yó kem tau bè klamangen benwu, ya tey sidek klikò le bè yóm kton le du yóm ktafak Dwata kuy.

Dwata 32:30

Bè tek olo sotu hohon le, botong le lemibu hemlóy du. Bè tek lewu hohon le, botong le sfolò libu hemlóy kul. Yó gónó le mlóy abay se deng bayà Dwata lu yóm sana kul Dwata gónó mogot. Deng tódô lusen lu elem tdok yó kem hohon le yóm kul Dwata alì gembek.

Dwata 28:6

Angat nuyag Dwata yu balù kihu gónó ye e solu, bè yóm hendu kógów ye ne bè yóm bud kkól ye.

Dwata 28:8

Angat tnóbóng Dwata yu bè yóm gel kmò ye nmò ne angat tódô hennoken yóm fol ye. Angat tendo nuyagen yu ta yóm tonok blayen kuy.

Juswa 23:10

Baluen ke tek sotu bélê ye, gbeken hlóy lemibu hohonen abay se eles mung bélê ye sfatay Dwata yóm sana kut Dwata hol gónó mogot, lómón yóm deng fasaden tekuy.

2 Bok Kem Tau Hol Geta 7:5

Tahu se, bè yóm móyón kkifuhen, mógów le etu bè kamfù kem sendalù Aram yóm fat kem tau gemnóm des mifù yó koni. Okóm bè yóm kkól le ditu, laen kô dù tau ton le bè yó.

Kem Lingón 18:38

Gotu himotu lu, ne là kô le bud gebtik, gotu le masà laan tihu.