Dwata 28:43 - Udél Dwata: Gna Kesfasad ne Lomi Kesfasad

⁴³ Angat wen kem tólóng tau menwu lem blóng ye, sónmoen temnù yóm kfasang le mogot kuy, okóm yóm kuy kfasang sónmoen se minut lana.

Dwata 28:43 Referans Kwoze

Dwata 28:13

Yó nmò yóm sana kuy Dwata hol gónó mogot, là kô nmoen kuy tau mò halak bè dumu tau. Okóm yu yóm fen malak kul. Ke hteneb ye lemolò du yóm kdê hlau Dwata kuy deng tulónu kuy kemdaw ni tendo hyu kógów klowil ye ne laen kô gónón là deng ke wen nmò ye.

Kun Snulat Jan 19:15

Omin le gotu bud hetê, mon le, “Hfatayem. Hfatayem. Htutukem bè kros.” Mon Paylét se, “Htutuku bè kros kô yóm tau hol geta bélê ye?” Mon le se, “Laen kô dù tau hol geta bélê me són Sisar.”

Kun Snulat Jan 18:31

Ne mon Paylét se, “Tódô nwit ye ne, ne tódô yu kmukum du, hlan ye bè kuy hlau.” Bud mon le se, “Laen dù kwalis me hmatay tau kum.”

2 Bok Kem Tau Hol Geta 17:23

Efet gotu hdó Dwata lu bè soluhen yó kem tau Israél, lómón yóm deng eles htulónen yó kem tugoden ne yó kem tau tóbóng lówóhen. Yó gónóm mon, efet ni kmoen ni yó kem tau Israél sana tolo knô le bè Asirya yóm benwu tehe megef kul.

2 Bok Kem Tau Hol Geta 17:20

Duhen yó, tey kekbê Dwata kul yóm kdê sfu tehe Israél. Tnafaken lu, botong blayen lu elem hólól yó kem tau gel mundug kul efet gotu hlanahen lu bè soluhen.

Kmukum 14:4

Là kô tngón kem tuha Samsun du ke lemwót bè Dwata yóm nmò Samsun yó mò lan Dwata sembeweg yó kem tau Flistin. Bè yóm kdaw yó, tolo le gnô lem tdok kem Flistin he yó kem tau Israél.

Kmukum 2:3

Ngem, lemwót bè yóm là kimón ye yó, là hdóhu kul ta nim tonok ni yó kem tau menwu tahen. Baling hohon ye lu. Ne yóm knô ye lem blóng le, hol lómón kegnóm ye du ke nô ye lem sual ne angat yó se gónó ye gholot bè yó kem kul dwata.”

Kmukum 6:6

Tey sidek kélél le yó kem tau Israél.

Kem Lingón 79:8

Béem abay hbô kum yó kem salà nmò yó kem tehe fù me. Hol géhél knoduhem mi, laen dù bud nefet nawa me ne ni.