Dwata 28:41 - Udél Dwata: Gna Kesfasad ne Lomi Kesfasad

⁴¹ Angat wen ngà ye logi ne wen ngà ye libun, okóm angat le gotu lana bélê ye abay se gotu negef le lu.

Dwata 28:41 Referans Kwoze

Dwata 28:32

Bè yóm igò ye temngel, lemwót yó kem ngà ye logi ne kem ngà ye libun gotu blay le lu ebè yó kem tólóng tau bè dumu benwu mò hesek le. Tódô ket kdaw ye temngel ebè lan tô hemdón kul okóm là kô ton ye kul.

2 Bok Kem Tau Hol Geta 24:14

Botong sfolò libu tau negef Nibukadnisar gu bè Jirusalim. Kdê kem ngà tau hol geta, ne yó kem sendalù alì hulung sfatay, kem tau wen kenhulung tdok le bè koyu, ne kem tau msól gotu negefen. Tek són tebel bè Jirusalim, són yó kem tau alì élél.

Isaya 65:23

Tey bong gendeng le bè yó kem nmò le ne laen kô dù gfà sut bè yó kem ngà le. Laen kô dù sónen yóm któbóngu kul kkólen bè yó kem angat lugod le.

Danyél 1:3

Lemwót yóm tau hol geta yó, dóken Aspinas yóm geta bè yó kem genlalen, anì mélék bè yó kem ngà logi lomi lemnok deng negef le lemwót gu bè Juda yóm hono kesfu tau hol geta.

Mika 1:16

Yu kem tau bè Juda, nki ye wek ye, lenangag ye yó kem ngà alì kenbong nawa ye. Hetbulud ye lómón klalang yóm onuk gel mken matay, abay se angat negef le lu ebè benwu mayuk yó kem ngà ye.”