Dwata 28:4 - Udél Dwata: Gna Kesfasad ne Lomi Kesfasad

⁴ Angat nuyag Dwata yu anì hol wen ngà ye ne anì hol wen tebas ye. Balù yó kem safì ye ne yó kem ubiha ye tey wen ngà le se kul.

Dwata 28:4 Referans Kwoze

Kem Udél Hlalak Tehe Selumun 10:22

Yóm uyag Dwata mdengeni du ne laen dù kenblat nawahem du.

Dwata 7:13

Yó nmoen bélê ye, kenbong nawahen yu ne tendo tnóbóngen yu ne hbólen yu ne hwenen kem ngà ye snéen. Angat hbunguhen yó kem hulu ye, yóm halay ye ne yóm grép ye ne yóm koyu ulib ye. Angat hwenen yó kem safì ye ne kem ubiha ye snéen. Angat gotu blay Dwata kuy ni kem kdéen ni ke deng ye kól ta yóm tonok blayen kuy, yóm tonok deng tehe fasaden yó kem tehe fù ye mò blayen kuy.

Tekang Kbuten 49:25

Yóm Dwata gel tmóbóng kóm Jusif, yó se kun Dwata maem, yóm Dwata laen dù là gbeken du, du se yóm gel tmóbóng kóm. Yó tóbóngen kóm, gel hkulónen gu tta gu bè longit ne gel hetbulen yó kem él laan tonok. Tey kehbólen du yó kem ógófem, dalang se yó kem ngaem.

Kem Lingón 128:3

Yóm tuha libunem, lómón ke hulu alì mungu mteg bè lósólem. Yó kem ngaem logi myón hilol lemisahem, hol lómón ke koyu ulib tilob ktowok le.

Dwata 28:11

Tey angat kehból Dwata kuy, angat hwenen safì ye ne tey angat kwen tebas ye ta yóm tonok deng tehe fasaden yó kem tehe fù ye mò blayen kuy.

Kem Lingón 107:38

Tey któbóng Dwata yó kem kun tau, ne tey kehbólen kul. Balù yó kem ógóf le, laen kô mtón bélê le.

Kem Udél Hlalak Tehe Selumun 13:22

Yóm tau hyu kmoen gel tnebelen umun yó kem téméen, okóm yóm kul kendengen yó kem tau gemsalà, nô bè yó kem tau tedeng kmò le.

Tekang Kbuten 22:17

Ne angat hol hwenu bólem, lómón kwen le blotik bè longit ne lómón kwen le helek bè kilil mohin. Ne angat le gel matù bè yó kem hohon le.

Kem Udél Hlalak Tehe Selumun 20:7

Hyu nawa le kul yó kem kun ból yóm tau tedeng ne laen dù belenen yóm kun kmò.

1 Timuti 4:8

Wen muhen bélê te ke nmò te yóm nmò gónón kemgis lówó te. Okóm milud he kehyuhen bélê te ke nmò te yóm nmò gónó te gulit bè yóm klolò te ke Dwata. Wen se muhen bè yóm klowil te ni kmoen ni, sélétem ne bè yó dum klowil te bè longit hulin kdaw.

Kem Lingón 127:3

Yó kem ngà, tódô basa lemwót bè Dwata lu se mò ofol lemwót béléen.

Tekang Kbuten 39:5

Lemwót bè yóm knô Jusif bè yó, tey któbóng Dwata du yóm tau Idyip gónóhen nô, gomong yó kem tau nogoten ne kdê yó kem ngom lem gónóen kkólen bè yó kem huluhen.

Dwata 28:3

Angat nuyag Dwata yu bè yó kem benwu gónó ye nô ne bè yó kem tonok gónó ye gel mò hulu.

Dwata 28:5

Angat tnóbóng Dwata yu anì tendo wen lem yó kem abì ye ne tendo wen lem kuleng ye.

Dwata 28:18

Angat tnafak Dwata yu anì là holen wen ngà ye ne anì là holen wen tebas ye. Balù yó kem safì ye ne yó kem ubiha ye, là kóen hol wen kngà le se kul.