Dwata 28:25 - Udél Dwata: Gna Kesfasad ne Lomi Kesfasad

²⁵ Ke nundug ye yó kem hohon ye, angat hegmò Dwata lu bélê ye. Bè yóm kundug ye kul tek sotu lan lolò ye, okóm bè yóm klóy ye mulék tódô ye gotu sekla. Yó kem tau bè klamangen benwu, ya tey sidek klikò le bè yóm kton le du yóm ktafak Dwata kuy.

Dwata 28:25 Referans Kwoze

Isaya 30:17

Anien ke tek sotu sendalù hohon kemtes kuy, botong lemibu bélê ye hemlóy du. Ke wen limu kemtes kuy, tódô kdê ye gotu mlóy. Balù yóm kuy sendalù laen kô dù tebel bélê le, gotu le mlóy. Són olo tagak són yóm hehek gónó le tehe tméwéng flag mdà te bulul.

Jirimaya 24:9

Angat tey wen hlayam hwitu elem blóng le. Ne kdê yó kem dumu tau bè klamangen benwu, angat le gotu likò bè yóm kton le kul. Balù kihu benwu gónów e hógów kul, laen kô dù tau bud madat kul. Angat sendekà le lu ne senkbê le lu ne tendo henmulà le lu.

Dwata 28:7

Ke wen hohon ye mundug kuy angat hegmò Dwata yu bélê le. Bè yóm kundug le kuy, tek sotu lan lolò le. Okóm bè yóm klóy le mulék, tódô le gotu sekla.

Dwata 32:30

Bè tek olo sotu hohon le, botong le lemibu hemlóy du. Bè tek lewu hohon le, botong le sfolò libu hemlóy kul. Yó gónó le mlóy abay se deng bayà Dwata lu yóm sana kul Dwata gónó mogot. Deng tódô lusen lu elem tdok yó kem hohon le yóm kul Dwata alì gembek.

Kun Snulat Luk 21:24

Angat wen se bélê le matay bè bak sudeng. Ne wen se bélê le kenfô le mò nit le ebè yó kem dumu benwu mayuk. Ne angat tódô genlà le Jirusalim yó kem tau là Ju le efet kól bè yóm kdaw keteflok Dwata kul.”

Jirimaya 29:18

Tahu se, wen gida hwitu elem blóng le ne hbelu yóm tey bitil bong ne wen tey des hgefetu ebélê le ne gotu senklahu lu bè klamang benwu. Ket benwu gónów e semkla kul, gotu henmulà le lu yó kem tau fun benwu ne senkbê le lu, lel le semdekà kul.

Juswa 7:4

Tahu se, wen dô tlu libu sendalù Israél hógów Juswa na a mundug etu. Okóm bè yóm kkól le ditu, deng le mom gotu mlóy mulék laen kô dù gmò le.

Kmukum 2:14

Yó se gónón alì sidek kebuten kul yóm sana kul Dwata yó kem tau Israél. Yó nmoen bélê le, lusen eta le yó kem tau gel muluk mò muku yóm kdê nfun le. Blayen lu elem tdok yó kem hohon le hmilol kul ne là kô wen gmò le.

1 Samwél 4:10

Tahu se, tey kwit le sfatay bè yó kem tau Israél yó kem Flistin ne là kô le bud gemmò yó kem tau Israél. Botong tlu folò libu sendalù matay bélê le. Yó kem dù mowil, gotu le mlóy mulék ebè kamfù le.

1 Bok Kem Tau Hol Geta 8:33

Ke là gemmò le bè yó kem hohon le yó kem tauhem Israél lemwót bè yóm kegsalà le béléem, ne ke bud le semfulék ebéléem, ne ke mógów le ebè yóm Gónóem ni ne tmaba le ebéléem, ne ke mni le seflifót béléem,

2 Tutul Israél 29:8

Yó gónóm mon, lenbut Dwata yó kem tau bè benwu Juda ne bè Jirusalim. Lemwót bè yóm kebuten tekuy yó, nmoen tekuy mò kenhisik yó kem dumu tau hmilol tekuy ne kenyó le tekuy ne knuli le tekuy, lómón yóm gel ton ye nim kmoen ni.

Jirimaya 19:7

Yakà angat hensengu du yóm atul yó kem tau bè Juda ne yó kem tau bè Jirusalim ne hlusu yó kem sendalù hohon le mò hmatay kul. Yó kem lówó le deng matay tódô tebel yó kem hohon le, gotu htukóu yó kem onuk koyu mken matay ne hséku yó kem ógóf lem bnes.

2 Tutul Israél 6:24

Ke là gemmò le bè yó kem hohon le yó kem kóm tau Israél lemwót bè yóm kegsalà le béléem, ne ke bud le semfulék ebéléem, ne ke mógów le ebè Gónóem ne tmaba le ebéléem, ne ke mni le seflifót béléem,