Dwata 28:21 - Udél Dwata: Gna Kesfasad ne Lomi Kesfasad

²¹ Angat hwit Dwata ebélê ye yó kem des mò gónó ye matay efet laen dù bélê ye tebel ta yóm tonok móyón nfun ye.

Dwata 28:21 Referans Kwoze

Jirimaya 24:10

Wen gida hwitu elem blóng le mung du yóm tey bitil bong, lelen wen des leed hgefetu ebélê le. Yó se nmou bélê le efet le gotu lana bè tonok Israél, yóm tonok tehe blayu kul hlanu bè yó kem fù le.”

Jirimaya 15:2

Ke snólók le béléem, tedu gónó me e solu du, tulónem kul, ‘Ni se udél Dwata ebélê ye, monen ke kul olu matay bè des yó kem dumu, yó se hatay le. Ne yó kem dumu ke yó kul olu matay bè gida, yó se hatay le. Ke kul olu se yó kem dumu matay lemnus, yó se hatay le. Ne ke kul olu negef mayuk yó kem dumu, negef le lu mayuk.’

Lista 14:12

Tódô genlau lu ne hlanu bè yóm des mekto hwitu elem blóng le. Bong béléem kóm, Musis, hol hbegelu yó kem bólem ne henbalingu uu mò mà yóm sotu bung tau alì wen senta ni kem tau ni.”

2 Samwél 24:15

Tahu se, tódô nbuten bè yóm hlafus yó wen tey des mit hatay hwit Dwata ebè yó kem tau Israél efet tlu kdaw. Botong hitu folò libu tau matay lenwóten bè benwu Dan fi bwak efet kól bè benwu Birsiba fi leged.

Lista 25:9

bede deng sana lewu folò fat libu tau deng gafit yóm des yó.

Kehewà 5:3

Omin le Musis ne Aron mon du mò du, “Deng hegfan bélê me yóm sana kum Dwata kem tau Hibru. Ke yóm hyu béléem nam hewót mi, tlu kdaw me mógów elem yóm benwu laen hol wen tauhen anì na me e demsù ebè yóm kum Dwata. Ke là nmò me du nim ni tódô hnatayen mi yóm kum Dwata mlan bè des duhen ke bè gida.”

Matyu 26:7

Yóm igoen mken bè yó, sut béléen yóm sotu libun, wen sobuy alabastér nwiten hnok yóm hboo alì mebtes, ne tey minggel boohen. Tódô gotu msulék koken te kulu Jisas.

1 Bok Kem Tau Hol Geta 8:37

Ke mbel bitil bong bè benwu le, duhen ke wen des mit hatay gefet bélê le, duhen ke gotu hensidek lenos kinì yó kem hulu le ne gotu ken yó kem tey tlangas wen, ne duhen ke gotu nundug kem hohon le lu yó kem kóm tau, ne nô kihu des gefet bélê le

Amus 4:10

“Deng hwitu elem blóng ye se yóm tey hlayam, lómón yó kem hlayam tehe hwitu ebè yó kem tau Idyip ekni. Deng hfatayu bè gida se yó kem ngà ye logi hanà lomi lemnok ne gotu hfatayu se yó kem kudà le. Deng tódô hono boo bolok tau matay gungef ye bè kamfù ye. Ewenem sana là kóyô ye semfulék ebéléu,” mon Dwata.

Sikaraya 14:12

Wen des mit hatay angat heglumfak Dwata ebè yó kem tau bè yó kem benwu mit sgida bè benwu Jirusalim. Yóm igò le tolo mowil, tódô gotu lemdak lówó le dalang se mata le ne dilak le.