Dwata 28:16 - Udél Dwata: Gna Kesfasad ne Lomi Kesfasad

¹⁶ Angat tnafak Dwata yu bè yó kem benwu gónó ye nô ne bè yó kem tonok gónó ye mò hulu.

Dwata 28:16 Referans Kwoze

Malakay 2:2

Ke là hnungol ye du yóm monu mò kuy ni ne ke là sù ye du bè nawa ye yóm kadat ye do, angat wen tey tafak sidek hwitu ebélê ye. Balù yó kem dsù gel nwit kem tau ebélê ye mò lowil ye, bud gomong megtafak. Bè ktahuhen, deng tlesu du tafak yóm kdê hyu gel blayu kuy abay se là nóen bè nawa ye madat do.

Juwél 2:3

Hol lómó kmò le hol lómón kken ofi. Tukô gna le, hol lómón ktiloben hungul Idin ktonem du. Okóm tukô huli kul deng tódô mló, laen kô dù tonem tebel.

Juwél 1:4

Tódô le stufì sut yó kem tey tlangas mfól. Yóm dù tebel yó kem tlangas gna sut, bud ken yó kem tlangas tmodol sut, ngangen efet laen dù bud tebel, tódô gotu mimot kdéen.

Jirimaya 14:18

Ke mógówe ebè yó kem tonok gónóhu mò hulu, tódô tonu yó kem lówó tau deng hnatay yó kem hohon le. Ke mógówe ebè yó kem syudad, tódô tonu yó kem tau deng matay lemnus. Ne yó kem tau gel tmugod lem blóng le ne yó kem tau gel blóng ebè Dwata, tódô henlel le mò du yóm nmò le, okóm là kô tngón le du yóm nmò le yó.”

Kem Udél Hlalak Tehe Selumun 3:33

Tnuled Dwata yó kem gmónô gel mò sidek, okóm fen nuyagen yó kem gmónô tedeng kmò le.

Malakay 4:6

Yóm ktoloken kuy anì bud sulék nawa yó kem tau smà ne yó kem tau sngà. Ke là dengen sulék nawa ye bè yóm angat kkólu, angat tnafaku yóm benwu ye.” Ni se són yóm htugod Dwata ke Malakay.

Jirimaya 26:6

ke henlós ye yóm là kimón ye, angat genbau yóm Gónóu ni hol lómón yóm tehe kegbau bè Silu, yóm benwu tehe gna gónó ye tmaba ebéléu. Ke deng ton yó kem dumu tau bè klamang benwu yóm angat kegbau yóm Jirusalim ne ke wen henmulà le, angat mon le, hol mkél bè Jirusalim he yóm ktafak Dwata kóm.’ ”

Jirimaya 9:11

Yó bud udél Dwata, monen, “Yóm syudad Jirusalim, angat gotu genbau yóm klamangen mò gónóhu lemuduk yó kem deng gbà, mò gónó le nô yó kem ohu lóbô lem bnes. Yó kem dumu benwu bè Juda angat gotu genbau, laen dù bud tau menwu du.”

Isaya 43:28

Ne yó kem tau gónó ye kmulu, mom nmò le yóm gónón là bud mólós yóm dou Gónô. Yó gónóm mon, deng genbau klowil le yó kem dou tau Israél. Tódô bayau lu ne yó kem dou tau bè yóm alì sidek kehyak le kul.”

1 Bok Kem Tau Hol Geta 17:12

Ne yó balaen ke Ilaydya, monen, “Nim tulónu kóm ni, hlanu bè boluy yóm sana kóm Dwata hol gónó mogot, laen kô dù mambang bè gónóu. Són nô béléu, tek skuf arina nô lem tukung, ne tek udì dù ngà hnolo ulib nô bè skê sobuy. Ni nógówu ebè ni anì naw e ma koyu mò nitu mulék naw e tnógó tum duen mò ken me lewu me yóm ngau. Tek són tu dù ngà ken me, ne angat me matay lemnus mni.”

1 Bok Kem Tau Hol Geta 17:5

Tahu se, tódô nimón Ilaydya yóm mon Dwata mò du. Tódô mógów etu bè Él Kirit, ne bè yó gónón nô.

1 Bok Kem Tau Hol Geta 17:1

Wen sotu tugod Dwata boluyen Ilaydya lemwót bè Tisbi yóm sotu benwu snakuf Gilyad. Sotu kdaw, yó monen mò ke Ahab, “Mlan bè boluy yóm Dwata là matayen yóm Dwata yó kem tau Israél, yóm Dwata gel hógów do, wen tulónu kóm. Nbuten ni, laen dù amù duhen ke kulón lem yóm hilu halay efet bud monu mò kóm.”

Dwata 28:55

Lemwót bè yóm alì kbitilen, balù udì ke wen blayen kul bè yóm kkenen unged yóm sotu ngaen, abay se laen dù bud dumu kenen lemwót bè yóm deng keslibut kem hohon ye du yó kem syudad ye.

Tekang Kbuten 5:29

ne yó udélen, monen, “Lemwót bè yóm deng kgolu yóm tonok, tey kgel klowil tau lemwót bè keglayam le mò nmò. Okóm nim ngà ni, wen lanen tmóbóng kum bè yóm tey kgel klowil me.” Ne yó boluyen du yóm ngaen yó, Nuwa.

Sikaraya 5:4

Ne yó udél yóm Dwata laen dù là gbeken du, monen, Yóm hmulà ni, hwitu ebè ket gónô yóm kdéen tau mnagaw ne ebè ket gónô yóm kdéen tau gel smafà kéng hlan le bè boluyu. Yóm hmulà ni, eles nô bè yó lem gónô le efet deng gotu sidek yóm gónô le yó, gomong koyuhen kkólen bè kem botuhen.”