Dwata 28:12 - Udél Dwata: Gna Kesfasad ne Lomi Kesfasad

¹² Sok gel kól bè yóm bulónen kmulón, angat gel hkulón Dwata eta yóm tonok ye lemwót gu bè longit ne tey kuyagen kuy bè kdê yóm gel nmò ye. Lemwót bè yóm kuyagen kuy yó, botong hutóng ye yó kem tey dê dumu bung tau bè dumu benwu. Okóm kuy, là kô ye na a mutóng.

Dwata 28:12 Referans Kwoze

Kem Udél Hlalak Tehe Selumun 22:7

Yóm tau mdengen, knamalen yóm tau élél ne yóm tau mutóng hesek yóm tau hemdóm.

Kem Lingón 135:7

Gbeken hlobun gu te tonok, ne heksilaen mung bè kulón. Gbeken hbel lenos gu bè yóm deng gónóhen e semtifun du.

Dwata 28:44

Yó angat nmò le bélê ye, wen filak hutóng le kuy. Okóm kuy, laen kô dù hutóng ye kul. Ngang le mò kuy efet lu mogot kuy.

Job 38:22

Deng nauyem kô yó kem gónô gónóhu hemsù snu ne bulók kulón? Deng eles henyuhu yóm yó mò tgamahu bè yóm kdawen wen gfà tau te tonok, duhen yóm kdawen wen sgida.

Dwata 28:24

Mom yó nmoen bélê ye, hwiten ebélê ye yóm tey lenos mit kfung, ngangen mò kuy efet ye gotu meglà.

1 Bok Kem Tau Hol Geta 18:1

Timbow deng hilu bulónen miwes bè yóm deng getluhen halay alì knóng kdaw bong, yó mon Dwata mò ke Ilaydya, “Lemwóti, nam e ston ke Ahab yóm tau hol geta. Tulónem du móyón hkulónu ne.”

Isikél 34:26

Tendo nuyagu lu yó kem dou tau ne suu lu hilol yóm dou bulul, bè yó gónóhu tmóbóng kul. Hkulónu elem benwu le bè yóm kdaw wen mu le du. Bud lómón yó se angat tendo kehkulónu du ebélê le yóm tóbóngu kul.