Dwata 28:1 - Udél Dwata: Gna Kesfasad ne Lomi Kesfasad

¹ Yó bud udél Musis ebè yó kem tau Israél, monen, “Ke hol nimón ye yóm sana kuy Dwata hol gónó mogot ne ke hteneb ye mimón du yóm kdê hlauhen deng tulónu kuy kemdaw ni, angat hegeta Dwata yu senta yó kem dumu but tau talak tonok.

Dwata 28:1 Referans Kwoze

Isaya 1:19

Ke nimón ye ou angat hyu yóm guta ye bè tonok ye anì tendo wen gel ken ye.

Kehewà 23:22

Okóm ke hol hnungol ye yóm gel monen ne ke hol nmò ye yóm hmou kuy, ou he fen hmohon yó kem hohon ye ne senfatayu yó kem gel semfatay kuy.

Kun Snulat Jan 15:14

Weu yu ke nimón ye yóm hlauhu kuy.

Kun Snulat Luk 11:28

Okóm yó mom balà Jisas du, monen, “Milud he kehligalen yóm tau ke hnungolen yóm udél Dwata, ne nimónen.”

Kehewà 15:26

Yó monen mò kul, “Ke hol nimón ye o ne ke tedeng ktonu du yóm gel nmò ye ne ke nimón ye yó kem hlauhu kuy, là kô naw e tafak du kuy yóm des tehe tafaku yó kem tau Idyip. Ou se Dwata, yóm gel hkó des ye.”

Kem Lingón 91:14

Yó udél Dwata, monen, “Gel lenwau yó kem tau kembong nawa dou, ne gel nofinu yó kem tau mogot béléu.

Sulat Pol Ebè Yó Kem Tau Hemtahu Bè Rom 2:7

Klowil laen dù sónen angat blayen bè yó kem tau tódô henlel le mò du yóm hyu lemwót bè hol kesgalu le yóm kdóyón Dwata kul ne yóm kadaten kul, ne yóm keblayen kul yóm klowil laen dù tul katay le du.

Kem Lingón 111:10

Yóm klikò le ke Dwata, yó se hol buten yóm khulung le hedem. Yóm kdê tau mimón du, wen ofol le du yóm kimón le yó. Bê tekuy nmò sónen yóm kdóyón tekuy du.

Glasya 3:10

Bong yó kem tau tô smalig yóm klolò le yóm hlau Musis, angat tey ktafak Dwata kul. Abay se deng monen bè Sulat Dwata, monen, “Angat tnafak Dwata yóm tau ke là gotu loloen du yóm kdê deng snulat bè yó kem hlau Musis.”Deng hónô tngón tekuy, balù sotu bè yó kem tau lemolò yóm hlau Musis ke tedeng kton Dwata kul, abay se deng monen bè Sulat Dwata, monen, “Tek sotu gónón tedeng kton Dwata du yóm tau, són bè kehtahuhen. Bud bè yó snéen gónón gmuta du yóm klowil laen dù sónen.”

Kun Snulat Luk 9:48

ne monen mò kul, “Ke wen tau hmódó nim ngà nii mlan bè dou boluy, lómón ke ou yóm hnódóhen. Ne yóm hmódó do, lómón ke hnódóhen snéen tum hógów do. Yakà yóm alì heglaan bélê ye, yó se yóm hol geta.”

Jirimaya 17:24

Okóm kuy, ke nimón ye ou mon Dwata, ne ke là hembalù ye bè yóm Kdaw Kehegnô ne ke là mò ye nmò ne ke hol hetfing ye ebéléu yóm kdaw yó,

Dwata 26:19

Ke yó se nmò ye, hegetahen yu senta yó kem dumu but tau deng nifilen ne tey kegdóyón yóm boluyen lemwót bélê ye. Yu se yó kem hol kun tau Dwata, lómón yóm deng fasaden kuy.”

Jirimaya 11:4

Yó tehe senfasad me yó kem tehe fù ye bè yóm kwitu kul hewà gu bè Idyip, yóm benwu gónó le ghesek,’ monu, ‘Ke nimón ye ou ne ke gotu lolò ye yóm kdê hlolou kuy, baling ye mò dou tau ne ou se mò Dwata ye.

Kem Lingón 106:3

Hligal le kul yó kem tau ke tedeng nmò le bè kem dumu le, ne ke tendo nmò le yóm hyu.

Kun Snulat Luk 1:6

Tey tedeng kton Dwata kul yóm lewu le, ne tey gulit klolò le du yó kem hlau Dwata.

Kem Lingón 148:14

Tey mbegel kehdaen du yóm kbenwu yó kem kun tau Israél. Yó gónón mò du yóm yó anì kdê le gotu dmóyón du, yakà lu du se yó kem tau gónóhen nô nawahen. Hol gel dóyón tekuy Dwata.

Kem Lingón 119:128

Lemwót bè yóm ktedeng yóm ket hlauhem, yó gónóhu meklit du yó kem sidek nmò tau.

Kem Lingón 119:6

Ke gotu nimónu yóm kdê hlauhem kum, laen kô dù gónów myak.

Jirimaya 12:16

Ne ke hol lolò le yóm kul hentahu yó kem dou tau ne ke hol lemwót lem but blutut le ne ke hlan le bè dou boluy ke wen safà le, ke mon le, ‘Safau bè boluy yóm Dwata là matayen’ (lómón yóm tehe ktolok le yó kem dou tau, hsafà le lu bè boluy Baal) ke yó nmò le, baling le mò dou tau.

Kehewà 23:25

Són ou yóm gónó ye e tmaba, yóm sana kuy Dwata hol gónó mogot. Ke ni se nmò ye, wen gónóhu tmóbóng kuy anì tendo wen ken ye ne tendo wen él ye. Ne hlayuku bélê ye yó kem des.

Dwata 28:13

Yó nmò yóm sana kuy Dwata hol gónó mogot, là kô nmoen kuy tau mò halak bè dumu tau. Okóm yu yóm fen malak kul. Ke hteneb ye lemolò du yóm kdê hlau Dwata kuy deng tulónu kuy kemdaw ni tendo hyu kógów klowil ye ne laen kô gónón là deng ke wen nmò ye.

1 Tutul Israél 14:2

Ne bè yó ne gónó Dabid hol temngón du Dwata yóm deng hembaling du tau hol geta bè yóm benwu Israél, ne hembegel yóm kogoten benwu mò lanen tmóbóng yó kem kun tau Israél.

Dwata 26:18

Kemdaw ni deng henmóyô Dwata yu mò hol kun tau, lómón yóm deng fasaden kuy. Yó hloloen kuy, hol nimón ye yóm kdê hlauhen.