Dwata 27:2 - Udél Dwata: Gna Kesfasad ne Lomi Kesfasad

² Bè yóm kdaw kifal ye du yóm Él Jurdan na ye e husek ebè yóm tonok blay Dwata kuy, yóm sana kuy Dwata hol gónó mogot, yó nmò ye, semsodò ye eta yó kem botu lembang ne bnukay ye.

Dwata 27:2 Referans Kwoze

Isikél 36:26

Angat wen lomi nawa blayu kuy ne suu bélê ye yóm óyô mò du yóm hyu. Kóhu bélê ye yóm nawa kembel, tlesu du yóm nawa gulit.

Juswa 8:31

Yóm kehdaen du, tódô loloen yóm hlolò Musis yó kem tau Israél yóm Musis tehe tóbóng lówó Dwata, duhen yóm tehe snulaten bè Bok Hlau yóm monen, “Semsodò ye béléu botu mò gónó ye demsù ebéléu, yóm botu laen dù lan tók du.” Bè yó gónó le demsù du ebè yóm sana kul Dwata yóm dsù hkekeb le ne yó kem dumu dsù gel ken le dumuhen bè yóm gel kestifun le bè solu Dwata.

Juswa 4:1

Timbow deng nifal yóm kdéen tau Israél yóm él Jurdan, yó udél Dwata ebè Juswa, monen,

Dwata 27:3

Omin ye smulat du tahen yóm kdê hlau Dwata ne yó kem toloken kuy. Bud sensulitu bélê ye. Ke deng ye husek ebè yóm tey tonok hyu ne mabù huluhen yóm deng tehe fasad Dwata kuy yóm Dwata yó kem tehe fù ye

Dwata 26:1

Yó bud mon Musis, “Ke deng ye kól ta yóm tonok blayen kuy yóm sana kuy Dwata hol gónó mogot ne ke deng ye henek tahen,

Dwata 9:1

Ó kem tau Israél, ni hol hnungol ye. Kemdaw ni ne bang kifal ye du yóm Él Jurdan ne bang knô ye ta yóm tonok nfun yó kem tau alì wen ne wen genbek le senta ye. Tey lamang yó kem syudad le ne yó kem beng hmilol kul botong tô gefet bè longit.

Dwata 6:1

Yó bud mon Musis mò kul, “Ni se yó kem hlau htugod Dwata dou ebélê ye, yóm sana kuy Dwata hol gónó mogot. Yó gónón htugod du do ebélê ye ni kem hlau ni mò hol tendo nimón ye bè yóm knô ye ta yóm tonok mò gónó ye henek nô.

Dwata 27:1

Omin Musis ne yó kem tuha gel malak yó kem tau Israél mon du bè yó kem tau Israél, “Hol nimón ye yóm kdê hlolò Dwata deng tulónu kuy kemdaw ni.

Dwata 27:4

ne ke deng ye nô fi fatu yóm Él Jurdan, bè yó ta yóm Bulul Ibal sensodò ye yó kem botu monu yó koni ne bnukay ye lómón yóm deng hlolou kuy kemdaw ni.

Juswa 8:30

Bè yóm deng kgefet le bè Bulul Ibal le Juswa ne yó kem tau Israél, yó nmò Juswa wen gónó le demsù hdaen bè yó mò gónó le demsù ebè yóm kul Dwata hol gónó mogot yó kem tau Israél.

Juswa 8:32

Bè yó bè yóm igò le temngel yó kem tau Israél, lemwót Juswa snulaten bè yó kem botu yóm hlau tehe snulat Musis yó.

Job 19:24

Duhen ke hdanà snulat le lu bè botu anì là lanahen efet kól bè sónen.