Dwata 27:19 - Udél Dwata: Gna Kesfasad ne Lomi Kesfasad

¹⁹ ‘Hol tnafak Dwata yóm tau ke nongoen yó kem tau milo elem blóng le, ne yó kem ngà hikit, ne yó kem libun bolu.’ Ne kdéen tau gotu hem-el du, mon le, ‘Tahu yó.’

Dwata 27:19 Referans Kwoze

Dwata 10:18

Sal gel nfihen yó kem ngà hikit ne yó kem libun bolu. Kenbong nawahen se yó kem tólóng tau menwu lem blóng tekuy, benlayen lu ken ne nes.

Malakay 3:5

Yó udél yóm Dwata laen dù là gbeken du, monen, “Angate sut elem blóng ye naw e knukum yu. Ne henmung tenksiu yó kem tau demwata ne yó kem tau mdà yehen ne yó kem tau tmifù kéng ne yó kem tau là tedeng ksukéy le yó kem tau mò nmò bélê le, ne yó kem tau hen-gnok le yó kem libun bolu ne yó kem ngà hikit ne yó kem tólóng tau menwu lem blóng ye. Tenksiu yó kem tau mò du yóm yó abay se hono tau laen dù klikò le dou,” udél yóm Dwata laen dù là gbeken du.

Kem Udél Hlalak Tehe Selumun 17:23

Yóm tau gel mò sidek gel henmóyóen yóm kimu lifut blay le du anì nfihen yóm là tedengen.

Mika 3:9

Ó kem tau malak bè Israél, ni mò hol hnungol ye. Deng mom kenbê ye yóm kukum tedeng ne henbaling ye sigol yóm tedeng.

Kem Udél Hlalak Tehe Selumun 31:5

Ke sok le minum déke klifót le yó kem udin ne là gmò le du yóm tedeng bè yó kem tau élél.

Hlolò 19:33

Bê ye abay hensidek kmò ye ebè yó kem tólóng tau nô lem blóng ye.