Dwata 27:12 - Udél Dwata: Gna Kesfasad ne Lomi Kesfasad

¹² “Sok deng nifal ye yóm Él Jurdan yó nmò ye, wen bélê ye fen mdà ta Bulul Girisim mò hem-el du yóm hyu bè yó kem tau Israél lemwót bè kimón le ke Dwata. Yó kem tau fen mdà ta Bulul Girisim, duhen yó kem sfu Simyun ne Libay ne Juda ne Isakar ne Jusif ne Bindyamin.

Dwata 27:12 Referans Kwoze

Kmukum 9:7

Timbow gungol Jutam nim nmò le ni, yó gónón mneged eta Bulul Girisim hgelen udélen, monen, “Ó kem tau bè Sékém, hol hnungol ye ou anì hnungol Dwata yu se kuy.

Tekang Kbuten 35:18

Okóm yó hol són alu udél Rakél, monen, “Yó boluyu du yóm ngà ni, Binoni.” Ominen yó matay. Okóm yó kun boluy du maen, Bindyamin.Bè yóm katay Rakél, lebeng le bè yóm kilil lan mógów ebè Ifrat. Yóm kmoen ni, yó boluyen yóm benwu yó, Bitlihim.

Tekang Kbuten 30:24

Yó boluyen yóm ngaen yó, Jusif, abay se monen, “Dwata he hol bud bemlay dou sotu ngà logi.” Là gomongen bè nili yóm bérs 25 kól bè 43. Yó tulónen yóm deng senkotuk le Jakub yóm tuónen Laban bè kmò ksukéyen ke Jakub bè yóm kmoen nmò béléen. Hono ógóf yóm sukéyen du. Ne sónmoen temnù yó kem ógóf Jakub efet baling tau wen kendengenen.

Tekang Kbuten 30:18

Ne yó mon Liya, “Deng benlay Dwata ou ofol lanu bemlay du bè yehenu yóm libun heseku.” Ne yó gónón moluy du Isakar yóm ngà sut yó.

Dwata 27:11

Yó bud udél Musis ebè yó kem tau Israél, monen,

Dwata 27:13

Ne bud wen bélê ye fen mdà ta Bulul Ibal mò hem-el du bè yó kem tau Israél yóm tafak lemwót bè là kimón le ke Dwata. Yó kem tau fen mdà ta Bulul Ibal yó, duhen yó kem sfu Rubén ne Gad ne Asér ne Sibulun ne Dan ne Naftali.

Tekang Kbuten 35:22

Bè yóm knô le Jakub bè yó bè Idér, lemwót Rubén sentungóen bè yóm sotu libun nmu maen boluyen Bilha. Ya tey sidek kbut Jakub bè yóm kungolen du. Yóm Jakub, wen sfolò lewu ngaen logi.