Dwata 27:1 - Udél Dwata: Gna Kesfasad ne Lomi Kesfasad

¹ Omin Musis ne yó kem tuha gel malak yó kem tau Israél mon du bè yó kem tau Israél, “Hol nimón ye yóm kdê hlolò Dwata deng tulónu kuy kemdaw ni.

Dwata 27:1 Referans Kwoze

Kun Snulat Jan 15:14

Weu yu ke nimón ye yóm hlauhu kuy.

Sulat Jim 2:10

Baluen he ke gotu lolò yóm tau kdê yó kem hlau Dwata, okóm ke sotu guléhen du, deng guléhen yóm kdéen.

Kun Snulat Luk 11:28

Okóm yó mom balà Jisas du, monen, “Milud he kehligalen yóm tau ke hnungolen yóm udél Dwata, ne nimónen.”

Dwata 26:16

Kemdaw ni, yó hmoen kuy yóm sana kuy Dwata hol gónó mogot, hloloen kuy yóm hol kimón ye du yóm kdê hlauhen. Yó gónóm mon, hol hewót ye bè nawa ye yóm kehteneb ye lemolò du.

Dwata 26:19

Ke yó se nmò ye, hegetahen yu senta yó kem dumu but tau deng nifilen ne tey kegdóyón yóm boluyen lemwót bélê ye. Yu se yó kem hol kun tau Dwata, lómón yóm deng fasaden kuy.”

Dwata 27:2

Bè yóm kdaw kifal ye du yóm Él Jurdan na ye e husek ebè yóm tonok blay Dwata kuy, yóm sana kuy Dwata hol gónó mogot, yó nmò ye, semsodò ye eta yó kem botu lembang ne bnukay ye.

Kem Lingón 78:7

Mlan bè nim ni, són Dwata ne nefet nawa le, ne là kô klifót le du yó kem deng nmoen bélê le, okóm tendo nimón le yó kem hlauhen kul yó.

Dwata 1:1

Nim bok ni gónóhen nô yó kem tehe udél Musis ebè yó kem tau Israél bè yóm tehe knô le bè yóm benwu laen hol wen tauhen fi dmata kdaw Él Jurdan. Tolo le kmamfù bè Datal Jurdan moni bè yóm benwu boluyen Suf. Yóm gónó le kmamfù yó, nô bè gónón sóól yóm benwu boluyen Paran ne yó kem benwu boluy le Tufél ne Laban ne Hasirut ne Disahab.

Dwata 6:17

Tendo nimón ye yóm kdê hlauhen kuy.

1 Tutul Israél 28:8

Duhen yó, hnungol Dwata nim ni, wen hlolou yóm kdéen tau Israél, yó kem kun tau Dwata. Hol ye temgama anì glolò ye yóm hlau yóm sana kuy Dwata hol gónó mogot. Ke ni se nmò ye, laen kô dù tul sónen yóm kfun ye du nim tey tonok hyu ni mò nfun yó kem ngà ye.