Dwata 26:9 - Udél Dwata: Gna Kesfasad ne Lomi Kesfasad

⁹ Yó nmoen, nwiten mi edini ne blayen kum nim tey tonok hyu ne tonok alì tembas.

Dwata 26:9 Referans Kwoze

Kehewà 3:8

Ne ni, denge mnaul elaan anì naw e lenwà lu lem tdok yó kem tau Idyip, nitu lu hewà gu bè yó. Nitu lu ebè yóm tonok hyu ne lamang, yóm tonok alì hyu mò du hulu ne angat tey wen tbasen. Ni kmoen ni, hanà le tolo menwu tahen yó kem tau Kanan ne kem tau Hitayt ne yó kem tau Amurayt ne kem tau Pirisayt ne kem tau Hibayt ne yó kem tau Jibusayt.Gungolu yóm alì ktaba le ebéléu yó kem dou tau ne tonu se yóm tendo kehdes le kul yó kem tau Idyip.

Kul Nmò 26:22

Bede sal gel tnóbóng Dwata ou, efet nim kdaw ni. Yó gónóhu mdà bè ni lem blóng ye. Yóm toloku yó, yó se toloku bè kdéen tau, bè yó kem tau leneken kkólen bè yó kem tau lebangen. Kdê yó kem dou tolok, sal gel segtón ebè yóm kul gel tulón yó kem gna tugod Dwata ekni, dalang se yóm kun tehe tulón Musis. Yó tehe gel tulón le,

Kem Lingón 105:44

Tódô blayen kul yóm tonok tólóng tau deng hnulenen, tles hfunen kul yó kem hulu le.

1 Samwél 7:12

Omin Samwél ma yóm sotu botu bong ne suen bè blóng le benwu Mispa yóm benwu Jisana ne yó boluyen du, Ibinisér. Yó lanen, “botu tóbóng.” Yó mon Samwél, “Efet ni kmoen ni yóm któbóng Dwata kum.”

Juswa 23:14

Ni deng bangu mfu lem blóng ye. Yóm ket kuy na sotu tódô gnóm ye lemwót lem but blutut ye yóm deng keblay Dwata du kuy yóm kdéen hyu deng tehe fasaden kuy. Ket fasaden kuy sal dohò.

Kehewà 3:17

Deng eles natulu ne yóm kwitu kul hewà gu bè Idyip, yóm benwu alì gónó le glayam. Nitu lu ebè yóm tonok alì hyu mò du hulu, yóm benwu yó kem tau Kanan ne kem tau Hitayt ne yó kem tau Amurayt ne yó kem tau Pirisayt ne yó kem tau Hibayt ne yó kem tau Jibusayt.

Dwata 26:15

Temngeli edini laan lemwót gu dyó bè yóm gónóm nô bè longit, nuyagem yó kem kóm tau Israél. Knudungem snéen yóm tey tonok hyu ne tonok tembas deng blayem kum, lómón yóm deng fasadem yó kem tehe fù me.’

Dwata 27:3

Omin ye smulat du tahen yóm kdê hlau Dwata ne yó kem toloken kuy. Bud sensulitu bélê ye. Ke deng ye husek ebè yóm tey tonok hyu ne mabù huluhen yóm deng tehe fasad Dwata kuy yóm Dwata yó kem tehe fù ye

Dwata 6:3

Yó gónóm mon, yu kem tau Israél, hol gel hnungol ye yó kem hlau Dwata kuy ne hol nimón ye. Ke ni se nmò ye angat hyu kógów klowil ye ne angat tey kból ye bè yóm knô ye ta yóm tonok alì hyu ne wen tey tebasen lómón yóm deng fasad Dwata kuy, yóm sana Dwata yó kem tehe fù tekuy.