Dwata 26:8 - Udél Dwata: Gna Kesfasad ne Lomi Kesfasad

⁸ Ne hewaen mi gu bè Idyip mlan bè yóm tey kegbeken ne bè yóm tey kgisen. Wen tey hentaw ton nmoen lem blóng me ne wen yóm tey knikò nmoen bè yó kem tau Idyip.

Dwata 26:8 Referans Kwoze

Dwata 4:34

Wen dumu dwata lennged kô gbek hewà yóm sotu but tau deng nô lem tdok yó kem tólóng but tau bè dumu benwu, ne nmoen lu mò hol kun tau lómón yóm deng nmò Dwata bélê ye ditu bè Idyip, yóm sana kuy Dwata hol gónó mogot? Kaem hol kuy mata se deng mton du yóm tey kegbeken ne yóm tey kekgisen bè yóm nmoen yó. Tehe hwiten yó kem des mekto ne gida bè yó kem tau Idyip ne tehe nmoen yó kem tey dê hentaw ton ne yó kem tey dê knikò sut.

Dwata 5:15

Hentulón ye nawa tehe ye ghesek bè Idyip se kuy. Yóm kehewà ye gu bè yóm benwu yó lemwót béléu yóm sana kuy Dwata hol gónó mogot, ne mlan bè yóm tey kegbeku ne kgisu. Yó se gónóhu hol hlolò du kuy yóm hlau bè Kdaw Kehegnô.

Kehewà 12:41

Bè yóm hol són kdaw bè yóm halay yó, tódô kdê yó kem tau Dwata gotu tnagak le yóm benwu Idyip yó.

Kehewà 12:37

Lenwót le bè yó mógów yó kem tau Israél bè syudad Ramisis efet le kól bè benwu Sukut. Yó kwen kem logi botong nem latu libuhen, là gomong nsó le kul kem libun ne kem ngà.

Isaya 63:12

Nô se yóm Dwata alì mfasang, yóm alì dê tehe nmoen hlanen bè Musis? Botong gbeken semkó yóm mohin, hnayahen lan yó kem tauhen ditu tlem él. Yóm nmoen yó, htótólen boluyen ne laen dù sónen yóm któtólen yó. Nô se kun du yóm kmoen ni?” Bè yóm tehe kalak Dwata kul là kô le tlokob. Tey mbegel kdà le, hol lómón kdà yó kem kudà tabag.

Kehewà 6:6

Duhen ni, tulónem yó kem tau Israél, nim udélu ebélê le ni, ‘Ou se yóm sana Dwata hol gónó mogot. Lenwau yu lem tdok yó kem tau Idyip. Hewau yu bè yóm gónó ye alì ghesek. Angat tayalu eta sigelu mò tmafak yó kem tau Idyip, okóm fen hewau yu yó dum kuy.

Dwata 34:11

Laen dù dumu tugod Dwata ke deng mò du yó kem tey dê hentaw ton deng hmò Dwata ke Musis ditu bè Idyip bè solu Faro ne bè yó kem genlalen ne bè klamangen benwu le.

Dwata 34:12

Laen dù dumu tugod Dwata ke gbek le mò du yó kem tey knikò deng nmò Musis lem blóng yó kem tau Idyip. Ne gotu ton yó kem tau Israél yóm nmoen yó.

Jirimaya 32:21

Lemwót bè yó kem tey dê hentaw ton tehe nmoem, yó gónón sidek klikò le yó kem hohon me. Tódô mlan bè yóm tey kegbekem ne yóm tey kfasangem gónóm tehe mit kul hewà gu bè Idyip yó kem tauhem Israél.