Dwata 26:7 - Udél Dwata: Gna Kesfasad ne Lomi Kesfasad

⁷ Omin me yó tmaba ebè Dwata yóm sana Dwata hol gónó le mogot yó kem tehe fù me, mni me tóbóng béléen. Ne tahu se, gungolen yóm kni me yó ne tonen yóm tey keglayam me ne yóm tey kgelen bélê me ne yóm tey ksidek kegnóm me du.

Dwata 26:7 Referans Kwoze

Kehewà 2:23

Deng hilu halayen miwes bè yó, matay yóm tau hol geta bè Idyip, okóm sana tolo tey keglayam le he yó kem tau Israél lan le alì hmesek kul. Tey ktaba le ebè Dwata, kóyô le ke wen tmóbóng kul. Yóm ktaba le yó, gefet ditu bè Dwata.

Kehewà 3:9

Gungolu yóm alì ktaba le ebéléu yó kem dou tau ne tonu se yóm tendo kehdes le kul yó kem tau Idyip.

Jirimaya 33:2

“Ni se udél Dwata yóm Dwata tehe mò longit ne tonok. Yó hol kun boluy duhen yóm sana Dwata hol gónó mogot. Yó monen,

Kem Lingón 119:132

Bninguyem ou, Dwata, ne hol knoduhem o, hol lómón yóm kkoduhem yó kem tau kembong nawa kóm.

Kem Lingón 50:15

Ke wen gfà ye, tmaba ye ebéléu, lenwau yu mò gónó ye dmóyón dou.”

1 Samwél 9:16

“Haya lómón ni uras, wen tau hógówu ebéléem lemwót bè tonok Bindyamin. Tenwélem hnolo ta kuluhen anì du mò malak yó kem tauhu Israél. Du angat lemwà kul lem tdok yó kem Flistin, yakà deng tonu du yóm alì keglayam le yó kem dou tau ne deng gungolu yóm kni le tóbóng béléu.”

Kehewà 6:5

Ne ni, deng gungolu yóm alì ktaba le ebéléu yó kem tau Israél, yó kem tau alì hesek yó kem tau Idyip. Ne gtulón nawahu yóm tehe kesfasad me le Abraham, yó kem tehe fù le.

Kehewà 4:31

Ne hentahu le. Bè yóm kungol le du yóm deng kton Dwata du yóm tey keglayam le ne yóm deng ksuten lem blóng le mò tmóbóng kul, gotu le mtud bukol ne dóyón le Dwata.

2 Samwél 16:12

Déke ton Dwata he nim tey ksidek kegnómu du, ne du he bud malà du béléu hyu mò tles nim kehmulaen dou Simi kemdaw ni.”

Tekang Kbuten 21:17

Ne bud mkik se kun yóm ngaen ne gungol Dwata. Ne wen hógów Dwata mudél ebè Hagar gu bè longit, monen, “Ó Hagar, moen de ke sbeweg kehedemem? Béi hlikò. Deng gungol Dwata yóm kkik ngaem.

Tekang Kbuten 29:32

Mlutut Liya ne mngà logi. Yó monen, “Deng ton Dwata yóm gfau ne mlan bè nim ngau ni angat kenbong nawahen ou yóm tuha logihu.” Ne yó boluyen yóm ngaen sut yó, Rubén.

Kehewà 2:25

Tonen yóm tey keghesek yó kem tau Israél ne yó hol gónón nô bè nawahen yóm któbóngen kul.

Kem Lingón 31:8

Là kô blayem dou elem hólól yó kem hohonu, deng suem ou bè yóm gónón laen dù hemenu.