Dwata 26:6 - Udél Dwata: Gna Kesfasad ne Lomi Kesfasad

⁶ Lemwót yó kem tau Idyip, tey tehe kehsidek le kum ne tey kdanda kdók le kum mò hesek le.

Dwata 26:6 Referans Kwoze

Kehewà 1:11

Tahu se, yó nmò yó kem tau Idyip, wen tau snigang le mò fen gel dmanda mdók kul yó kem tau Israél, ne tey sidek keblaten yóm gel hmò le kul, anì laen dù bud gónóhen e mefet nawa le. Hefdà le kul yóm syudad Pitum ne syudad Ramisis mò gónóhen gel semtifun ken yó kem tau Faro bè Idyip.

Dwata 4:20

Okóm yu se yó kem tau deng hewaen gu bè Idyip, bè yóm benwu gónó ye alì glayam. Yó gónón hewà kuy, nmoen yu mò hol kun tau lómón yóm deng kfunen kuy kemdaw ni.

Kehewà 5:23

Lemwót bè yóm kógówu ebè Faro na a tmulón du yóm udélem, yó se but gónóhen alì hmayam kul. Ne là kô dog tnóbóngem kul.”

Kehewà 5:19

Ya tey sidek ktafa nawa yó kem tau Israél gel malak yó yóm kmon Faro du mò kul, “Hol hsenged ye bè yóm gnan yóm kwen ngom gónô bud nmò ye ket kdaw.”

Kehewà 5:9

Hol heblat ye yóm hmò ye kul ni kem tau ni ne hol nmò ye gónó le meglala anì laen dù uras le hmungol yó kem tulón kéng lemwót gu bè le Musis.”

Kehewà 1:22

Ngangen bud wen udin nmò Faro bè yó kem tau Idyip, yó udin nmoen, monen, “Kdéen ngà logi Hibru lomi sut, gotu bot ye lu elem él Nayl. Okóm yó kem ngà libun, fen hlowil ye lu.”

Kehewà 1:16

“Ke bud ye tmóbóng mwa ngà bè yó kem libun Hibru, hnatay ye ke logi yóm ngà le. Okóm ke libun, hlowil ye.”

Kehewà 1:8

Ngangen ne efet bud wen lomi Faro mogot bè yó. Nim Faro ni, balù udì ke wen tngónen bè yó kem hyu tehe nmò Jusif ekni.

Dwata 26:7

Omin me yó tmaba ebè Dwata yóm sana Dwata hol gónó le mogot yó kem tehe fù me, mni me tóbóng béléen. Ne tahu se, gungolen yóm kni me yó ne tonen yóm tey keglayam me ne yóm tey kgelen bélê me ne yóm tey ksidek kegnóm me du.

Lista 20:15

Deng tngónem snéen yóm tehe kógów le ebè Idyip yó kem tehe fù me ne tey kegenen yóm knô me ditu. Yó kem tau Idyip, tey khesek le yó kem tehe fù me dalang se mi kem ból le.