Dwata 26:5 - Udél Dwata: Gna Kesfasad ne Lomi Kesfasad

⁵ Ne bè yó bè solu Dwata, yó udélem monem, ‘Yóm tehe fuu, tau Aramiyan se kun laen dù mdengen gónón nô. Tehe nwiten yó kem fes lówóhen ebè Idyip ne ditu gónó le nô. Bè yóm tehe kógów le yó, là kô le wen okóm deng tey kból le bè yó bè Idyip ne baling sotu but benwu alì mbegel.

Dwata 26:5 Referans Kwoze

Dwata 10:22

Bè yóm tehe kógów le ebè Idyip yó kem tehe fù ye ekni, tek le hitu folò kwen le. Okóm ni tey kehból Dwata kuy, lómó kwen ye lómón yó kem tey blotik bè longit.” Là gomongen bè nili yóm tsaptér 11. Yó tulónen bè nim tsaptér ni yóm tey kubug Musis yó kem tau Israél anì hol nimón le Dwata. Tulón Musis kul yóm tey któbóng Dwata kul ke mimón le, okóm tey ktafaken kul yó kem tau là mimón du. Bud tulón Musis kul snéen yóm tey kehyuhen yóm tonok deng blay Dwata kul.

Tekang Kbuten 46:27

Ominen temnù yó kem lewu ngà Jusif sut bè Idyip. Yó kwen fes lówó Jakub bè yóm kdaw yó, deng hitu folò kwen le.

Tekang Kbuten 31:20

Bè yóm kewót Jakub yó tódô hlana, là kô tulónen du ke Laban.

Tekang Kbuten 45:11

Ke dengi nô bè Gusén ou he temdof kuy. Limu halay he duen nim bitil bong ni ne là kóe móyô ke matayi lemnus dalang se yó kem fes lówóhem ne kem ógófem.’ ”

Tekang Kbuten 45:7

Dwata se eles hegna dou edini anì wen lanu tmóbóng kuy anì là matay ye bè nim tey bitil bong ni. Deng kun kmò du Dwata nim ni anì mowil ye dalang se yó kem semfu gu bélê ye.

Tekang Kbuten 43:12

Ne yóm filak bud nit ye ni, bud temnù du yóm filak tehe gwit ye gu ditu. Déke salà yóm tehe kmò le du.

Tekang Kbuten 31:24

Bè yóm kifu yó, hegfan bè kna Laban Dwata, monen mò du, “Ó Laban, hol ten-gamahem yóm kudélem ebè Jakub, béi abay mudél sidek ebéléen.”

Kul Nmò 7:15

Tahu se, gotu le msulék mógów ebè Idyip, ne ditu gónón hlós matay Jakub, kólen bè yó kem ngaen.

Tekang Kbuten 25:20

Deng fat folò ne halay Isak bè yóm kyehenen ke Ribika yóm ngà Bituél libun. Yóm Bituél tau Aramiyan lemwót bè Misuputamya. Yóm Ribika twoli Laban.

Tekang Kbuten 24:4

Holi mógów dou ebè yóm benwu tehe gónóhu sut, ne mebeli dou libun bè yó kem dou kwen mò yehen Isak.”

Dwata 7:7

Là kóen lemwót bè yóm tey kwen ye yóm gónó Dwata kembong nawa kuy ne mélék kuy. Bè ktahuhen, yu se yóm but tau tehe là holen wen bè kdéen but tau talak tonok.

Kehewà 1:12

Okóm balù yóm alì kehlayam le kul yó kem tau Idyip, mom temnù kwen le yó kem tau Israél ne ninuten lamang yóm gónó le nô bè yóm benwu yó. Ne deng mom bud temnù klikò le kul yó kem tau Idyip.

Kehewà 1:7

Okóm yó kem sfu le, yóm bnoluy le kem tau Israél sónmò le mból. Tey kwen le ne tey le kemgis. Botong tô gotu lengeb le yóm benwu Idyip.

Kehewà 1:5

Yó kdê deng ból Jakub, hitu folò kwen le gomong lemen Jusif yóm sotu ngaen deng eles nô ditu bè Idyip.

Tekang Kbuten 47:27

Deng le tódô menwu bè Gusén ne yó kem tau Israél, yóm benwu snakuf Idyip. Deng tey wen kendengen le bè yó ne deng tey kból le.

Tekang Kbuten 31:40

Dê duléku ne gmumfak du yóm tey ékét nóng kdaw ne yóm tey ketnawen ke kifu, là kóen gel mdengen ktungóu.

Tekang Kbuten 28:5

Tahu se, hewót Isak Jakub ebè Misuputamya, ebè Laban yóm ngà Bituél yóm tau Aramiyan. Yóm Laban logi Ribika, yóm yê le Jakub lewu le Iso.

Tekang Kbuten 27:41

Ya tey kutó nawa Iso ke Jakub lemwót bè yóm deng kolu mà le du. Yó hendemen, “Móyónen matay ne yóm mà. Ne ke deng matay, hnatayu Jakub.”

Tekang Kbuten 12:2

Yó nmou béléem angat hwenu bólem ne baling le sotu but tau alì mbegel kbenwu le. Tódô henlósu tmóbóng kóm ne htótólu boluyem ne mlan béléem gónóhu tmóbóng yó kem dumu tau.

Tekang Kbuten 47:4

Hlun me mógów edini abay se tey bitil bong bè yóm kum benwu bè Kanan. Laen dù gónó me hótób yó kem ógóf me. Ke yó yóm hyu béléem, suem mi bè Gusén.”

Dwata 26:4

Lemwót se kun yóm tau gel blóng ebè Dwata yó, nwahen yóm abì nwitem ne suen bè solu yóm gónó ye gel demsù ebè Dwata.