Dwata 26:2 - Udél Dwata: Gna Kesfasad ne Lomi Kesfasad

² yó nmò ye yóm ket kuy na sotu ke wen nuta ye, mabì ye bè ket tanay bungu yó kem hulu ye ne hol nwit ye ebè yóm benwu angat nélék Dwata mò gónó ye tmaba ebéléen.

Dwata 26:2 Referans Kwoze

Sulat Jim 1:18

Deng tódô lemwót bè kun kóyô yóm kehbalingen tekuy kem kun ngà mlan bè kdilô tekuy du yóm ktahu yóm kun udél. Henbalingen tekuy kem ngaen anì lemyu tekuy senta yó kem dumu tehe dlimunen.

1 Kurin 16:2

Tódô ket Akad ye eles hetfing du yóm kuy gbek blay, yóm ket kuy na sotu, lemwót bè yóm filak gel guta ye. Eles sentifun ye anì là tlek bud snólóku du soke kól dyó.

1 Kurin 15:20

Okóm bè yóm hol ktahuhen, deng tódô hlowil Dwata Krays. Bè yóm deng klowilen du yó, yó se mò ilô yóm kdohò yóm angat klowil Dwata kul yó kem tau deng matay.

Sulat Pol Ebè Yó Kem Tau Hemtahu Bè Rom 11:16

Ke hlingónu du yó kem Ju, lómón ke mambang tnilós blay le ke Dwata. Ke Dwata funen yóm hol tanay tilósen, bud nfunen snéen yóm duen. Lumun tu se kfunen yó kem tau Ju, abay se kun funen yóm hol gónó le gu semfu duhen yóm tehe Abraham. Sotu gónó tekuy e hmingón kul yó kem Ju, lómón ke koyu nfun Dwata. Ke nfunen yóm hol buten, gomong nfunen snéen kem hangahen.

Sulat Pol Ebè Yó Kem Tau Hemtahu Bè Rom 8:23

Là són du lu gemnóm du nim ni, okóm tekuy snéen kem tau hol gónóhen nô yóm Tulus Dwata, yóm hol tanay basa Dwata tekuy lemwót bè yóm alì kehkoso tekuy yóm kdaw kehegfan Dwata du yóm deng kngaen tekuy, ne yóm kehlomihen yóm lówó tekuy.

Kehewà 34:26

Tódô ket halay ye mit du ebè Gónô Dwata yóm tanay nuta ye. Bê ye tnógó bè él tutù yéen yóm ngà ubiha duhen ke yóm ngà kambing.”

Deng Hegfan 14:4

Ni kem tau semngal ni, hono le kem tau laen dù belenen yóm gel nmò le, ne là kô le deng gemnóm lówó libun. Hono kem tau gel lemolò yóm Ngà Ubiha balù nô gónón e mógów. Deng nsoken lu lem blóng kem dumu tau, hol lómón ke lu tanay yóm bungu hulu gefet mò blay ke Dwata lewu le yóm Ngà Ubiha.

Sulat Pol Ebè Yó Kem Tau Hemtahu Bè Rom 16:5

Tey gel kehedemu kul snéen yó kem tau gel stifun tmaba Dwata bè gónô le. Sotuhen, Épinitus, yóm sotu dumuhu sogot nawa, tey gel kehedemu du. Du se hol tanay tau hemtahu bè Krays bè prubinsya Asya.

Jirimaya 2:3

Bè yó kem kdaw yó, deng hetfingu yu ebéléu yu kem tau Israél. Yu se yó kem hol ngau twogu. Ke wen tau tehe hemsidek kuy sal gel wen glumfak hwitu ebélê le. Ou se yóm sana Dwata hol gónó mogot nim mudél ni.’ ”

2 Tutul Israél 31:5

Uni le mungol du kem tau Israél yóm yó, tódô le kendel bemlay, mahil bélê le bemlay yó kem tanay nuta le bè yó kem hulu le, ne bè yóm gel ninum le, ne bè hnolo ulib le, ne bè yó kem dumu tbas le. Ya tey kwenen yóm nwit le, yóm bad le ke Dwata bè kdê yó kem hulu le.

2 Tutul Israél 6:6

Okóm ni, deng néléku Jirusalim mò gónóhen nô yóm dou boluy, ne deng néléku Dabid mò kmamal yó kem dou tau Israél.’ Yó se deng fasad Dwata ke mà.”

2 Bok Kem Tau Hol Geta 4:42

Sotu kdaw, wen tau lemwót bè Baal-salisa mógów ebè yóm tau Dwata yó, ne wen nwiten ebéléen lewu folò mambang tahà lemwót bè yóm halay barli tanay nutahen, ne wen usok yóm halay barli yó nwiten snéen. Yó mon Ilaysa mò yóm tau tóbóng lówóhen, “Blayem yóm lumbuk tugod Dwata nim ni anì wen ken le.”

Dwata 18:4

Bélê le snéen gónón e solu yóm hol tanay gel bad yó kem tau ebè Dwata, yóm tanay nuta le bè halay ne bè yóm tifas grép gel ninum ne bè hnolo ulib ne bè yóm bul nóngós le bè ubiha.

1 Kurin 15:23

Okóm deng mdengen ne butengen yóm angat klowil Dwata kul. Yó hol tanay hlowilen, duhen Krays. Ne bè yóm kdaw kesfulék Krays edini, yó he klowil Dwata yó kem tau deng nfun Krays.

Dwata 26:1

Yó bud mon Musis, “Ke deng ye kól ta yóm tonok blayen kuy yóm sana kuy Dwata hol gónó mogot ne ke deng ye henek tahen,

Dwata 26:3

Mógów ye ebè yóm tau gel blóng ye ebè Dwata tolo mò nmò bè yó bè yóm kdaw yó ne mon ye mò du, ‘Nim nwitu ni mò gónów hetngón du bè yóm sana do Dwata hol gónó mogot, yóm deng kkólu ta yóm tonok tehe fasaden yó kem tehe fù tekuy mò blayen kut.’