Dwata 26:17 - Udél Dwata: Gna Kesfasad ne Lomi Kesfasad

¹⁷ Kemdaw ni deng mon ye Dwata se yóm sana kuy Dwata hol gónó mogot. Ne deng fasad ye du yóm kimón ye yóm kdê hlauhen ne yóm klolò ye du.

Dwata 26:17 Referans Kwoze

Isaya 12:2

Dwata se yóm lemwà do. Són du se do snalig ne yó gónóhu là bud likò. Béléen hol gónón lemwót yóm kgisu ne yóm kligalu, hol du se yóm lemwà do.

Kehewà 24:7

Ominen ma yóm bok gónóhen smulat du yóm deng senfasad le Dwata yó kem tau, ne gónóhen nô yó kem hlau Dwata kul ne hgelen udélen semfala du bè yó kem tau. Ne yó fasad le ke Dwata yó kem tau, mon le, “Nimón me yóm sana kum Dwata hol gónó mogot ne gotu nmò me yóm deng hlauhen kum.”

2 Kurin 8:5

Ya tey ketnga me du yóm kbong blay le. Okóm yó hol tanay nmò le, na le gotu hogot yóm gónó tekuy mogot yóm kul klowil. Ne lemwót bè yóm kimón le ke Dwata, bud gbót nimón le mi snéen kum.

Sulat Pol Ebè Yó Kem Tau Hemtahu Bè Rom 6:13

Hol béen wen bè yó kem nô bè lówó ye mit kuy mò sidek. Hol hogot ye ke Dwata yóm klowil ye, yakà deng lenwaen kuy gu lem hatay, ne deng blayen kuy yóm klowil lomi, anì hol gmò ye yóm tedeng gónón megdóyón Dwata.

Kul Nmò 27:23

Yó gónóhu mon du yóm monu ni, abay se ebuteng wen hógówen ebéléu gu bè longit yóm Dwata mfun dou, yóm tendo nimónu.

Isaya 44:5

Ne yó kem tólóng tau, angat sotu kun mon du, ‘Tauhe Dwata dou.’ Ne yó kem tau mon du yóm yó, angat le mung bè yó kem tau Israél. Sket kul tmugéng du bè sigel le yóm boluy Dwata. Gel mon le, ‘Ou se sotu tau Dwata.’ ”

Dwata 30:16

Ke nimón ye yó kem hlauhen kuy yóm sana kuy Dwata hol gónó mogot, duhen yó kem hlau deng tulónu kuy kemdaw ni ne ke bong nawa ye du ne ke lolò ye yóm kdê hlauhen kuy, hyu klowil ye ne angat ye baling sotu but tau alì genged. Tey angat któbóngen kuy yóm sana kuy Dwata hol gónó mogot ke deng ye kól ta yóm tonok móyón nfun ye.

Kehewà 20:19

Yó mon le mò ke Musis, “Ke uu mudél ebélê me hnungol me. Okóm ke Dwata, likò me déke matay me.”

Sikaraya 13:9

Yóm dù mowil yó, angat lómó kmou kul lómón yóm tau tmógó tahu blówón ne blówón bukay bè ofi, gotu kóhen ke wen boolen. Omin le yó tmaba bè boluyu ne angat bnalau lu, monu, ‘Lu se yó kem dou tau’ ne yó mon le se kul, ‘Dwata se yóm sana kum Dwata hol gónó mogot.’ ”

2 Tutul Israél 34:31

Lemwót yóm tau hol geta mdà klohok yóm sotu hehek bè Gónô Dwata bè yóm tey kfasangen. Ne bè yó bè solu Dwata, bud hnomihen yóm tehe senfasad le Dwata yó kem tau Israél. Fasaden ke Dwata yóm hol kehewóten du lem but blututen yóm kimónen du yó kem hlauhen kul dalang se yó kem hloloen kul. Fasaden ke Dwata yóm kimónen du yóm kdê yó kem nô lem yóm bok, yóm deng tehe senfasad le Dwata yó kem tehe fù le.

Kehewà 15:2

Dwata yóm hol kemgis mofin dou. Du se yóm deng lemwà do. Du se yóm dou Dwata tendo dóyón. Du se Dwata yóm dou mà ne hmungu bè lingónu yóm tey kegetahen.

Tekang Kbuten 28:21

ne laen dù hemenu bè yóm bud kuléku ebè gónô mà, deng duhen uu yóm dou Dwata hol gónóhu mogot.

Kehewà 19:8

Omin le gotu malà du yó kem tau, mon le, “Gotu nmò me yóm deng mon Dwata yó, yóm sana kum Dwata hol gónó mogot.” Omin Musis bud mneged nan e hgefet bè Dwata yóm balà le yó.

Kem Lingón 48:14

Yóm tey kbegelen yó, hol lómón yó se kun kmò Dwata. Ne laen dù tul sómnen yóm keDwata tekuy du. Du se fen malak tekuy efet kól bè katay tekuy.

Dwata 27:10

Yó gónóm mon, hol nimón ye ne hol bê ye abay nulé yó kem kun hlau deng tulónu kuy kemdaw ni.”

Juswa 24:22

Yó bud udél Juswa ebélê le, monen, “Yu se temksì du yóm deng kélék ye yóm klolò ye ke Dwata yóm sana Dwata hol gónó tekuy mogot.” “Tahu se,” mon le, “mi se temksì du.”