Dwata 26:14 - Udél Dwata: Gna Kesfasad ne Lomi Kesfasad

¹⁴ Bè yóm tehe kodungu, laen kô dù naw e ken du nim badu kóm ni ne laen kô deng nwahu du bè yóm là deng khólósu bè soluhem. Laen se dù deng nwahu du ke mò blayu bè tau matay. Deng nimónu u Dwata ne deng gotu nmou yóm kdê hloloem kum gbak bè keblay bad ebéléem.

Dwata 26:14 Referans Kwoze

Kem Lingón 106:28

Omin yó kem fù tekuy, deng le mom mung tmaba ebè Baal bè Pyor, ne balù yóm deng dsù le ebè matay, sana kken le du.

Malakay 2:13

Bud sotuhen, tey gel kkik ye ta yóm gónó gel demsù ebè Dwata, dnumu nkik ye yóm là kehmóyô Dwata yóm gel blay ye du ne yóm là kehligalen du yóm lemwót lem hólól ye.

Dwata 26:13

yó mon ye mò ke Dwata, ‘Ó Dwata, laen dù badem ke bnosu bè gónóu. Deng gotu blayu yó kem sfu Libay ne bè yó kem tólóng tau menwu lem blóng me ne bè yó kem ngà hikit ne bè yó kem libun bolu lómón yóm deng hlauhem kum. Là gbeku du ke là nimónu du yó kem deng hloloem kum gbak bè keblay bad ebéléem, laen kô dù klifótu du.

Dwata 26:15

Temngeli edini laan lemwót gu dyó bè yóm gónóm nô bè longit, nuyagem yó kem kóm tau Israél. Knudungem snéen yóm tey tonok hyu ne tonok tembas deng blayem kum, lómón yóm deng fasadem yó kem tehe fù me.’

Dwata 13:5

Okóm tódô hnatay ye yóm tau gel tmulón lan kna yó duhen ke yóm tugod Dwata tô mit kuy là mimón ke Dwata yóm Dwata tehe hewà kuy gu bè Idyip bè yóm benwu gónó ye tehe ghesek. Yóm tau lómón yó kmoen, tau Seitan, tô niten yu hlayuk bè yóm lan deng hlolò Dwata kuy. Tódô hnatay kmò du yóm tau lómón yó anì mkó lem blóng ye yóm sidek tô nmoen.

Kem Lingón 18:22

Abay se yó kem hlau Dwata, là kô klifótu kul. Là kô knogolu du yó kem hloloen kum.