Dwata 26:10 - Udél Dwata: Gna Kesfasad ne Lomi Kesfasad

¹⁰ Duhen ni, nwitu ebè Dwata dumuhen nim tanay nuta deng blayen dou.’ Omin ye hemsù yóm abì bè solu Dwata ne dóyón ye Dwata bè.

Dwata 26:10 Referans Kwoze

Deng Hegfan 22:9

Okóm mom monen mò do, “Bê. Béem nmò yó. Senged kut mò fen tóbóng lówó Dwata, dalang se yó kem dumuhem setwoli gel tmugod ke Dwata, ne yó kem dumuhem gel mimón du yóm deng eles tulónen bè nim bok ni. Olon Dwata dé hol dóyónem.”

1 Kurin 10:31

Yó balau du yóm yó, nô kihu nmò tekuy, senged se bè kken tekuy duhen ke bè kinum tekuy, hol gel hlan tekuy bè yóm gónón megdóyón Dwata.

Sulat Pol Ebè Yó Kem Tau Hemtahu Bè Rom 2:1

Béem tódô gel tendok kun kmò kem dumum. Laen dù lasunem mò du, balù sentnga se yóm kóm ktau. Ke wen tendokem bè dumum, ne ke bud gel nmoem se kóm, ten-geedem hegtuled knóem.

Kem Udél Hlalak Tehe Selumun 3:9

Hol nadatem Dwata mlan bè keblayem du du yóm alì hyu bè kdê yó kem huluhem gefet.

Kem Lingón 95:6

Géhél ye ne, mtud kuy bukol bè soluhen, ne tmaba kuy ebéléen. Du se yóm hol gónó tekuy mogot, yóm tehe mifil tekuy.

Kem Lingón 86:9

Kdéen tau bè yó kem benwu deng nmoem, angat le gotu mógów ebéléem, ne heglaan le bè soluhem, Dwata. Angat dóyón le yóm kegetahen ne yóm klaen dù belen yóm kóm boluy.

Kem Lingón 22:29

Yó kem tau hegeta knô angat le gotu heglaan béléen. Laen kô dù tau te tonok ke là mtuden bukol bè soluhen.

Kem Lingón 22:27

Angat gtulón nawa le Dwata yóm kdéen tau bè klamangen benwu. Gotu le semfulék ebéléen yó kem tau lemwót bè ket benwu talak tonok, Kdéen kay but tau talak tonok, gotu le tmaba ebéléen.

1 Tutul Israél 29:14

Okóm tmau dou de ne tmau kul de yó kem dou tau ke mi bemlay kóm? Igoen uu se gónón lemwót yóm kdê nô bélê me. Yóm blay me kóm ni, hono tehe lemwót béléem.

Dwata 26:17

Kemdaw ni deng mon ye Dwata se yóm sana kuy Dwata hol gónó mogot. Ne deng fasad ye du yóm kimón ye yóm kdê hlauhen ne yóm klolò ye du.

Dwata 26:4

Lemwót se kun yóm tau gel blóng ebè Dwata yó, nwahen yóm abì nwitem ne suen bè solu yóm gónó ye gel demsù ebè Dwata.

Dwata 26:2

yó nmò ye yóm ket kuy na sotu ke wen nuta ye, mabì ye bè ket tanay bungu yó kem hulu ye ne hol nwit ye ebè yóm benwu angat nélék Dwata mò gónó ye tmaba ebéléen.

Dwata 18:4

Bélê le snéen gónón e solu yóm hol tanay gel bad yó kem tau ebè Dwata, yóm tanay nuta le bè halay ne bè yóm tifas grép gel ninum ne bè hnolo ulib ne bè yóm bul nóngós le bè ubiha.

Dwata 8:18

Hol hentulón ye nawa, kaem lemwót bè yóm sana kuy Dwata hol gónó mogot yóm kwen kendengen ye. Yó gónón mò du bélê ye yóm yó, abay se là gbeken kmifót du yóm deng senfasad le yó kem tehe fù ye.

Kem Udél Hlalak Tehe Selumun 10:22

Yóm uyag Dwata mdengeni du ne laen dù kenblat nawahem du.