Dwata 24:19 - Udél Dwata: Gna Kesfasad ne Lomi Kesfasad

¹⁹ “Ke sentifun ye yó kem nuta ye ne ke wen klifót ye du, hol bê ye abay bud na a nangay, mò tódô noyok yó kem tólóng tau menwu lem blóng ye ne yó kem ngà hikit ne yó kem libun bolu. Ke ni se nmò ye, tey któbóng Dwata kuy bè ket nmò ye.

Dwata 24:19 Referans Kwoze

Hlolò 23:22

Ke sok bang ye muta, hol bê ye abay nuta yó kem halay nô hilol kilil ne bê ye abay senfulék noyok yó kem dù tebel. Tebel ye lu bè yó kem tau élél ne bè yó kem tólóng tau menwu lem blóng ye. Ou se yóm sana kuy Dwata hol gónó mogot.

Kem Udél Hlalak Tehe Selumun 19:17

Yóm tau knoduhen yó kem tau élél lómón ke hendómen Dwata ne Dwata he hulék du yóm deng blayen.

Kun Snulat Luk 6:38

Benlay ye kem dumu ye anì benlay Dwata yu se kuy. Tey hyu klemen du bélê ye yóm blayen kuy, nnoken elaan, kninsigen, ne hebésen. Yó se kbong yóm kuy blay, yó se bud kbong yóm blayen kuy.”

Isaya 32:8

Okóm yóm tau laen dù kéngen, tey tedeng yóm gel nmoen ne tey mbegel kdaen du yóm tedeng.

Kem Lingón 112:9

Là sgafas nawa le bemlay yó kem tau élél. Yóm kehyu nmò le laen kô dù tau kmifót du. Tey mbegel ktau le, ne tey kadat le du kem dumuhen.

Job 42:12

Duhen yó, ya tey bud kuyag Dwata ke Job bè yóm dù kdawen mowil, mkay bè yóm gnahen he yóm bud któbóngen du ni. Yó bud kdê ubiha Job, botong sfolò fat libuhen ne nem libu kamélen ne lewu libu safien ne lemibu kudà asnuhen.

Dwata 26:13

yó mon ye mò ke Dwata, ‘Ó Dwata, laen dù badem ke bnosu bè gónóu. Deng gotu blayu yó kem sfu Libay ne bè yó kem tólóng tau menwu lem blóng me ne bè yó kem ngà hikit ne bè yó kem libun bolu lómón yóm deng hlauhem kum. Là gbeku du ke là nimónu du yó kem deng hloloem kum gbak bè keblay bad ebéléem, laen kô dù klifótu du.

Kun Snulat Luk 6:35

Okóm kuy du,” mon Jisas. “hol kenbong ye nawa yó kem hohon ye, hol henyu ye kmò ye ebélê le. Ke hutóng ye, bê ye bud snolò. Ke lómón se ni gel nmò ye, tey angat ofol ye, ne angat ngaen yu yóm Dwata alì geta bè kdéen. Abay se yóm Dwata, balù yó he kem tau laen dù nawa skodu bélê le ne yó kem tau sidek nmò le, ewenem sana tey kkoduhen kul.

Kem Udél Hlalak Tehe Selumun 14:21

Wen salaen yóm tau sendekaen yó kem dumun tau, okóm hligal yóm tau knoduhen yó kem tau élél.

Rut 2:2

Sotu kdaw, mon Rut mò ke Numi, “Ke yó dum hyu béléem, Wê Libun, lelene tô moyok dé. Wen he yó tau móyô hoyok dou bè dnaduhen.” Mon Numi se mò du, “Duónen se, Yô, ke móyói.”