Dwata 19:19 - Udél Dwata: Gna Kesfasad ne Lomi Kesfasad

¹⁹ tnafak kmò du. Yó tafaken, yóm tehe tô tafak yóm tau dnelemen. Bè yóm kmò ye du nim ni mò lan ye mkó du lem blóng ye yóm tódô lembù dmelem kéng.

Dwata 19:19 Referans Kwoze

Kem Udél Hlalak Tehe Selumun 19:5

Yóm tau tmifù kéng là kô lugun du là tnafak ne yóm tau lemgas yóm kéng là kóen gewà lem tafak.

Kem Udél Hlalak Tehe Selumun 19:9

Yóm tau tmifù kéng là kô lugun du là tnafak ne yóm tau lemgas yóm kéng hukolen klowilen.

Danyél 6:24

Omin yóm tau hol geta gotu hekfô yó kem tau tehe alì tmifù ke Danyél. Gotu bud tles boten lu elem yóm sol gónó le kmukub yó kem liyun, mung kul kem yehen le ne kem ngà le. Là kô le deng gefet ditu laan deng sana sensegaf nsék le lu yó kem liyun, tódô gotu nkeb le kem tiol le.

Jirimaya 14:15

Yó gónóm mon, eles tulónu kóm yóm angat nmou bè yó kem tugod là lemwót le béléu. Tódô lenbù hlan le bè dou boluy yóm gel tulón le, yóm kmon le du laen dù gida ne laen dù bitil mbel bè nim benwu ni. Yó nmou bélê le ni kem tau lembù tmugod ni, angat le gotu matay bè gida ne bè kbel bitil bong.

Dwata 19:20

Ne ke gungol yóm kdéen tau nim nmò ye ni, gotu le likò ne laen dù bud mò du ne yóm sidek yó.

Dwata 13:5

Okóm tódô hnatay ye yóm tau gel tmulón lan kna yó duhen ke yóm tugod Dwata tô mit kuy là mimón ke Dwata yóm Dwata tehe hewà kuy gu bè Idyip bè yóm benwu gónó ye tehe ghesek. Yóm tau lómón yó kmoen, tau Seitan, tô niten yu hlayuk bè yóm lan deng hlolò Dwata kuy. Tódô hnatay kmò du yóm tau lómón yó anì mkó lem blóng ye yóm sidek tô nmoen.

Dwata 13:6

Baluen he ke tô lifut stulón kóm yóm hol dumuhem setwoli logi, duhen ke ngaem logi ne ke ngaem libun, duhen ke yóm yehenem alì kenbong nawahem, duhen ke yóm wè hol dumuhem ston nawa, ke tô niten uu tmaba bè yó kem dumu dwata, yó kem dwata kéng là deng hnikót tnabahem du dalang se yó kem tehe fuem, hol béem abay kenmón.

Danyél 6:25

Omin Daryus hemwit sulat ebè kdéen tau bè klamang benwu ebè kdéen but tau, balù kihu benwu gónó le nô, balù kihu kay udél le, monen, “Hol tendo wen he kenek nawa ye.