Dwata 19:15 - Udél Dwata: Gna Kesfasad ne Lomi Kesfasad

¹⁵ Bê ye tagad hensalà yóm tau ke tek sotu tau gemtanud du. Hyu ke lewu duhen ke tlu mò gemtanud du ke tahu se yóm salaen.

Dwata 19:15 Referans Kwoze

2 Kurin 13:1

Ni se getluhu dulék tô mauy kuy. Ke angat wen hkukum ye dou, tódô lolou yóm tehe hsulat Dwata, yóm monen, “Song hentahuhem yóm duón le yóm sotu tau ke wen lewu duhen ke tlu tau yóm fen gemtanud du.”Yu kem tau deng tehe gel mò sidek ekni, ne yó kem dumu tau bè yó, ni wen eles tulónu kuy. Deng tehe eles tulónu kuy ekni bè yóm gewuhu dulék bud mauy kuy, bede bud nulitu bélê ye nim ni gu laan tekuy là deng bud ston. Yó udélu bélê ye, bè yóm bud kkólu bè yó, laen kô dù tau mò sidek ke là angat tnafaku du.

Hibru 10:28

Bè yóm tehe kun kdaw Musis ekni, ke wen tau mulé du yóm kun hlau, ne ke wen lewu duhen ke tlu tau kestigus du yóm deng kguléhen du, tek sotu kukumen, tódô hnatay le yóm tau yó. Balù udì ke wen kodu le du.

Matyu 18:16

Okóm ke là hnungolen kóm, miti sotu duhen ke lewu tau mò dumuhem bè yóm bud kógówem ebéléen anì gloloem yóm deng monen bè Sulat Dwata, yóm monen, ‘Ke wen gónóm tmifù dumum tau, hyu ke wen lewu duhen ke tlu tau mò fen hmungol du yóm monem.’

1 Timuti 5:19

Béem tagad nmung ke wen delem le du yóm tau malak bè simbahan ke là dengen lewu duhen ke tlu tau gemtanud du.

Kun Snulat Jan 8:17

Wen snulat bè yóm kuy hlau,” mon Jisas, “yó monen, ‘Ke lewu tau gemtanud yóm nmò, ne senged tulón le, tahu se yó.’

1 Bok Kem Tau Hol Geta 21:13

Ominen wen lewu tau gel mò sidek sut, ne myón le bè solu Nabot. Yó nmò le, klamo le bè yó bè gónón wen, klamo le yóm deng kehmulaen ke Dwata ne homongen lemen yóm tau hol geta. Duhen yó, nwit le ebè lewà yóm syudad le ne hnatay sentudà le botu.

1 Bok Kem Tau Hol Geta 21:10

Omin ye mebel lewu tau gel mò sidek mò kmamo du igoen myón bè yó. Yó klamo le du mon le, deng henmulà Nabot Dwata homongen lemen yóm tau hol geta. Omin ye mit ke Nabot hewà ne hnatay sentudà ye botu.”

Kun Snulat Jan 7:51

“Bè yóm hlau tekuy, là kô tódô kendel tnafak tekuy du yóm tau ke là na tekuy hlan du bè kukum anì hnungol tekuy udélen, ne anì tngón tekuy yóm deng nmoen.”