Dwata 18:6 - Udél Dwata: Gna Kesfasad ne Lomi Kesfasad

⁶ Kihu sfu Libay, balù kihu benwu bè Israél gónón gu lemwót, ke móyô mógów ebè yóm sotu benwu gónó le gel tmaba ebè Dwata yó kem tau Israél

Dwata 18:6 Referans Kwoze

Dwata 12:5

Bè klamang yóm benwu gónó ye angat nô kem tau Israél, wen sotu benwu angat nélék Dwata mò gónó ye hloni ebéléen ne mò gónó ye tmaba ebéléen.

1 Pitér 5:2

Hol sen-gyok ye yó kem tau deng hesegyok Dwata kuy. Hol lómón ke ubiha le, ne yu yóm tau fen gel semgyok kul. Yó kun kóyô Dwata ke hol ye hligal bè yóm gel kesegyok ye kul. Hol bê ye abay nmò ke là lemwóten bè nawa ye. Hol bê ye abay nmò ke són hendem ye bè kguta ye filak. Song nmò ye ke lemwót bè yóm hol óyô ye tmóbóng kul bè kehtahu le.

1 Timuti 3:1

Tahu se yóm gel mon le, ke yó tô nóyóen yóm sotu tau ke du malak bè simbahan, tey hyu se yóm tô nmoen yó.

Kem Lingón 84:10

Anien ke tek sendawu nô bè Gónóem, Dwata, bong hyu he yó senta ke lemibu kdawu nô bè lewà. Mom hyu nawahu ke ou fen mentey bè bak tikeb yóm Gónóem senta ke nóe lem kul gónô yó kem tau mò sidek.

Kem Lingón 84:5

Hligal yó kem tau ke béléem gónón lemwót yóm kgis le. Lu se yó kem tau alì nô bè nawa le mógów ebè bulul Sayun.

Kem Lingón 27:4

Sotu alì gel hnihu bè Dwata, tek sotu yóm hol nóyóu béléen. Yó hnihu, bè klawihu mowil ke tendohe nô lem gónóen, anì tendo gtanudu yóm tey keklóónen, ne anì tendohe hesgalak béléen.

Kem Lingón 26:8

Tey bong nawahu du yóm Gónóem, Dwata, yóm gónóhen gfan yóm keslinangem.

Dwata 12:11

Ne bè yóm tonok yó, wen sotu benwu angat nélék Dwata mò gónó ye gel tmaba ebéléen. Ne bè yó gónó ye mit du ebéléen yóm kdê deng hlauhu kuy, duhen yó kem dsù gel hkekeb ye ne yó kem dumu dsù ye ne yóm gesfoloen gel bad ye du ne yó kem tódô gel blay ye du ne dalang se yóm dumu basa deng hol fasad ye du.

Dwata 18:7

na a mò nmò bè yó bè Gónô Dwata, tey hyu se yó. Yóm kun nmò bè yó, skél bè yóm kul gel nmò yó kem dumu sfu Libay tendo gel mò nmò bè yó.

Dwata 12:14

Tek són yó gónó ye demsù són bè yóm benwu angat kun nélék Dwata bè tonok yóm sotu kuy dumu ból Israél. Sónen bè yó gónó ye demsù du yóm dsù gel hkekeb ye ne yó kem dumu dsù deng hlauhu kuy.