Dwata 18:22 - Udél Dwata: Gna Kesfasad ne Lomi Kesfasad

²² Yó mò ilô ye du ke wen tulónen yóm tau tmugod yó hlanen bè boluy Dwata, ne ke là dohoen yóm tulónen yó, bè yó gónó ye temngón du là lemwóten bè Dwata yóm tulónen. Yóm tau yó tódô lembù, bê ye abay likò béléen.”

Dwata 18:22 Referans Kwoze

Dwata 18:20

Okóm ke wen tau tódô lembù tmugod dou, tódô hnatay kmò du. Senged se ke wen tau tmugod yó kem dumu dwata, tódô hnatay kmò du.’

2 Bok Kem Tau Hol Geta 20:1

Bè yóm kdaw yó, gemnóm des Hisikaya, ne tey leed yóm desen, ne yó gónón tô matay. Nauy Isaya yóm tugod Dwata ngà Amus, ne yó monen mò du, “Ni se udél Dwata ebéléem, Elesi tmebel udél lem gónóem, yakà angati matay, là buden mkó desem.”

Juna 4:2

Ne yó gónón mni bè Dwata, monen, “Ó Dwata, tahu se yóm tehe monu gu laanu là deng lemwót bè yóm tehe kdókem do. Yó tehe monu, là kô genbaem du Ninibi. Yó se tehe tô gónóhu mógów ebè Spén. Deng eles tngónu yóm tey kbong nawahem tau ne yóm tey kkoduhem kul. Deng tngónu snéen yóm tey khanayem nawahem ne yóm tey kehyuhem bè tau. Mahil béléem gel hmifót kul senta ke tnafakem lu.

Kem Udél Hlalak Tehe Selumun 26:2

Yóm tuled là kóen sut béléem ke laen dù duónen, hol lómón yóm onuk koyu olon móyóng hegluk.

Juna 3:4

Botong sendaw Juna mógów lem yóm syudad yó, ominen yó hetngón du kul yóm udél Dwata ebélê le, yó monen, “Tek fat folò buteng duen kegbà Dwata yóm syudad Ninibi.”

Dwata 18:21

Déke hendem ye, ‘Kmò kdilô me du yóm tulón ke là lemwóten bè Dwata?’

1 Bok Kem Tau Hol Geta 22:28

Okóm yó balà Mikaya du, monen, “Ke laen dù hemenem bè yóm bud kesfulékem, là tahuhen mudél ebéléu Dwata.” Ne yó bud monen bè yó kem tau mdà bè yó, “Hol hnungol ye kdéen tau, yóm monu ni.”

1 Samwél 3:19

Yóm igò Samwél lemnok, tódô seflós Dwata nô béléen ne laen dù bè yó kem gel tulónen lemwót bè Dwata ke là dohoen.

Sikaraya 2:13

Yóm kkól Dwata bè ni gu bè yóm kun gónó nô hol mólós, hol bê le abay hebnes bè soluhen yóm kdéen tau.”