Dwata 18:21 - Udél Dwata: Gna Kesfasad ne Lomi Kesfasad

²¹ Déke hendem ye, ‘Kmò kdilô me du yóm tulón ke là lemwóten bè Dwata?’

Dwata 18:21 Referans Kwoze

Deng Hegfan 2:2

Yó monen, “Deng gotu tngónu se yóm deng gel nmò ye, ne tngónu yóm khotu ye nawa ye mò nmò, ne yóm gel khanay ye nawa ye. Ne tngónu snéen yóm gel kekbê ye yó kem tau mò sidek, ne yóm gel ktilów ye kul yó kem tau lembù mit du yóm dou udél, ne tódô dilô ye se yóm kéng le.

1 Tisalunika 5:24

Yóm Dwata tehe tmaba kuy ekni, du se mò du bélê ye nim monu ni koni, abay se là kóen monol nawahen ebélê ye se kun.

Dwata 18:20

Okóm ke wen tau tódô lembù tmugod dou, tódô hnatay kmò du. Senged se ke wen tau tmugod yó kem dumu dwata, tódô hnatay kmò du.’

Dwata 18:22

Yó mò ilô ye du ke wen tulónen yóm tau tmugod yó hlanen bè boluy Dwata, ne ke là dohoen yóm tulónen yó, bè yó gónó ye temngón du là lemwóten bè Dwata yóm tulónen. Yóm tau yó tódô lembù, bê ye abay likò béléen.”

1 Samwél 3:20

Tódô kdê yó kem tau Israél lenwóten bè yóm benwu boluyen Dan, yóm benwu hol fi bwak, efet kól etu bè yóm benwu hol fi leged boluyen Birsiba, gotu temngón du yóm deng kélék Dwata ke Samwél mò tugoden.

Sikaraya 2:13

Yóm kkól Dwata bè ni gu bè yóm kun gónó nô hol mólós, hol bê le abay hebnes bè soluhen yóm kdéen tau.”