Dwata 18:2 - Udél Dwata: Gna Kesfasad ne Lomi Kesfasad

² Yó kem sfu Libay laen dù tonok le kul, là lómón du yó kem dumu le Israél. Yó kul ólól yó kem sfu Libay, duhen yóm keseblóng le tau ebè Dwata lómón yóm deng fasad Dwata kul.

Dwata 18:2 Referans Kwoze

1 Pitér 2:9

Okóm yu kem tau deng hemtahu béléen, deng nélék Dwata yu mò hol kun tau. Yu se yóm henged demsù ebéléen. Yu se kem tau hol kun nogot, kem tau hol nfunen. Deng néléken yu anì hol heglalag ye bè klamangen yóm tey hyu deng nmoen bélê ye. Deng tnabahen yu igò ye tolo nô lem gónón kmifu anì mili ye ebéléen bè tum gónón alì lemayag.

1 Pitér 2:5

Ne kdê ye yó kem tau deng hlowilen, lómón ke botu ye snéen kuy. Yu se yó kem botu wen mu Dwata du bè yóm gónô hdaen mò gónóhen gel nô. Ne bè yóm gónóen yó, hol lómón ke yu se yóm tau fen gel demsù ebéléen. Yó henged kuy dsù, duhen yóm kimón ye ke Dwata ne yóm gel kdóyón ye du, hlan ye bè yóm deng nmò Jisas bélê ye. Ni se yóm dsù hol henmóyô Dwata.

Lanu Jirimaya 3:24

Yó mon nawahu, “Tek són Dwata se yóm là lanahen béléu. Yó gónóm mon, du se nefet nawahu.”

Isaya 61:6

Yó angat boluy le kuy, kem tau mò blóng ebè Dwata ne kem tau tóbóng lówó Dwata. Angat tey kehyu nawa ye du kuy yó kem kendengen lemwót bè dumu benwu, tey kegsengel nawa ye mfun du.

Kem Lingón 119:57

Ó Dwata, tek són uu yóm dou Dwata. Fasadu kóm yóm kimónu yó kem udélém.

Kem Lingón 84:11

Dwata se yóm hol mofin tekuy. Du se yóm hol dandónen geta alì minggel kmoen. Tey któbóngen tekuy mlan bè yóm hyu gel nmoen bélê tekuy, ne bè yóm kadaten tekuy. Là kô nalihen du yóm hyu ebè yó kem tau mò du yóm tedeng.

Kem Lingón 16:5

Kaem tek són uu, Dwata, ken-gel nawahu. Gotu gel blayem dou yóm wen muhu du. Tódô hogotu kóm yóm klowilu elem haya.

Tekang Kbuten 15:1

Kogolen bè yó, tódô hegfan bè Abram Dwata, ne gungol Abram yóm udél Dwata ebéléen, monen, “Ó Abram, hol béi abay hlikò. Tendo kenlungu uu anì laen dù tau hemsidek kóm ne angat wen tey ofol blayu kóm.”

Dwata 10:9

Yó gónóm mon, laen dù kul ólól yó kem sfu Libay bè yóm tonok blay Dwata yó kem tau Israél, là lómón du yó kem dumu le. Yó kul ólól duhen yóm keseblóng le tau ebè Dwata lómón yóm deng fasad Dwata kul, yóm sana kuy Dwata hol gónó mogot.