Dwata 18:18 - Udél Dwata: Gna Kesfasad ne Lomi Kesfasad

¹⁸ Angat wen tau mò tugodu hwitu elem blóng le lemwót bè kul kwen ne yóm kun nmò hol skél bè yóm kóm nmò. Angat tulónu yóm tugodu yó yóm mò angat monen ne angat gotu tulónen yó kem tau Israél yó kem dou hlau kul.

Dwata 18:18 Referans Kwoze

Kun Snulat Jan 8:28

Bud mon Jisas mò kul, “Ke sok deng hteg ye kros yóm Ngà Tau, yó he angat kdilô ye do. Ne dilô ye snéen yóm klaen dù tódô genbeku ke tek són ou, ne yóm klaen dù lenbù tulónu, són olo tulónu yóm deng hlolò Mà do.

Dwata 18:15

Yó angat nmò Dwata bélê ye kuy, wen tugoden mò hógówen elem blóng ye lemwót bè kuy kwen ne hol skél yóm nmò me. Ke deng kól lem blóng ye yóm tugod Dwata yó, hol nimón ye.

Kun Snulat Jan 4:25

Ne yó bud monen mò ke Jisas yóm libun yó, monen, “Tngónu angat sut yóm Misaya. Sok sut, angat gotu tulónen tekuy yóm kdéen.”

Kun Snulat Luk 24:19

Ne bud hensokol Jisas bélê le, monen, “Boluyen de?” Omin le bud malà du, mon le, “Yó sem nmò le bè Jisas, yóm tau lemwót bè Nasarit. Nim tau ni,” mon le, “du se hol tugod Dwata. Laen kô dù bang gemsenged du bè solu Dwata nim Jisas ni, sélét mom tô bè kem tau tonok ne. Tey gemseb yóm gel ktoloken, ne tey wen hentaw ton gbek nmoen snéen.

Kun Snulat Jan 1:45

Bud kewót Filip bè yó, nan e hnebel Natanyél. Tikóng le ston, monen mò du, “Deng ton me ne yóm tau gónón e gbak yóm tehe snulat Musis ekni bè yóm hlau gnan, dalang se yóm tehe gel snulat yó kem gna tugod Dwata, duhen du se yóm Jisas lemwót bè Nasarit, yóm ngà Jusif.”

Malakay 3:1

Yó balaen kul yóm Dwata laen dù là gbeken du, monen, “Ngem, angat wen hógówu elem blóng ye mò eles hemtifes yóm angat lanu. Ominen yó tódô mekto sut elem yóm kun Gónô yóm tendo nangat ye, duhen yóm Dwata hol gónó mogot. Yóm hógówu tendo gel nangat ye yó, dohò sut se kun mò hetngón du kuy yóm deng senfasad tekuy.”

Kun Snulat Jan 17:8

Deng gotu tulónu kul yóm tulón lemwót gu béléem, ne deng gotu henmóyô le se. Tngón le yóm kewótu gu dyó béléem, deng hentahu le yóm khógówem dou.

1 Timuti 2:5

Yakà tek sotu du Dwata, ne tek sotu se yóm blóng tau ebè Dwata, duhen yóm tau boluyen Krays Jisas.

Kun Snulat Jan 17:18

Deng hógówem ou elem benwu. Bud lómón yó se khógówu kul bè yó kem tau elem benwu mò tmolok bélê le.

Kun Snulat Jan 15:15

Là bud bnoluyu kuy tau dók, abay se yóm tau dók, là kô tngónen du kun yóm nmò yóm gónón mogot. Okóm bnoluyu yu wè, abay se deng gotu hetngónu kuy kdê yó kem deng gungolu gu bè Mà.

Kem Lingón 110:4

Deng wen safà Dwata, ne là kô nan e bud hulék du lem baken, monen, “Uu se mò blóng tau ebéléu kól bè laen kô dù tul sónen lómón yóm tehe keseblóng Mélkisédék tau ebéléu.”

Kem Lingón 2:6

Yó udélen ebélê le, “Ngem yóm tau deng kenbê ye mò mogot kuy, deng hyónu bè yóm dou bulul Sayun mò mogot benwu.”

Hibru 7:22

Duhen yó, lemwót bè yóm deng fasad Dwata ke Jisas yó, yó se gónóhen alì hyu yóm nmò Jisas mò lan tekuy hloni ebè Dwata.

Isaya 50:4

Yóm Dwata hol dandónen geta gónóhu mogot, du se tmolok du dou yóm hyu mò udélu anì ten-gelu yó kem tau deng alì sidek kliteg le. Tódô ket hlafus gel benlayen ou óyô hmungol du yó kem nóyô toloken dou.

Dwata 33:5

Bè yóm tehe gotu kestifun yóm sfolò lewu kem ktol yó kem tau Israél, gomong yó kem gel malak kul, yó se yóm kdaw kbaling Dwata mò hol geta bè yó kem tau Israél.”

Lista 12:13

Tahu se, tódô hgel Musis udélen mni bè Dwata, monen, “Ó Dwata, hol kóhem bè libun me yóm desen ni.”

Dwata 5:5

Bè yóm kdaw yó, ou se fen semblóng kuy ebè Dwata mò tmulón du kuy yóm monen, abay se likò ye bè yóm ofi gónón gu mudél ne là kô ye gógów eta yóm bulul. Yó tehe udél Dwata ebélê ye bè yóm kdaw yó, monen,

Kun Snulat Jan 1:21

Bud mon le se, “Tmau kóm de? Ilaydyahi kô?” Bud mon Jan, “Sundu ou du.” Bud mon le se, “Uu kô yóm sotu tugod Dwata tendo hendón me?” Bud mon Jan, “Sundu ou du.”

Kun Snulat Jan 1:25

Bud mon le mò ke Jan, “Ke là se uu du yóm Misaya, ne ke là se uu du Ilaydya, duhen ke là uu du yóm sotu tugod Dwata tendo nangat me, moen se ke geli mabtays?”

Kun Snulat Jan 12:48

Yóm tau kembê do, ne là se kô henmóyóen du yóm toloku, angat wen fen tmuled du. Yó tmuled du bè yóm hol són kdaw, duhen yóm udélu là henmóyóen du yó.

Kul Nmò 3:22

Yakà deng wen yóm tehe mon Musis ekni, yó monen, ‘Angat wen bud hógów Dwata elem blóng ye, yóm Dwata hol gónó tekuy mogot, lómón yóm khógówen dou ni, mò tmugod du ebélê ye yóm udélen. Yóm tau angat hógówen yó, tódô lemwót bè yóm sana kuy kwen. Hol nimón ye yóm kdê tulónen kuy.Yó se tau là mimón du yóm tugod Dwata yó, tódô kó ye bè kem kun tau Dwata ne tódô hnatay ye.

Kul Nmò 7:37

Ni se yóm Musis tehe mon du mò yó kem tau Israél, ‘Angat wen bud hógów Dwata elem blóng ye lómón yóm khógówen do ni mò tmugod du ebélê ye yóm udélen. Yóm tau hógówen yó, tódô lemwót bè yóm sana kuy kwen.’Nim Musis ni, du se nô lem blóng yó kem tau Israél ekni ditu bè yóm benwu laen dù tau menwu du. Tódô nô lem blóng yó kem tehe fù tekuy. Bud du se yóm tehe mógów eta yóm Bulul Sinay, ne wen hógów Dwata gu bè longit mudél ebéléen. Hlan Dwata bè Musis se yó kem hlau blayen tekuy, yóm hlau laen kô dù tul sónen.

Kehewà 4:12

Yó ne lemwóti, tendo tnóbóngu u he mudél ne tulónu kóm yóm angat monem.”

Kehewà 4:15

Gbekem fen htugod du yóm nóyô monem. Tendo tnóbóngu yu lewu ye bè yóm kudél ye ne tulónu kuy yóm bang nmò ye.

Lista 23:5

Ne gotu tulón Dwata ke Balaam se yó kem mò htulónen du bè Balak ne ominen hulék ke Balaam etu bè Balak.

Dwata 34:10

Laen dù dumu tugod Dwata bè yó bè Israél ke mkél ke Musis, yóm tódô kessuyó le Dwata ke gel le stulón.

Jirimaya 1:9

Omin Dwata yó mdù sumóngu ne monen mò dou, “Ngem, suu bè sumóngem yó kem udélu mò tulónem.

Amus 2:11

Wen bè yó kem ngà ye logi néléku mò baling tugodu ne wen se bè yó kem lomi lemnok bélê le néléku nmou tau Nasirit. Ó kem tau Israél, tahu kô nim monu ni?” mon Dwata.

Lista 23:16

Tahu se, ston ke Balaam Dwata ne gotu tulón Dwata du yó kem mò tulónen. Omin Dwata hulék du ebè Balak anì tulónen du yó kem deng htulónen du yó koni.