Dwata 18:16 - Udél Dwata: Gna Kesfasad ne Lomi Kesfasad

¹⁶ Abay se ni yóm tehe hni ye bè yóm kdaw tehe gotu kesbung ye bè but Bulul Sinay. Tey kehkodu ye béléu anì là bud gungol ye du yóm udél Dwata ebélê ye ne anì là bud ton ye du yóm tey kdilófen abay se likò ye, déke matay ye.

Dwata 18:16 Referans Kwoze

Kehewà 20:19

Yó mon le mò ke Musis, “Ke uu mudél ebélê me hnungol me. Okóm ke Dwata, likò me déke matay me.”

Dwata 9:10

Omin Dwata bemlay du dou yóm lewu kem botu kufil deng gónón smulat du yó kem hlauhen tekuy gu lem tum dilóf ofi bè yóm kdaw tehe kestifun ye bè but Bulul Sinay. Yó kem kun hlau yó, tehe hol kun snulat.

Hibru 12:19

Ne tódô gungol le yóm tey uni féw bong, ne sen-geng gungol le se yóm udél Dwata. Bè yóm kungol le du, ya tey sidek klikò le, botong le hkodu bè Musis anì béen bud mudél ebélê le Dwata.

Kehewà 20:18

Timbow gungol yó kem tau yóm tey lungkul leték ne yóm tey uni féw bong ne ton le se yóm silà ne kebel gu bè yóm bulul yó, tey sidek klikò le, botong setbol kkel le, botong le mdà hlayuk.

Dwata 10:4

Omin Dwata bud smulat du tahen yó kem udél tehe snulaten bè yóm gnan, duhen yóm sfolò kem hlauhen kuy bè tum tehe kudélen gu lem dilóf ofi bè yóm kdaw tehe gotu kesbung ye bè but Bulul Sinay. Deng ksulat Dwata du, bud blayen dou yóm lewu kem botu kufil yó

Dwata 1:6

“Bè yóm tehe knô tekuy bè Bulul Sinay, yó udél Dwata ebélê tekuy yóm sana Dwata hol gónó mogot, monen, ‘Geblaen ni ne knô ye bè nim bulul ni.

Jirimaya 1:9

Omin Dwata yó mdù sumóngu ne monen mò dou, “Ngem, suu bè sumóngem yó kem udélu mò tulónem.