Dwata 18:15 - Udél Dwata: Gna Kesfasad ne Lomi Kesfasad

¹⁵ Yó angat nmò Dwata bélê ye kuy, wen tugoden mò hógówen elem blóng ye lemwót bè kuy kwen ne hol skél yóm nmò me. Ke deng kól lem blóng ye yóm tugod Dwata yó, hol nimón ye.

Dwata 18:15 Referans Kwoze

Kul Nmò 7:37

Ni se yóm Musis tehe mon du mò yó kem tau Israél, ‘Angat wen bud hógów Dwata elem blóng ye lómón yóm khógówen do ni mò tmugod du ebélê ye yóm udélen. Yóm tau hógówen yó, tódô lemwót bè yóm sana kuy kwen.’Nim Musis ni, du se nô lem blóng yó kem tau Israél ekni ditu bè yóm benwu laen dù tau menwu du. Tódô nô lem blóng yó kem tehe fù tekuy. Bud du se yóm tehe mógów eta yóm Bulul Sinay, ne wen hógów Dwata gu bè longit mudél ebéléen. Hlan Dwata bè Musis se yó kem hlau blayen tekuy, yóm hlau laen kô dù tul sónen.

Kun Snulat Jan 1:45

Bud kewót Filip bè yó, nan e hnebel Natanyél. Tikóng le ston, monen mò du, “Deng ton me ne yóm tau gónón e gbak yóm tehe snulat Musis ekni bè yóm hlau gnan, dalang se yóm tehe gel snulat yó kem gna tugod Dwata, duhen du se yóm Jisas lemwót bè Nasarit, yóm ngà Jusif.”

Kun Snulat Luk 9:35

Tódô gungol le se yóm mudél gu lemen, yó monen, “Ni se hol dou Ngà, yóm deng eles néléku. Hol gel hnungol ye.”

Matyu 17:5

Yóm igò Pitér tolo mudél, tódô lememek eta le yóm tey lobun sminang bukay, tódô gungol le yóm mudél gu lemen, monen, “Ni se hol dou Ngà, gónón nô nawahu. Tey kligalu béléen. Hol gel hnungol ye.”

1 Timuti 2:5

Yakà tek sotu du Dwata, ne tek sotu se yóm blóng tau ebè Dwata, duhen yóm tau boluyen Krays Jisas.

Kun Snulat Jan 6:29

Ne bnalà Jisas se lu, monen, “Ni hol kóyô Dwata bélê ye ke hentahu ye yóm deng hógówen elem blóng ye.”

Kun Snulat Luk 24:19

Ne bud hensokol Jisas bélê le, monen, “Boluyen de?” Omin le bud malà du, mon le, “Yó sem nmò le bè Jisas, yóm tau lemwót bè Nasarit. Nim tau ni,” mon le, “du se hol tugod Dwata. Laen kô dù bang gemsenged du bè solu Dwata nim Jisas ni, sélét mom tô bè kem tau tonok ne. Tey gemseb yóm gel ktoloken, ne tey wen hentaw ton gbek nmoen snéen.

1 Jan 3:23

Ni sii yóm hlauhen: Hol hentahu tekuy boluy yóm Ngaen, duhen Jisas Krays, ne hol tekuy sbong nawa, lómón se yóm deng hlolò Krays tekuy.

Kun Snulat Jan 1:25

Bud mon le mò ke Jan, “Ke là se uu du yóm Misaya, ne ke là se uu du Ilaydya, duhen ke là uu du yóm sotu tugod Dwata tendo nangat me, moen se ke geli mabtays?”

Kun Snulat Luk 10:16

Ne bud mudél Jisas bè yó kem lemolò du, yó monen mò kul, “Bè nim khógówu kuy ni, yó se hmungol kuy, lómón ke ou se yóm hnungolen. Yó se kembê kuy, hol lómón se ke ou yóm kenbéen. Ne ke kenbéen ou yóm tau, hol lómón ke kenbéen snéen yóm hógów dou.”

Dwata 34:10

Laen dù dumu tugod Dwata bè yó bè Israél ke mkél ke Musis, yóm tódô kessuyó le Dwata ke gel le stulón.

Kun Snulat Jan 1:21

Bud mon le se, “Tmau kóm de? Ilaydyahi kô?” Bud mon Jan, “Sundu ou du.” Bud mon le se, “Uu kô yóm sotu tugod Dwata tendo hendón me?” Bud mon Jan, “Sundu ou du.”

Dwata 5:5

Bè yóm kdaw yó, ou se fen semblóng kuy ebè Dwata mò tmulón du kuy yóm monen, abay se likò ye bè yóm ofi gónón gu mudél ne là kô ye gógów eta yóm bulul. Yó tehe udél Dwata ebélê ye bè yóm kdaw yó, monen,

Kun Snulat Luk 2:32

Du henged layag mò hegfan yóm kóm kóyô bè yó kem dumu tau là Ju le, ne bud du se gónón lemwót yóm angat kdóyón le kum mi kem tau Israél.”

Matyu 21:11

Bnalà yó kem tey tau sbung, mon le, “Ni se yóm Jisas, yóm tugod Dwata lemwót bè Nasarit, yóm sotu benwu bè prubinsya Galili.”

Kun Snulat Luk 2:25

Bè yóm kdaw yó, wen sotu tuha logi nô bè Jirusalim boluyen Simyun. Nim tau ni, tedeng knawahen, ne tey klikoen ke Dwata. Sal gel nangaten yóm kehewà Dwata kul yó kem tau Israél. Tendo nô béléen yóm Tulus Dwata,

Kun Snulat Luk 7:16

Tódô le se gotu likò yó kem tau mton du, mung du yóm tey kdóyón le ke Dwata, mon le, “Deng sut lem blóng tekuy yóm tugod Dwata alì mfasang.” Mon kem dumu, “Deng kól lem blóng tekuy ne Dwata nan e lenwà kem kun tau.”

Kun Snulat Jan 4:19

Bud mon yó sem libun yó mò ke Jisas, monen, “Tugodi Dwata dilóu, Sér.

Kun Snulat Jan 9:17

Ne bud snólók yó kem Farisi yóm tau tehe butô yó, mon le mò du, “Tedu kmò kóm kehedem du yóm tau tu? Abay se u yóm deng htonen.” Monen se kun, “Hol tahu tugod Dwata tum tau tu.”

Lista 12:6

Ne yó mon Dwata mò kul, “Ni mò hnungol ye. Ke wen yó kem tugodu nô lem blóng ye, tódô wen yóm gel htonu kul ne gele stulón kul mlan bè kna le.

Lista 12:8

Yó gónóm mon, ke stulón me tódô me suyó ne tey mtukul kestulón me, là hlanu du bè hléd. Deng tódô tonen yóm kmou. Kihol ye kóem mlos mudél etahen, yóm dou tóbóng lówó?”