Dwata 18:10 - Udél Dwata: Gna Kesfasad ne Lomi Kesfasad

^10-11 Yó sotu sidek gel nmò le, kóem hkekeb le yó kem ngà mò dsù le ebè kul dwata. Hol bê ye abay nmò kuy yóm yó. Hol bê ye abay nmò kuy yóm hemgawang ne yóm mimò ne mton bù. Bê ye abay tmaba ebè mogol.

Dwata 18:10 Referans Kwoze

Hlolò 19:31

Bê ye abay hmungol hlau bè yó kem tau gel tmaba bè lemogol. Ke nmò ye yóm yó, là buden mólós ktonu kuy. Ou se yóm sana kuy Dwata hol gónó mogot.

Hlolò 19:26

Hol bê ye abay ken yóm utón tolo nô du litóen. Hol bê ye abay nmò yóm kul gel nmò yó kem tau wen lamaten ne yó kem tau mton bù.

Kul Nmò 19:19

Tey dê tau wen lamat snalig le. Gotu nwit le yó kem bok gel lolò le, ne tódô gotu dnutung le lu. Wen dô limu folò libu btesen yóm bok dnutung le yó.

Dwata 12:31

Hol bê ye abay heskél bè yóm kul kmò gel ktaba ebè yó kem kul dwata yóm kuy kmò ktaba ebè yóm sana kuy Dwata hol gónó mogot. Yakà yóm kul ktaba ebè yó kem kul dwata, gotu nmò le yó kem sidek alì kenbê Dwata. Balù ngà le, gbek le demsù du ta yóm ofi nô bè yó kem gónó le gel demsù.

2 Tutul Israél 33:6

Nim Manasi ni, balù ngaen botong gbeken hkekeb du bè Datal Hinom mò dsuen. Deng mom dmalang gel hmayam, ne hemgawang ne tmaba ebè tulus seitan ne ebè mton bù ne gbeken tódô temsob moluy. Yóm kdê nmoen yó, tey sidek kehebuten ke Dwata.

1 Tutul Israél 10:13

Duhen yó, matay Sol lanen là mimón ke Dwata. Là kô nimónen du yóm hlau Dwata du, lelen mom mógów ebè yóm libun mton bù, snólóken béléen ke tedu tô nmoen,

2 Bok Kem Tau Hol Geta 17:17

Deng mom dsù le ta ofi yó kem ngà udì le logi duhen libun, ne mógów le ebè yó kem tau hemgawang ne ebè yó kem tau demwata, deng tódô bayà le knô le mò du yóm sidek, yóm gónón alì lembut kul Dwata.

1 Samwél 28:9

Okóm yó monen mò du yóm libun mton bù yó, “Mone tô hfatayem o kô? Deng tngónem se kóm yóm deng nmò Sol, gotu hdóhen lu yó kem mton bù ne yó kem tau demwata bè nim benwu ni.”

1 Samwél 28:7

Ne yó mon Sol bè yó kem tóbóng lówóhen, “Mebel ye do libun mton bù anì mógówe ebéléen naw e smólók béléen ke tedu nmou.” Ne yó balà le du yó kem tóbóng lówóhen, mon le, “Wen sotu libun mton bù nô bè Indor.”

1 Samwél 28:3

Deng matay ne Samwél. Bè yóm katayen tódô kdê yó kem tau Israél gotu lemangag du ne lebeng le bè yóm kun benwu bè Rama. Ne yó nmò Sol, gotu hdóhen yóm kdê yó kem tau demwata ne kem tau mton bù bè yó bè Israél.

Glasya 5:20

Ne lel le hemtahu bè dwata kéng, ne tey ksalig le bè imò le. Sónmò le sfohon ne sfatay. Gel le sélés nawa ne sefebut, ne tey dê sen-galu nawa le. Tey alì mahil mesgólól kehedem le.

Jirimaya 32:35

Deng le mom hemdà yó kem gónó le demsù ebè Baal ditu bè Sbong Ben Hinom ne bè yó gónó le hkekeb yó kem ngà udì le logi duhen ke libun, mò dsù le ebè yóm dwata kéng boluyen Molék. Nim nmò alì sidek ni, là kô naw e hmò du kul. Là kô hendemu du ke yó hmou kul yóm tey sidek yó. Bè yóm nmò yó, alì sidek kegsalà le du yó kem tau bè Juda.”

Kul Nmò 8:9

Wen sotu tau nô bè yó boluyen Simun. Tey wen nmoen lem blóng yó kem tau bè Samarya lemwót bè yóm kwen lamaten, ne tey gel kehtaw le du snéen. Tey gel kudélen hegeta.

Tekang Kbuten 44:5

Moen ke hennagaw ye yóm tegayan blówón bukayen? Igoen són yó gónón gel minum ne yó se yóm tegayan mtulusen. Deng tey gulé ksideken yóm salà nmò ye.’ ”

1 Samwél 15:23

Yóm smonol ke Dwata hol lómón ksideken yóm gel nmò yóm tau mton bù. Ne yóm keheklabak hol lómón ksideken yóm tau tmaba ebè dwata kéng. Duhen yó, lemwót bè yóm deng kekbéem yóm hmò Dwata kóm, gónó Dwata kembê kóm mò tau hol geta.”

1 Samwél 28:8

Duhen yó, yó nmò Sol hlingu lemsek nes hkawang ne mógów ebè yóm libun mton bù bè yóm kifu yó, mung du yóm lewu kem tauhen. Bè yóm kkól le, yó monen bè yóm libun yó, “Móyóe stulón bè lóyóf yóm sotu tau deng matay. Yake tnabahem do lóyófen yóm tau bnoluyu anì stulóne du.”

2 Bok Kem Tau Hol Geta 23:24

Yó bud nmò Jusaya bè Jirusalim ne bè klamang Juda, gotu kóhen yóm kdéen tau mton bù, kem tau demwata, ne yó kem dwata lennged gel sù le lem gónô le ne yó kem dumu dwata lennged gónó le tmaba, gotu kóhen lu. Yó gónóhen mò du nim ni lanen mimón yóm hlau deng snulat lem yóm bok ton Hilkaya yóm tau blóng ebè Dwata lem Gónô Dwata.

Mika 5:12

Nmou són le yóm kdéen mton bù ne laen dù bud tau hemgawang gónó ye bud smólók.

Malakay 3:5

Yó udél yóm Dwata laen dù là gbeken du, monen, “Angate sut elem blóng ye naw e knukum yu. Ne henmung tenksiu yó kem tau demwata ne yó kem tau mdà yehen ne yó kem tau tmifù kéng ne yó kem tau là tedeng ksukéy le yó kem tau mò nmò bélê le, ne yó kem tau hen-gnok le yó kem libun bolu ne yó kem ngà hikit ne yó kem tólóng tau menwu lem blóng ye. Tenksiu yó kem tau mò du yóm yó abay se hono tau laen dù klikò le dou,” udél yóm Dwata laen dù là gbeken du.

2 Bok Kem Tau Hol Geta 17:15

Mom kenbê le yóm hlolò Dwata kul, dalang se yóm deng tehe senfasad le Dwata yó kem tehe fù le, ne yó kem eles hetgamahen kul. Deng mom lolò le yó kem dwata lennged laen dù mu le, ne baling le tau laen dù mu se kul. Mom lolò le yóm kul gel nmò yó kem benwu hmilol kul igò Dwata deng mon du mò kul hol bê le abay lolò lu.

Jirimaya 7:31

Bè Sbong Hinom, deng wen gónó demsù boluyen Tufét hdà le bè yó mò gónó le hkekeb yó kem ngà udì le logi duhen libun. Nim nmò alì sidek ni, là kô hmou du kul. Balù sulék ke tô hendemu yóm nmò le yó.