Dwata 17:17 - Udél Dwata: Gna Kesfasad ne Lomi Kesfasad

¹⁷ Yóm tau nélék ye, là hyuhen ke dê yehenen déke mom dalil gónón glayuk bè Dwata. Là se hyuhen ke hdengen bè tahu blówón ne bè blówón bukay.

Dwata 17:17 Referans Kwoze

Matyu 19:5

Yó mon Dwata, ‘Yó gónóm mon, gtagaken maen ne yéen yóm logi ne setnù le yóm tuha libunen, ne baling le ssotu yóm lewu le yó.’

Kem Lingón 62:10

Béem tô nalu nawa ke tói mdengen ke mlan bè kgagahem duhen ke mlan bè knagawem. Ke temnù kendengenem, béem alì hsù du nawam.

Tekang Kbuten 2:24

Yó gónóm mon, yóm tau ke myehen gtagaken maen ne yéen ne tódô le setlomin yóm kun tuha libun, ne baling le ssotu yóm lewu le.

Malakay 2:15

Dwata se deng tehe semsotu kuy yóm libun yehen ye. Yóm lówó ye ne lóyóf ye ke Dwata funen. Yó mu Dwata du yóm kesyehen ye anì wen kem ngà ye mò bud lemolò yó kem hloloen kuy. Yó gónóm mon, hol ye eles temgama, tódô ye hol hteneb bè yóm kuy tahu yehen lemwót bè klomi ye tau.

1 Timuti 6:17

Hol hgefetem ebè yó kem tau wen kendengen le, bê le abay hton salù, ne bê le gentud nawa yóm kendengen le, abay se là tngón le du ke gfu. Dwata dé gentud nawa le, yakà béléen du gónón lemwót yóm kdéen, ne sal gel mtungan yóm blayen tekuy mò gónó tekuy hligal.

1 Timuti 6:9

Okóm yóm tau són hendeenen ke wen hol kendengenen, ten-geeden hebtang knóen elem sindil, hlós gholot lem yóm kdê niwolen. Wen se niwolen gutahen, balù udì ke wen muhen du, ne mom wen gfaen du. Nim kdê gónón gbeteng ni kemteng du elem hatay laen kô dù tul sónen.

Kun Snulat Luk 12:15

Ne bud mudél Jisas ebè yó kem tau sbung bè yó, monen, “Hol gel ten-gama ye yóm kdéen gel senbì tau, abay se balù nô kbong kimuhen yóm tau, là kô bè yó du tahu gónón mowil.”

Matyu 13:22

Bong yóm bnék gdek elem yóm angat gónón mfól kluon, hol lómón ke yó kem tau hmungol du yóm Udél Dwata, okóm dê bnukù nawa le bè klowil le, ne gfét nawa le bè kebel le kendengen le. Yó gónón limes yóm kehtahu le, ne laen kô dù bunguhen.

1 Bok Kem Tau Hol Geta 10:21

Yóm kdê tegayan gónó Selumun gel minum, tódô hono tahu blówón. Ne kdê yó kem ngom ken nô lem yóm Gónô Bongen boluyen Dlag Libanun, bud hono tahu blówón snéen. Laen dù blówón bukayen, abay se bè yóm tehe kun kdaw Selumun, là mebtesen yóm blówón bukay.

2 Samwél 5:13

Bè yóm kdó Dabid gu bè Hibron kilihen ebè Jirusalim, bud wen kem yehenen bè yó, ne bud wen kem libun nmuhen, bud wen kem ngaen logi ne kem ngaen libun.

2 Samwél 12:11

Lemwót bè yóm deng nmoem, ou se Dwata angat mò du bè kem fes lówóhem nim ni, wen bè yó kem fes lówóhem angat matù kóm. Wen tau gónów bemlay yó kem yehenem, ne tódô sentungóen lu bè gónón hnas lem mata kem tau.

1 Bok Kem Tau Hol Geta 10:27

Bè yóm kun kogot Selumun, yóm blówón bukay bè Jirusalim hol lómón kwen le botu, ne yóm koyu sidar alì mebtes, hol lómón kwen le yó kem koyu sikamor mteg bè but bulul bè Juda.

2 Tutul Israél 1:15

Bè yóm kun kogot Selumun, yóm blówón bukay ne tahu blówón bè Jirusalim, hol lómó kwen le botu. Ne yó kem koyu sidar alì mebtes, lómó kwen le yó kem tey koyu sikamor mteg bè but bulul bè Juda.

Kem Udél Hlalak Tehe Selumun 31:3

Béem namà bè yó kem libun sidek nmò le yóm kgisem ne filakem yakà lu du gónón gel gbà klowil yó kem tau hol geta.

1 Tutul Israél 14:3

Bè yóm knô Dabid bè Jirusalim, bud wen kem yehenen bè yó, ne bud wen kem ngaen logi ne kem ngaen libun.