Dwata 17:16 - Udél Dwata: Gna Kesfasad ne Lomi Kesfasad

¹⁶ Yóm tau nélék ye, hyu ke là hwenen du kem kudaen mò snakay yó kem sendaluen ne là se hyuhen ke wen tau hógówen mò na a bemli kudà bè Idyip, abay se deng tehe mon Dwata mò kuy hol bê ye abay bud mulék ebè Idyip.

Dwata 17:16 Referans Kwoze

Isikél 17:15

Okóm yóm tau hol geta bè Israél, mom natuen yóm tau hol geta bè Babilun. Yó nmoen, hógów tau ebè Idyip hefnihen tóbóng ditu, tey kem sendalù wen ne kem kudà hnihen ditu. Kmò kehedemem du, gbek Israél kô mulé du yóm deng senfasad le ne là wen tmafak du?

Dwata 28:68

Angat hesfulék Dwata yu ebè Idyip smakay bè kafal, balù yóm deng tehe kmonu du mò kuy là bud ye mulék etu. Ne bè yóm benwu yó gónó ye tô hembalù knô ye bè kem hohon ye mò hesek le, okóm laen kô dù móyô kuy.” Là gomongen bè nili yóm tsaptér 29. Yó tulónen bè nim tsaptér ni yóm bud kehtulón Musis du bè nawa yó kem tau Israél yóm tehe fasad le ke Dwata. Ke là nmò le du yóm fasad le du yó, tey angat ktafak Dwata kul, gomong megtafak bélê le yóm tonok le.

Husiya 11:5

Okóm lemwót bè yóm là kóyô le semfulék ebéléu yó kem dou tau, yó gónó le angat bud semfulék ebè yóm tehe keghesek le lómón yóm deng glan le bè Idyip, ne yóm tau hol geta bè Asirya angat mogot kul lemwót bè yóm alì kmò le sidek.

Kem Lingón 20:7

Yó kem dumu tau, tey ksalig le bè yó kem klitun gel nit le sgida ne bè yó kem kudà le. Okóm kum, tódô snalig me yóm kfasang Dwata yóm kum Dwata gónó mogot.

1 Bok Kem Tau Hol Geta 4:26

Wen fat folò libu kukub kudà hmoen mò gónó le nô yó kem kudà gel demyol klitun tók gel nit le bè gida, ne sfolò lewu libu kudà gel snakay le bè gida.

Kehewà 13:17

Bè yóm deng kehewót Faro yó kem tau Israél, là kô hlan Dwata kul bè yóm lan hmilol yóm mohin bong gefet bè Flistin balù yóm tey klahilen yóm lan yó. Abay se yó hendem Dwata, “Ke wen tau geslong le mit sfatay bélê le bè yóm lan mahil yó, déke megetles kehedem le ne bud le semfulék ebè Idyip. Là móyóe du ke yó nmò le.”

1 Bok Kem Tau Hol Geta 1:5

Sotu kdaw bè yó, lemwót Adunadya yóm ngà Dabid bè Hagit, kóyóen ke du bud baling tau hol geta mò tles maen. Wen kem klitun tók eles sentifunen mung du kudà le, ne wen limu folò tau nwahen mò fen mlóy tukô gna du.

Kehewà 14:13

Bnalà Musis se, monen, “Bê ye abay hlikò. Hgel ye nawa ye dé. Tódô ton ye kemdaw ni yóm lan Dwata lemwà kuy. Yó kem tau Idyip kemtes tekuy yóó là kô bud ton ye kul ne.

Husiya 14:3

Là kô gbek Asirya lemwà kum, dalang se yó kem kudà gel snakay me bè gida, là gbek le lemwà kum. Yó kem dwata lennged tehe gel nmò me, là kô bud bnoluy me kul dwata me. Là ne, abay se tek són uu, Dwata, tendo gel kmodu kul yó kem ngà hikit.”

1 Samwél 8:11

Yó monen mò kul, “Ni se angat nmoen bélê ye yóm tau hol geta. Angat hwiten ebè gida yó kem ngà ye logi, sotu bélê le mò mit klitun tók gel nit sfatay ne yó kem dumu mò hsakayen kudà ne wen mò mlóy tukô gna yó kem klitun tók.

2 Tutul Israél 9:25

Botong fat libu kukub ógóf hmò Selumun, kukub yó kem kudà demyol klitun tók ne mò gónón hemsù yó kem klitun. Ne bud wen sfolò lewu libu he kem dumu kudà gel nit ebè gida suen bè yó kem tey syudad wen deng hetfingen mò gónón hemsù kul, ne bud wen se suen bè benwuhen bè Jirusalim anì moni béléen.

Kehewà 13:18

Mom yó gónón hlan kul bè yóm lan mima elem yóm benwu laen hol wen tauhen hlós ebè Mohin Hulô. Ewenem yó kem tau Israél tey eles kehtigel le bè yó kem hohon le.

2 Tutul Israél 1:16

Yó kem kudà Selumun, lemwót le gu bè benwu Idyip ne gu bè benwu Silisya. Yó kem tauhen fen heblihen kul bè Silisya, tódô benli le bè yóm hol kul bantang btes.

Isaya 2:7

Tey wen blówón bukay le ne tahu blówón le ne là kô gsóhem du yó kem kendengen deng henyu le. Tey kudà wen bè benwu le ne là kô gsóhem du yó kem klitun gel nwit le sgida.

Jirimaya 42:19

Ó kem dù tau tebel bè Juda, hol ye hmungol. Deng mon Dwata mò kuy, ‘Hol bê ye abay mógów ebè Idyip.’ Hol bê ye abay klifót nim eles hetgamahen kuy ni.

Mika 5:10

“Okóm bè yóm kdaw yó,” yó udél Dwata ebè yó kem kun tau, monen, “angat gotu genlau yó kem kudà gel nwit ye bè gida ne gotu genbau yó kem klitun tók gel dyol le.

1 Bok Kem Tau Hol Geta 5:6

Duhen yó, mdóki do bè yó kem tauhem anì na le e mofok dou koyu sidar bè yó bè Libanun. Mung le kul yó kem dou tau, ne snukéyu yó kem tauhem balù kihu nóyóem béléu. Deng eles tngónem laen kô dù tau bélê me hulung mofok koyu, lómón yó kem kóm tau Sidon.”