Dwata 17:15 - Udél Dwata: Gna Kesfasad ne Lomi Kesfasad

¹⁵ Yó kmò kélék ye du yóm tau yó, hyu ke hol du yóm tau deng kun nélék Dwata. Sotuhen, là hyuhen ke là lemwóten bè kuy kwen. Hol bê ye abay mélék bè yó kem tau milo menwu lem blóng ye ke mò mogot benwu ye.

Dwata 17:15 Referans Kwoze

Jirimaya 30:21

Yóm tau malak kul lemwót bè kul kwen, là kô tólóng tau du. Tinoku yóm tau yó anì hloni ebéléu, mon Dwata. Ke là lemwóten bè yóm ktinoku du, laen kô dù tau mlos hloni ebéléu.

1 Tutul Israél 22:10

Du se angat hemdà du yóm dou Gónô mò mit yóm dou boluy. Du se dou ngà, ne ou se kun mà. Ne laen dù sónen yóm tendo kogot le bè Israél yó kem sfuhen.’

1 Samwél 10:24

Ne yó udél Samwél ebè yó kem kdéen tau, monen, “Ni se yóm tau deng nélék Dwata. Laen dù bè yó kem tau Israél mkél du.” Ne gotu le mensag yóm kdê tau, mon le, “Hol tahà he ktauhen yóm tau hol geta.”

Jirimaya 2:25

Ó kem tau Israél, bê ye là ngang kemtes yó kem dumu dwata efet gotu bolok snilas ye ne efet mékéng lem lihol ye. Okóm deng mom yó udél ye, ‘Là, là kô gbek me du ke là ktes me kul. Deng bong nawa me kul yó kem tólóng dwata ne ni ktes me lu.’ ”

Kem Lingón 2:6

Yó udélen ebélê le, “Ngem yóm tau deng kenbê ye mò mogot kuy, deng hyónu bè yóm dou bulul Sayun mò mogot benwu.”

Kem Lingón 2:2

Ne yó kem tau hol geta bélê le, deng le eles htigel mit sgida. Ne natù le Dwata ne yóm tau hol geta deng néléken.

2 Samwél 5:2

Bè gnan kdaw bè yóm tolo kogoten tekuy Sol, uu se tehe malak yó kem tau Israél ebè gida. Ne yó tehe udél Dwata ebéléem, monen, ‘Uu se angat semgyok kul yó kem tauhu Israél, ne uu se angat malak kul.’ ”

Matyu 22:17

Wen tô snólók me béléem,” mon le. “Gsalà bè hlau tekuy kô yóm gel kbayad te bwis ebè Sisar, yóm tau hol geta bè Rom mogot tekuy? Mò kehedemem du se kóm?”

1 Tutul Israél 28:5

Ne bè kdê yó kem tey ngà logi deng blay Dwata dou, nélék Dwata Selumun mò tles myón kmamal bè yó kem kun tau Israél.

1 Samwél 8:5

yó mon le mò ke Samwél, “Ngem, dengi tuha ne yó kem ngaem là kô lolò le du yóm kóm kmò. Duhen ni, méléki tau mò tau hol geta bélê tekuy lómón yó kem tólóng benwu wen tau hol geta bélê le.”

1 Samwél 16:3

Tinokem Jisi bè yóm kedsuem, toloku kóm he yóm angat nmoem. Tenwélem do hnolo yóm tau toloku kóm.”

2 Samwél 5:1

Omin le gotu mógów ebè Dabid bè Hibron yóm sfolò lewu kem tbong Israél, ne yó mon le mò du, “Mi se yó kem kóm dumu ne kóm litô.

Kem Lingón 89:20

duhen Dabid se yóm deng néléku yó, sotu tau tóbóng lówóhu. Deng hetwélu hnolo te kuluhen mò ilô yóm deng kéléku du.