Dwata 13:8 - Udél Dwata: Gna Kesfasad ne Lomi Kesfasad

⁸ Okóm hol béi abay gmung béléen ne béem abay hnungol ke wen monen. Béem abay knodu ne béem abay nofin.

Dwata 13:8 Referans Kwoze

Kem Udél Hlalak Tehe Selumun 1:10

Ó Man, béem nmung ke tô n-goy le uu yó kem tau gemsalà.

Dwata 7:16

Gotu genlà ye lu yó kem but tau deng sù Dwata lem tdok ye ne hol bê ye abay knodu lu. Ne hol bê ye abay tmaba ebè yó kem dwata le abay se bè yó gónó ye gholot.

1 Jan 5:21

Yó ne kóó, kem ngà. Hol ye hlayuk bè yó kem dwata kéng.

Kehewà 20:3

Bê ye abay tmaba ebè yó kem dumu dwata lennged, són ou.

Dwata 7:2

Ke deng blay Dwata lu elem hólól ye ni kem tau ni ne ke deng ye gemmò bélê le, tódô gotu himot hnatay ye lu. Bê ye abay mit sbilà bélê le ne hol bê ye abay knodu lu.

Dwata 13:7

Déke tô nubugen uu tmaba bè yó kem kul dwata yó kem tau menwu moni bélê ye duhen ke bè yó kem kul Dwata yó kem tau menwu mayuk bélê ye.

Dwata 28:64

Angat gotu senkla Dwata yu elem blóng yóm kdê but tau bè klamangen benwu talak tonok. Ne bè yóm knô ye bè yó, angat ye tmaba ebè yó kem dwata kéng nmò le bè koyu ne bè botu, yó kem dwata là deng kuy hnikót tnaba du dalang se yó kem tehe fù ye.

Dwata 32:17

Gel le demsù ebè yó kem tulus seitan, là kô ebè Dwata du, kem dwata là deng hnikót tngón kem fù le du, dwata là deng hnikót nimón kem tau Israél du.