Dwata 13:6 - Udél Dwata: Gna Kesfasad ne Lomi Kesfasad

⁶ Baluen he ke tô lifut stulón kóm yóm hol dumuhem setwoli logi, duhen ke ngaem logi ne ke ngaem libun, duhen ke yóm yehenem alì kenbong nawahem, duhen ke yóm wè hol dumuhem ston nawa, ke tô niten uu tmaba bè yó kem dumu dwata, yó kem dwata kéng là deng hnikót tnabahem du dalang se yó kem tehe fuem, hol béem abay kenmón.

Dwata 13:6 Referans Kwoze

2 Pitér 2:1

Yóm tehe yu ekni, gel wen se kem tau gel sut tódô tô lembù tmugod ke Dwata. Senged se ni kmoen ni, wen tau sut na a tmolok sekban lem blóng ye. Hono kéng yóm gel tolok le. Ke lolò ye, hensideken ktau ye. Sal henkéng le yóm gónó tekuy mogot igoen du yóm tehe msok kul gu lem hatay. Yó gónóm mon, angat tódô kento genlà Dwata lu yó kem tau yó.

Ifisus 4:14

Ke deng tekuy gulit, là bud tekuy mkél bè knawa ngà ne, gel le mahil gmung. Lemwót bè kgulit tekuy, là mahil tekuy gmung bè yó kem tau tmolok sekban. Gel nit le hetlas yó kem tau lemwót bè yóm khulung le smukat.

Kem Udél Hlalak Tehe Selumun 18:24

Wen se tau olon beyen mon du, Wè, okóm wen he yóm swè mget senta kesetwoli.

Deng Hegfan 20:3

ne tódô tudaen elem tum sol leyóng. Ominen yó bud tmikeb du ne kendaduhen, ne wen ilô nmoen tahen anì là gekà le du. Yó gónóhen bmanggù ke Seitan anì là bud gsukaten kul yó kem tau bè klamangen benwu efet kdeng yóm lemibu halay. Okóm kogol yóm lemibu halay yó, na le bud hliwà likót.

Deng Hegfan 12:9

Tódô tudà le etalak tonok yóm swaga hulô yó, yóm tehe ulal là kna lemwót bè kbuten, duhen Seitan, yóm alì hulung dmelem, yóm alì hulung smukat yó kem tau bè klamangen benwu. Tódô tudà le etalak tonok, mung du yó kem gel hógówen.

1 Samwél 20:17

Omin Junatan bud hsafà ke Dabid bè yóm kbong nawahen du abay se ke Junatan kun, yóm kbong nawahen ke Dabid lómón kbong nawahen yóm kun knô.

1 Samwél 18:3

Lemwót bè yóm tey kbong nawa Junatan ke Dabid, wen fasad mget nmoen duhen yóm klaen dù tul sónen yóm keswè le.

1 Samwél 18:1

Timbow deng kestulón le Dabid Sol, omin le ston Junatan, yóm ngà Sol logi ne tódô le kendel sfulung yóm lewu le ne tey tilob keswè le.

Dwata 28:54

Balù yóm tau alì hulung kmodu kem dumuhen ni kmoen ni, lemwót bè yóm alì kbitilen bè yóm kdaw yó, balù udì ke wen bud koduhen yóm hol dumuhen setwoli, dalang se yóm yehenen alì kenbong nawahen ne yó kem ngaen dù mowil.

Deng Hegfan 13:14

Ne lemwót bè yó kem hentaw ton gel nmoen, gónó le gotu gsukat yóm kdéen tau nô te tonok. Bè yóm gel kmoen du ni kem ni, gel nô klohok yóm lóbô tanay sut, abay se yóm lóbô gna sut gel hmò du béléen. Yóm lóbô huli sut yó, wen lennged hmoen yó kem tau, yóm lennged mkél bè yóm lóbô tehe hnalì bè sudeng, okóm deng bud mowil.

Kulasi 2:4

Yó gónóhu mon du mò kuy nim ni koni anì duhe kóm, là gtondo ye bè yó kem tau alì hulung mudél, okóm kéng yóm gel tulón le.

Glasya 2:4

Okóm wen se móyô mò du. Lu se yó kem tau sut hlingu le tau hemtahu anì hnungol le yóm mò kmò me du ke wen tau là Ju le hemtahu bè Krays Jisas. Yó kóyô le ke hlolò me yó kem tau là Ju le yóm kum hlau kem tau Ju.

2 Kurin 5:16

Duhen yó, là bud hendeng me du ne kul kmò yó kem dumu tau. Balù yóm tehe kehdeng me du yóm kun kmò Krays ekni, okóm là ne ni du, là bud nmò me du.

Job 31:27

ke deng nô bè nawahu tô mtud bukol tmaba ebélê le, duhen ke mlan bè keleku henmù bè yóm kadatu kul,

Kmukum 5:8

Bè yóm deng kélék le lomi dwata lennged yó kem tau Israél, yó gónón wen gida sut lem benwu le. Balù sotu klung duhen ke sotu buyus ke tô wen tonem bè yóm fat folò libu kem sendalù Israél.

Kmukum 2:13

Là bud le tmaba ebéléen, deng le mom tmaba ebè Baal ne bè yó kem lennged yóm dwata libun boluyen Astartis.

Tekang Kbuten 16:5

Ne yó mon Saray mò ke Abram, “Kóm salà yóm là bud kadat Hagar dou ni. Igò sem ou du yóm tehe hedwey du kóm, okóm lemwót bè yóm deng keblututen deng mom là bud nadaten dou. Dwata he kmukum du ke mahi du bélê te tahu.”

Kem Udél Hlalak Tehe Selumun 5:20

Ó Man, moen de ke tói gules bè yóm libun mdà yehenen ne moen du ke tô henlomem hemyu nawa bè tuha libun dumu tau?

2 Samwél 1:26

Tey klangagu kóm, Junatan, hol lómón ke uu yóm dou dumu sulil-lem. Tey deng kbong nawahu kóm. Ne hol kbong nawa bong yóm deng kbong nawahem dou, mkay senta yóm kun kbong nawa libun.

Dwata 13:2

anien he ke dohò yóm tulónen yó. Ngem kà angat monen du mò kuy, ‘Géhél ye ne, tmaba tekuy ebè yó kem tólóng dwata.’ Blaem yó kem dwata lennged monen yó, kem dwata là deng hnikót kuy tngón du.

Dwata 13:7

Déke tô nubugen uu tmaba bè yó kem kul dwata yó kem tau menwu moni bélê ye duhen ke bè yó kem kul Dwata yó kem tau menwu mayuk bélê ye.

2 Tutul Israél 15:13

Ke wen tau là lemolò ke Dwata yóm Dwata yó kem tau Israél, hnatay le kmò le du baluen ke lomi lemnok duhen ke deng tuha, baluen ke libun duhen ke logi gotu hnatay le.

2 Tutul Israél 23:17

Omin le gotu mógów ebè gónô Baal yóm kdéen tau, gotu genbà le yóm gónóen. Ne yó kem gónó le gel demsù ebéléen, ne yóm lenngeden, gotu lenusok le. Ne hnatay le Matan, yóm tau gel blóng ebè Baal, bè solu yó kem gónó le gel demsù ebè Baal.

Sikaraya 13:3

Ke wen tau bud wen gel tugoden, yó angat mon maen mò du lewu le yéen, ‘Matayi se kóm abay se yóm gel tulónem, hlanem bè boluy Dwata.’ Ke wen bud tulónen yóm tau yó, kem kun tuha tembek hmatay du.

Kehewà 32:27

Ne yó monen mò kul, “Yóm sana Dwata yó kem tau Israél fen mdók kuy mò du nim monu mò kuy ni, yóm Dwata hol gónó mogot. Lumak ye sudeng ye yóm ket kuy na sotu, mógów ye bè klamangen nim kamfù ni, lenwót ye bè bak nim tikeb ni kól bè yóm bak tikeb bè dolin gotu hnatay ye yó kem logi mò samuk, kihu ke dumu ye setwoli duhen ke kem wè ye ne ke kem dumu ye sebét.”

Dwata 8:14

hol bê ye abay hegmón ne bê ye abay klifót yóm sana kuy Dwata hol gónó mogot, yóm deng lemwà kuy gu bè Idyip, bè yóm benwu tehe gónó ye ghesek.

Dwata 18:20

Okóm ke wen tau tódô lembù tmugod dou, tódô hnatay kmò du. Senged se ke wen tau tmugod yó kem dumu dwata, tódô hnatay kmò du.’

Dwata 19:19

tnafak kmò du. Yó tafaken, yóm tehe tô tafak yóm tau dnelemen. Bè yóm kmò ye du nim ni mò lan ye mkó du lem blóng ye yóm tódô lembù dmelem kéng.

Juswa 7:13

Yó ne Juswa, hfólós ye lu yó kem tau anì mógów le ebéléu haya. Tulónem kul eles le htifes abay se ou se yóm kul Dwata hol gónó mogot yó kem tau Israél ne wen monu mò kul. Yó monu, ‘Ó kem tau Israél, deng wen kem kimu nwa ye bè yó kem kimu hetfingu kuy mò dou. Ke là na ye kó du ni kem kimu deng hennagaw ye ni, là kô ye na a gemmò bè yó kem hohon ye.’

1 Bok Kem Tau Hol Geta 18:40

Omin Ilaydya mdók yó kem tau, monen, “Kenfô ye lu yó kem tugod Baal. Hol béen wen sotu bélê le fen mlóy.” Tahu se, gotu kenfô le lu, ne nwit Ilaydya lu mosol ebè Él Kison, ne bè yó gónóhen hmatay kul.

2 Bok Kem Tau Hol Geta 11:18

Omin le gotu mógów ebè gónô Baal yóm kdéen tau ne gotu genbà le. Bud genbà le snéen yó kem gónó demsù ebéléen, ne yóm lenngeden gotu lenusok le. Ne hnatay le Matan yóm tau gel blóng ebè Baal bè yó bè solu yó kem gónó gel demsù ebè Baal. Omin Jihuyada hemsù kem tau mentey bè yóm Gónô Dwata.