Dwata 13:5 - Udél Dwata: Gna Kesfasad ne Lomi Kesfasad

⁵ Okóm tódô hnatay ye yóm tau gel tmulón lan kna yó duhen ke yóm tugod Dwata tô mit kuy là mimón ke Dwata yóm Dwata tehe hewà kuy gu bè Idyip bè yóm benwu gónó ye tehe ghesek. Yóm tau lómón yó kmoen, tau Seitan, tô niten yu hlayuk bè yóm lan deng hlolò Dwata kuy. Tódô hnatay kmò du yóm tau lómón yó anì mkó lem blóng ye yóm sidek tô nmoen.

Dwata 13:5 Referans Kwoze

Dwata 18:20

Okóm ke wen tau tódô lembù tmugod dou, tódô hnatay kmò du. Senged se ke wen tau tmugod yó kem dumu dwata, tódô hnatay kmò du.’

Jirimaya 14:15

Yó gónóm mon, eles tulónu kóm yóm angat nmou bè yó kem tugod là lemwót le béléu. Tódô lenbù hlan le bè dou boluy yóm gel tulón le, yóm kmon le du laen dù gida ne laen dù bitil mbel bè nim benwu ni. Yó nmou bélê le ni kem tau lembù tmugod ni, angat le gotu matay bè gida ne bè kbel bitil bong.

Dwata 19:19

tnafak kmò du. Yó tafaken, yóm tehe tô tafak yóm tau dnelemen. Bè yóm kmò ye du nim ni mò lan ye mkó du lem blóng ye yóm tódô lembù dmelem kéng.

Dwata 13:10

Tódô hnatay sentudà ye botu. Yóm nmoen yó, tô niten yu hlayuk bè Dwata yóm sana kuy Dwata hol gónó mogot, yóm deng hewà kuy gu bè Idyip bè yóm benwu gónó ye ghesek.

Deng Hegfan 19:20

Bè yóm kesfatay le, kenfô le yóm lóbô yó, mung du yóm gel tugoden, yóm tehe gel mò yó kem hentaw ton ke gel nô bè solu yóm lóbô yó. Lemwót bè yó kem hentaw ton tehe nmoen gónón smukat yó kem tau deng wen ilô yóm lóbô nô bélê le, yó kem tau deng hemtahu du yóm lennged hmoen. Yóm lóbô yó koni ne yóm tugoden, gotu tudà le lu igò le tolo mowil elem tum lanaw ofi wen kbudahen tendo dmilóf.

Kul Nmò 13:8

Okóm yóm tau wen lamaten yó koni, tey kekbéen kul. Kóyóen ke là hentahu yóm gubérnor du yóm kul tulón. (Yó boluyen bè Grik nim tau ni, Élimas.)

Sikaraya 13:3

Ke wen tau bud wen gel tugoden, yó angat mon maen mò du lewu le yéen, ‘Matayi se kóm abay se yóm gel tulónem, hlanem bè boluy Dwata.’ Ke wen bud tulónen yóm tau yó, kem kun tuha tembek hmatay du.

1 Bok Kem Tau Hol Geta 18:40

Omin Ilaydya mdók yó kem tau, monen, “Kenfô ye lu yó kem tugod Baal. Hol béen wen sotu bélê le fen mlóy.” Tahu se, gotu kenfô le lu, ne nwit Ilaydya lu mosol ebè Él Kison, ne bè yó gónóhen hmatay kul.

Dwata 7:4

Abay se angat nit le lu hlayuk bè Dwata ne mo le mom tmaba ebè yó kem dumu dwata. Ke ni se nmò ye, lenbuten yu Dwata ne tódô henmung genlaen yu.

Dwata 4:19

Ke gel ye temngel etta bè longit ne ton ye kdaw ne bulón ne yó kem blotik, hol ye temgama anì là tmaba ye ebélê le. Ni kem gel ton ye ni, deng tódô bayà Dwata lu ebè yó kem tólóng tau bè dumu benwu mò gónó le tmaba se kul.

Dwata 13:9

Tódô hnatay kmoem du. Uu gna tmudà du botu, ominem bud htudà du yó kem dumuhem.

Jirimaya 29:32

yó kmou du, tnafaku homongu yó kem fes lówóhen. Laen dù bè yó kem sfuhen mton du yóm hyu angat nmou bè yó kem tauhu, abay se mom toloken yu là mimón dou. Ou se Dwata nim mudél ni.’ ”

Dwata 6:13

Hol sù ye bè nawa ye yóm klikò ye du yóm sana kuy Dwata hol gónó mogot. Olon du gónó ye gel tmaba. Ke wen fasad ye, són bè kun boluy gónó ye hlan du.

Dwata 26:14

Bè yóm tehe kodungu, laen kô dù naw e ken du nim badu kóm ni ne laen kô deng nwahu du bè yóm là deng khólósu bè soluhem. Laen se dù deng nwahu du ke mò blayu bè tau matay. Deng nimónu u Dwata ne deng gotu nmou yóm kdê hloloem kum gbak bè keblay bad ebéléem.

Juswa 23:8

Okóm henlel ye mimón du yóm sana kuy Dwata hol gónó mogot lómón se yóm gel nmò ye ni kmoen ni.

1 Samwél 12:14

Duhen ni, ke tendo wen klikò ye ke Dwata ne ke nimón ye yóm hmoen kuy ne ke hnungol ye yóm udélen ebélê ye ne ke là nulé ye du yó kem hloloen kuy ne ke són Dwata lolò ye, dalang se yóm tau hol geta bélê ye angat menek kbenwu ye.

1 Bok Kem Tau Hol Geta 13:19

Duhen yó, slomong le mulék yóm lewu le. Ne bè yó bè gónô yóm tugod Dwata deng tuha gónón mken ne minum él yóm tau Dwata.

2 Tutul Israél 34:31

Lemwót yóm tau hol geta mdà klohok yóm sotu hehek bè Gónô Dwata bè yóm tey kfasangen. Ne bè yó bè solu Dwata, bud hnomihen yóm tehe senfasad le Dwata yó kem tau Israél. Fasaden ke Dwata yóm hol kehewóten du lem but blututen yóm kimónen du yó kem hlauhen kul dalang se yó kem hloloen kul. Fasaden ke Dwata yóm kimónen du yóm kdê yó kem nô lem yóm bok, yóm deng tehe senfasad le Dwata yó kem tehe fù le.

Jirimaya 7:23

Okóm yó hol hlolou kul, monu mò kul, ‘Hol nimón ye ou anì ou se mò kuy Dwata ne yu se mò dou tau. Hol lolò ye yóm deng monu mò kuy anì hyu kógów klowil ye.’