Dwata 13:4 - Udél Dwata: Gna Kesfasad ne Lomi Kesfasad4 Són Dwata hol lolò ye yóm sana Dwata hol kuy gónó mogot, mung du yóm klikò ye du. Hol nimón ye ne lolò ye yó kem deng hlauhen kuy. Tmaba ye ebéléen ne hol ye hteneb mimón du. Gade chapit la |
Lemwót yóm tau hol geta mdà klohok yóm sotu hehek bè Gónô Dwata bè yóm tey kfasangen. Ne bè yó bè solu Dwata, bud hnomihen yóm tehe senfasad le Dwata yó kem tau Israél. Fasaden ke Dwata yóm hol kehewóten du lem but blututen yóm kimónen du yó kem hlauhen kul dalang se yó kem hloloen kul. Fasaden ke Dwata yóm kimónen du yóm kdê yó kem nô lem yóm bok, yóm deng tehe senfasad le Dwata yó kem tehe fù le.
Lemwót yóm tau hol geta, mdà klohok yóm sotu hehek bè Gónô Dwata. Ne bè yó bè solu Dwata bud hnomihen yóm tehe senfasad le Dwata yó kem tau Israél ekni. Fasaden ke Dwata yóm hol kehewóten du lem but blututen yóm kimónen du yó kem hlauhen kul, dalang se yó kem hloloen kul. Fasaden ke Dwata yóm klolò le du yóm deng snulat lem yóm Bok Fasad. Ominen kdê yó kem tau, gotu le fmasad se kul bè yóm hol kimón le du yóm kdê deng nô lemen yóm bok yó.
Là kem tau, là kóen na a hligal du. Deng tulón Dwata tekuy yóm hyu béléen. Yó hol nóyóen bélê tekuy ke nmò tekuy yóm tedeng ne ke hol tekuy hulung kmodu ne ke hol tekuy heglaan béléen. Là gomongen bè nili yóm bérs 9 kól bè bérs 16. Yó tulónen bè ni kem bérs ni yóm gotu bud klista Dwata salà yó kem kun tau. Tey wen kendengen le mlan bè gel ksukat le dumu le tau. Gel le tmimbang lemugì ne là tódóen ke wen bentes le, gel gnaga nwa le kimu kem dumu le ne tey dê he dumu nmò le là hyuhen. Lemwót bè yóm nmò le yó, yó gónó Dwata eles tmulón du kul yóm angat ksulék keglaen kul dalang se yóm benwu le.
Yó udél Samwél ebè kdê yó kem tau Israél, monen, “Ke hol tahu lemwót lem but blutut ye yóm bud kesfulék ye ebè Dwata, hol knogol ye ne yó kem tólóng dwata lolò ye dalang se yóm dwata lennged boluyen Astarti. Hogot ye ke Dwata klowil ye ne són du nimón ye. Ke ni se nmò ye, angat lenwaen yu lem hólól yó kem Flistin.”