Dwata 13:3 - Udél Dwata: Gna Kesfasad ne Lomi Kesfasad

³ Hol bê ye abay kenmón yóm udélen ebélê ye yó. Yóm nmoen yó mò gónó Dwata tmilów kuy, yóm sana kuy Dwata hol gónó mogot, mò gónón hménég du ke hol lemwót lem nawa ye yóm kbong nawa ye du.

Dwata 13:3 Referans Kwoze

Dwata 8:2

Hol hentulón ye nawa yóm kmò kwit Dwata kuy bè yóm tey nógów mayuk lem yóm benwu laen hol wen tauhen lem yóm fat folò halay. Gel henwit Dwata yu tilów mgel mò gónón temngón du yóm hol nô bè nawa ye ke nimón ye yó kem kun hlau kuy duhen ke là.

1 Kurin 11:19

Déke wen muhen yóm kesgólól nawa ye yó mò gónón gfan ke mahil du bélê ye yóm hol tahu gulit lemolò du yóm ktahuhen.

Kem Lingón 66:10

Deng tnilówem mi, Dwata. Lómón yóm blówón bukay hlan le bè ofi anì baling hol tahu duhen, lómón yó se yóm ktilówem kum.

Dwata 6:5

Hol hewót ye bè nawa ye yóm kbong nawa ye ke Dwata, hotu ye nawa ye ebéléen ne hotu ye gel ye mimón du.Hol bê ye abay klifót yó kem hlau Dwata deng tulónu kuy kemdaw ni.

Deng Hegfan 13:14

Ne lemwót bè yó kem hentaw ton gel nmoen, gónó le gotu gsukat yóm kdéen tau nô te tonok. Bè yóm gel kmoen du ni kem ni, gel nô klohok yóm lóbô tanay sut, abay se yóm lóbô gna sut gel hmò du béléen. Yóm lóbô huli sut yó, wen lennged hmoen yó kem tau, yóm lennged mkél bè yóm lóbô tehe hnalì bè sudeng, okóm deng bud mowil.

1 Jan 4:1

Ó kem weu do dumu sogot nawa, bê ye kendel tódô hentahu ke wen tau mon du nô béléen kun yóm Tulus Dwata. Ke yó se gel mon le, na ye na hol nilô bè ktolok le ke tahu lemwót bè Tulus Dwata duhen ke là. Yakà dengen tey dê tau tódô lembù tmugod ke Dwata nim kmoen ni.

2 Tisalunika 2:11

Ne lemwót bè yóm kekbê le yóm ktahuhen, yó gónó Dwata hemlus du ebélê le yóm kehedem là tedengen anì hentahu le yóm kéng.

Matyu 24:24

Abay se angat wen yó kem Misaya kéng sut, ne wen yó kem tau lembù tmugod ke Dwata. Angat tey dê hentaw ton hegfan le mò gónó le hol tô smukat yó kem tau deng kun nélék Dwata.

Isaya 8:20

Okóm ni mò balà ye kul, mon ye, “Yake yó dém tolok Dwata kuy yóm hol hnungol ye. Hol bê ye abay hmungol bè yó kem tau demwata. Là kóen hyu bélê ye yóm gel tulón le kuy.”

1 Jan 4:4

Okóm yó dum kuy, kem ngà, Dwata se hol mfun kuy, ne deng ye matù bè yó kem tau gel tmolok sekban yó, abay se deng nô bélê ye yóm Tulus Dwata, ne tey bong mfasang senta yóm tulus nô bè yó kem tau là hemtahuhen.

1 Jan 2:19

Yó kem tau hmohon du yó, deng le tehe gel mung bélê tekuy snéen, okóm là tahu le hemtahu, yó gónó le tmagak tekuy. Ke tahu le hemtahu, là kô deng tnagak le tekuy. Yóm ktagak le tekuy yó, yó se gónón gfan yóm là klolò le du yóm kut lolò.

Ifisus 4:14

Ke deng tekuy gulit, là bud tekuy mkél bè knawa ngà ne, gel le mahil gmung. Lemwót bè kgulit tekuy, là mahil tekuy gmung bè yó kem tau tmolok sekban. Gel nit le hetlas yó kem tau lemwót bè yóm khulung le smukat.

2 Kurin 8:8

Sundu mon dé ke dóku yu bemlay. Okóm yó dé gónóhu tmulón du kuy yóm kul kegduf bemlay yó kem dumu tau anì wen lan ye hegfan du se kuy ke tahu duhen yóm kuy kbong nawa.

Kul Nmò 17:11

Tey le móyô dmalang yó kem tau bè yó bè Beriya senta yó kem tau bè Tisalunika. Tey tilob khungol le du yóm tulón Pol, ne gel hennagì le yóm Udél Dwata ket kdaw anì ton le ke tahu yóm gel tulón Pol kul.

Kem Lingón 81:7

Bè yóm kwen gfà ye, gel tnaba ye ou, ne deng lenwau se yu. Bnalau yu gu lem yóm lobun gónón lemwót leték. Deng tnilówu kehtahu ye ditu bè benwu Miriba bè yóm alì ktalaw ye lanen laen dù él.

Dwata 8:16

Bè yóm knô ye lem yóm benwu laen hol wen tauhen yó, wen mana blayen kuy mò ken ye, yóm ken là deng kul hnikót ton du yó kem tehe fù ye. Gel wen yóm tilów mgel hwit Dwata ebélê ye mò gónón tmilów kuy ne mò kuy kehyu.

Kehewà 20:20

Mon Musis se mò kul, “Bê ye abay hlikò. Yó gónó Dwata hegfan bélê ye nan e tnilów yu. Ne lemwót bè yóm klikò ye ke Dwata, yó gónón wen klikò ye mò salà.”

Kmukum 2:22

Yó muhu du ni kem dù tau tebel ni mò gónóhu tmilów yó kem tau Israél ke tahu nimón le ou lómón yóm tehe kimón yó kem tehe fù le ekni.” Yó se udél yóm sana kul Dwata yó kem tau Israél.

Kem Lingón 119:2

Hligal le kul yó kem tau mimón du yó kem hlolò Dwata kul, ne hol lemwót lem but blutut le yóm kebel le ke Dwata.

1 Samwél 26:19

Duhen ni, dou gónó mogot, hol hnungolem udél yóm tóbóng lówóhem. Ke Dwata se yóm mdók kóm anì hnatayem o, hyu ke wen dsuu ebéléen anì henmóyóen. Okóm ke kul kóyô kem tau, Dwata he hol tmafak kul yóm kdê le deng matul do. Abay se deng lohem ou bè yóm dou benwu ne yó gónów là bud gnô lem blóng yó kem dou dumu ne gónów là bud tmaba ebè Dwata bè yó lómón yóm sana dou gel nmò.

1 Bok Kem Tau Hol Geta 13:19

Duhen yó, slomong le mulék yóm lewu le. Ne bè yó bè gónô yóm tugod Dwata deng tuha gónón mken ne minum él yóm tau Dwata.