Dwata 13:2 - Udél Dwata: Gna Kesfasad ne Lomi Kesfasad

² anien he ke dohò yóm tulónen yó. Ngem kà angat monen du mò kuy, ‘Géhél ye ne, tmaba tekuy ebè yó kem tólóng dwata.’ Blaem yó kem dwata lennged monen yó, kem dwata là deng hnikót kuy tngón du.

Dwata 13:2 Referans Kwoze

Matyu 24:24

Abay se angat wen yó kem Misaya kéng sut, ne wen yó kem tau lembù tmugod ke Dwata. Angat tey dê hentaw ton hegfan le mò gónó le hol tô smukat yó kem tau deng kun nélék Dwata.

Dwata 18:22

Yó mò ilô ye du ke wen tulónen yóm tau tmugod yó hlanen bè boluy Dwata, ne ke là dohoen yóm tulónen yó, bè yó gónó ye temngón du là lemwóten bè Dwata yóm tulónen. Yóm tau yó tódô lembù, bê ye abay likò béléen.”

Dwata 13:6

Baluen he ke tô lifut stulón kóm yóm hol dumuhem setwoli logi, duhen ke ngaem logi ne ke ngaem libun, duhen ke yóm yehenem alì kenbong nawahem, duhen ke yóm wè hol dumuhem ston nawa, ke tô niten uu tmaba bè yó kem dumu dwata, yó kem dwata kéng là deng hnikót tnabahem du dalang se yó kem tehe fuem, hol béem abay kenmón.

1 Bok Kem Tau Hol Geta 13:3

Bè yóm kdaw yó wen ilô nmò yóm tau Dwata mò gónó le hemtahu du yóm tulónen, monen, “Wen ilô deng fasad Dwata, duhen yóm tódô kesdoli gónón sóól nim gónó demsù ni, ne gotu mkok ete tonok yó kem kohuen.”

Kehewà 7:22

Okóm yó kem tau demwata Faro yó, gotu bud nmò le se kul yó kem yó. Yó gónóm mon, sana tolo tey kgel kuluhen yóm Faro. Là kô nan e hnungol kul le Musis ne Aron, hol lómón yóm deng mon Dwata.

Dwata 18:20

Okóm ke wen tau tódô lembù tmugod dou, tódô hnatay kmò du. Senged se ke wen tau tmugod yó kem dumu dwata, tódô hnatay kmò du.’

Jirimaya 23:32

Hol hnungol ye yóm dou udél ebélê ye. Tey kekbéu kul yó kem tmugod gel tmulón kna kéng. Nwit le lu tlas yó kem dou tau mlan bè yóm kna kéng gel tulón le. Là kô naw e hógów kul dou yó kem tmugod yó, là kô naw e nélék kul. Laen kô dù gónó le gemtóbóng yó kem tau.” Là gomongen bè nili yóm bérs 33 kól bè bérs 40. Yó tulónen bè ni kem bérs ni yóm gel tulón yó kem tau lembù tmugod ke Dwata, yó gel mon le, “Udél lemwót bè Dwata nim udélu ni.” Anì monem là. Lemwót bè yóm tey keblat nawa Dwata bè nim nmò le ni, yó gónóhen homong kul bè yó kem dumu tau negef le ebè tólóng benwu. Tey kehyaken kul, yóm yak là mkóhen ta le efet kól bè sónen.

Sikaraya 10:2

Abay se yó kem dwata kéng gel tnaba le bè gónô le, gel le tmulón kéng. Dalang se yó kem gel hemgawang, kéng yóm gel tulón le. Ne yóm lan kna gel tulón yó kem dumu tau, là tahuhen. Laen kô dù gónó le temgel nawa tau yóm kdê le. Yó gónóm mon, laen kô dù mdengen lan lolò le yó kem tau, mkél le bè yó kem ubiha tabag, laen dù tau mdengen semgyok kul ne malak kul.