Dwata 13:10 - Udél Dwata: Gna Kesfasad ne Lomi Kesfasad

¹⁰ Tódô hnatay sentudà ye botu. Yóm nmoen yó, tô niten yu hlayuk bè Dwata yóm sana kuy Dwata hol gónó mogot, yóm deng hewà kuy gu bè Idyip bè yóm benwu gónó ye ghesek.

Dwata 13:10 Referans Kwoze

Juswa 7:25

Yó udél Juswa ebè Akan, monen, “Moen de ke nwitem elem blóng tekuy nim tey gfà bong ni? Ne ni, wen tey hegfà Dwata kóm.” Duhen yó, tódô hnatay sentudà le botu Akan yó kem tau, homong le yó kem fes lówóhen ne gotu hkekeb dnutung le lu gomong yóm kdê nfun le.

2 Tutul Israél 24:21

Okóm natul hnatay le Sikaraya yó kem tmuha gel malak, dalang se ke Juas yóm tau hol geta, gloken mdók kul anì sentudà le botu bè yó bè lósól yóm Gónô Dwata efet matay.

Kehewà 20:2

“Ou se yóm sana kuy Dwata hol gónó mogot, yóm deng hewà kuy gu bè Idyip bè yóm benwu gónó ye tehe ghesek.

Dwata 4:19

Ke gel ye temngel etta bè longit ne ton ye kdaw ne bulón ne yó kem blotik, hol ye temgama anì là tmaba ye ebélê le. Ni kem gel ton ye ni, deng tódô bayà Dwata lu ebè yó kem tólóng tau bè dumu benwu mò gónó le tmaba se kul.

Dwata 13:5

Okóm tódô hnatay ye yóm tau gel tmulón lan kna yó duhen ke yóm tugod Dwata tô mit kuy là mimón ke Dwata yóm Dwata tehe hewà kuy gu bè Idyip bè yóm benwu gónó ye tehe ghesek. Yóm tau lómón yó kmoen, tau Seitan, tô niten yu hlayuk bè yóm lan deng hlolò Dwata kuy. Tódô hnatay kmò du yóm tau lómón yó anì mkó lem blóng ye yóm sidek tô nmoen.

Kehewà 32:27

Ne yó monen mò kul, “Yóm sana Dwata yó kem tau Israél fen mdók kuy mò du nim monu mò kuy ni, yóm Dwata hol gónó mogot. Lumak ye sudeng ye yóm ket kuy na sotu, mógów ye bè klamangen nim kamfù ni, lenwót ye bè bak nim tikeb ni kól bè yóm bak tikeb bè dolin gotu hnatay ye yó kem logi mò samuk, kihu ke dumu ye setwoli duhen ke kem wè ye ne ke kem dumu ye sebét.”

2 Bok Kem Tau Hol Geta 11:18

Omin le gotu mógów ebè gónô Baal yóm kdéen tau ne gotu genbà le. Bud genbà le snéen yó kem gónó demsù ebéléen, ne yóm lenngeden gotu lenusok le. Ne hnatay le Matan yóm tau gel blóng ebè Baal bè yó bè solu yó kem gónó gel demsù ebè Baal. Omin Jihuyada hemsù kem tau mentey bè yóm Gónô Dwata.