Dwata 13:1 - Udél Dwata: Gna Kesfasad ne Lomi Kesfasad

¹ Ke wen tau sut lem blóng ye mon du, du kun sotu tugod Dwata duhen ke wen tau sut hulung tmulón lan kna ne ke yó nmoen wen hentaw ton eles tulónen, hol bê ye abay kenmón

Dwata 13:1 Referans Kwoze

1 Jan 4:1

Ó kem weu do dumu sogot nawa, bê ye kendel tódô hentahu ke wen tau mon du nô béléen kun yóm Tulus Dwata. Ke yó se gel mon le, na ye na hol nilô bè ktolok le ke tahu lemwót bè Tulus Dwata duhen ke là. Yakà dengen tey dê tau tódô lembù tmugod ke Dwata nim kmoen ni.

Jirimaya 29:8

Yó udél yóm Dwata laen dù là gbeken du yóm Dwata yó kem tau Israél, monen, “Bê ye abay hegsukat bè yó kem hlingón tugod dwata ne bè yó kem tau demwata nô bè yó bè Babilun. Hol bê ye abay hmungol ke wen kna tulón le.

1 Bok Kem Tau Hol Geta 13:18

Okóm yó balaen du yóm tugod Dwata deng tuha yó, monen, “Tugode Dwata se do, lómón yóm kóm. Deng wen tulónen do yóm hógów Dwata, monen, ‘Nwitem ebè gónóem yóm tau Dwata anì henkenem ne hinumem él.’ ” Okóm kéng yóm tulónen yó.

2 Tisalunika 2:9

Bè yóm angat ksuten yóm tau alì hulung mò sidek yó, Seitan yóm fen hol htulus du. Yó gónóm mon, tey dê hentaw ton nmoen mò gónón smukat tau.

Kun Snulat Luk 6:26

Tey kodu ye kuy kem tau gel sendóyón kem dumu tau ni kmoen ni. Senged snéen ekni yóm tehe gel kesdóyón yó kem tehe fù le yó kem tau tehe gel lembù tmugod ke Dwata.”

Mark 13:22

Abay se angat wen sut tô hlingu bè yóm Misaya, ne tô le hlingu bè yó kem tugod Dwata. Angat tey dê hentaw ton hegfan le mò gónó le hol tô smukat yó kem tau deng kun nélék Dwata.

Matyu 24:24

Abay se angat wen yó kem Misaya kéng sut, ne wen yó kem tau lembù tmugod ke Dwata. Angat tey dê hentaw ton hegfan le mò gónó le hol tô smukat yó kem tau deng kun nélék Dwata.

Matyu 24:11

Angat tey dê tau sut lembù tmugod ke Dwata, ne tey dê tau gsukat bélê le.

Matyu 7:15

“Hol ten-gama ye yó kem tau tódô lembù tmugod ke Dwata. Hol lómó ktonem kul, lómón ke ubiha. Okóm bè yóm kmò le, hol le mkél bè yó kem ohu dlag.

Sikaraya 13:4

Bè yóm kdaw yó, ket tau tmugod bè dwata kéng, sal bud mulék myak du bè yóm bud tulónen. Là bud leseken du ne yóm nes gel lesek yóm tugod Dwata tehe gel leseken, mò smukat kem dumun.

Sikaraya 10:2

Abay se yó kem dwata kéng gel tnaba le bè gónô le, gel le tmulón kéng. Dalang se yó kem gel hemgawang, kéng yóm gel tulón le. Ne yóm lan kna gel tulón yó kem dumu tau, là tahuhen. Laen kô dù gónó le temgel nawa tau yóm kdê le. Yó gónóm mon, laen kô dù mdengen lan lolò le yó kem tau, mkél le bè yó kem ubiha tabag, laen dù tau mdengen semgyok kul ne malak kul.

Jirimaya 23:11

Yó bud udél Dwata, monen, “Yó kem tau tmugod dou ne yó kem tau gel blóng ebéléu, bà udì ke knikò le yóm là kimón le do. Deng tonu yó kem sidek alì gel nmò le lem yóm dou Gónô.

Jirimaya 6:13

“Tódô lenwóten bè yó kem tau leneken kkólen bè yó kem tau lebangen, gel snukat le kem dumu le, nwa le yóm là kul du. Balù yó kem dumu tugodu ne yó kem tau blóng ebéléu, bud yó se kul nmò.

2 Pitér 2:1

Yóm tehe yu ekni, gel wen se kem tau gel sut tódô tô lembù tmugod ke Dwata. Senged se ni kmoen ni, wen tau sut na a tmolok sekban lem blóng ye. Hono kéng yóm gel tolok le. Ke lolò ye, hensideken ktau ye. Sal henkéng le yóm gónó tekuy mogot igoen du yóm tehe msok kul gu lem hatay. Yó gónóm mon, angat tódô kento genlà Dwata lu yó kem tau yó.

Jirimaya 29:24

Yó udél Dwata ebè Simaya yóm tau Nihilam nô bè Babilun, monen,

Dwata 18:20

Okóm ke wen tau tódô lembù tmugod dou, tódô hnatay kmò du. Senged se ke wen tau tmugod yó kem dumu dwata, tódô hnatay kmò du.’

Jirimaya 23:32

Hol hnungol ye yóm dou udél ebélê ye. Tey kekbéu kul yó kem tmugod gel tmulón kna kéng. Nwit le lu tlas yó kem dou tau mlan bè yóm kna kéng gel tulón le. Là kô naw e hógów kul dou yó kem tmugod yó, là kô naw e nélék kul. Laen kô dù gónó le gemtóbóng yó kem tau.” Là gomongen bè nili yóm bérs 33 kól bè bérs 40. Yó tulónen bè ni kem bérs ni yóm gel tulón yó kem tau lembù tmugod ke Dwata, yó gel mon le, “Udél lemwót bè Dwata nim udélu ni.” Anì monem là. Lemwót bè yóm tey keblat nawa Dwata bè nim nmò le ni, yó gónóhen homong kul bè yó kem dumu tau negef le ebè tólóng benwu. Tey kehyaken kul, yóm yak là mkóhen ta le efet kól bè sónen.

Jirimaya 29:26

‘Deng nélék Dwata uu mò tles ke Jihuyada yóm tau gel blóng ebè Dwata, mò mogot yóm Gónô Dwata. Kóm snolu ke wen tau lembù tmugod ke Dwata ke nfétem kdina ne hensuem bala tók bè liholen.

Dwata 4:1

Yó udél Musis ebè yó kem tau Israél, monen, “Hol nimón ye yó kem hlau Dwata toloku kuy ni anì mowil ye ne anì menwu ye ta yóm tonok deng blay Dwata kuy, yóm sana kul Dwata hol gónó mogot yó kem tehe fù ye.

Dwata 4:2

Yó kem hlauhu kuy ni, béen abay wen tnù ye du ne béen abay wen se kó ye du. Hol nimón ye yó kem hlau Dwata kuy, duhen yóm deng tulónu kuy ni.

1 Bok Kem Tau Hol Geta 13:19

Duhen yó, slomong le mulék yóm lewu le. Ne bè yó bè gónô yóm tugod Dwata deng tuha gónón mken ne minum él yóm tau Dwata.

Kem Udél Hlalak Tehe Selumun 30:6

Béem tennù yóm kun udél Dwata déke bnólówen u ne mom gfan ta yóm kwen kéngem.