Dwata 12:7 - Udél Dwata: Gna Kesfasad ne Lomi Kesfasad

⁷ Bè yó snéen bè solu yóm sana kuy Dwata hol gónó mogot, yóm Dwata tendo gel tmóbóng kuy, gónó ye hligal mken du yó kem hyu deng leniteg ye, mung kuy yó kem fes lówó ye.

Dwata 12:7 Referans Kwoze

Dwata 12:18

Ken ye ni kem monu ni koni bè yó bè solu Dwata bè yóm sotu benwu angat néléken mò gónó ye tmaba ebéléen, mung kuy kem ngà ye ne kem tóbóng lówó ye ne yó kem sfu Libay menwu lem blóng ye. Gotu ye hligal bè yó, hnigal ye yóm kdê deng gendeng ye.

Hlolò 23:40

Bè yóm hol tanay kdaw nit ye yóm hol hyu bè yó kem bungu koyu ye. Ne bud ye mit doun lefò dalang se yó kem hanga koyu alì dmoun bélê ye mò ngom slung ye. Omin ye yó mbut du yóm kehligal gónó ye madat yóm sana kuy Dwata hol gónó mogot.

Dwata 12:12

Ne bè yó bè solu Dwata hol ye hligal, mung kuy kem ngà ye ne yó kem tóbóng lówó ye ne yó kem sfu Libay menwu lem blóng ye. Hol bê ye abay hnuda lu yó kem sfu Libay, laen dù tonok le se kul.

Flipay 4:4

Hol ye tendo gel hligal dé lemwót bè yóm deng kessotu ye bè yóm gónó tekuy mogot. Bud nulitu bélê ye yóm monu yó koni, hol ye gel hligal dé.

Dwata 27:7

Ne bè yó snéen gónó ye demsù du yóm dsù gel ken ye bè yóm gel kestifun ye hligal lemwót bè yóm deng kessotu ye bè Dwata ne bè dumu tau. Bè yó bè solu Dwata yóm sana kuy Dwata hol gónó mogot, hol ye hligal mken.

Kul Nmò 2:46

Ket kdaw le gel stifun ebè Gónô Dwata yó kem tau hemtahu bè Jisas ni. Gel le slawa, ne lel le gel segbót mken. Tey tendo gel kehyu nawa le ne tilob kessadat le.

Malakay 2:13

Bud sotuhen, tey gel kkik ye ta yóm gónó gel demsù ebè Dwata, dnumu nkik ye yóm là kehmóyô Dwata yóm gel blay ye du ne yóm là kehligalen du yóm lemwót lem hólól ye.

Dwata 26:11

Hol ye hligal bè yó kem hyu deng blay Dwata kuy dalang se yó kem fes lówó ye. Bè yóm kehligal ye, homong ye yó kem sfu Libay ne yó kem tólóng tau menwu lem blóng ye.

Dwata 12:8

Bè yóm gel ktaba ye ebè Dwata ni kmoen ni, ket tau mò du yóm kun kóyô. Okóm ke deng ye kól ta yóm tonok blay Dwata kuy, bê ye abay bud nmò yóm kuy kóyô yó. Ni kmoen ni sana tolo kmò ye du yóm kuy kóyô

Dwata 28:47

Yóm Dwata, tey tendo kuyagen kuy bè kdê yó kem gel nmò ye. Okóm kuy, là kóen lemwót bè nawa ye yóm klolò ye du.

Nihimaya 8:9

Timbow gungol yó kem tau yóm tehe hlau Dwata kul tódô le gotu mkik. Okóm mudél ebélê le Nihimaya yóm gubérnor, anì là bud le mkik. Bud mudél ebélê le Isra yóm tau gel blóng ebè Dwata, yóm alì temngón du yó kem hlau Dwata, dalang se yó kem sfu Libay gel hemlan du bélê le yóm hlau Dwata, bud le mudél ebélê le se kul, mon le, “Yóm kdaw ni, kdaw deng hetfing tekuy ebè Dwata yóm sana kut Dwata hol gónó mogot. Hol bê tekuy abay bud mkik.

Kehedem Tau Tmolok 3:12

Yó gónów hemdem du, són olo hyu bè tau ke wen kligal le ne ke hotu le nawa le mò du yóm hyu yóm igò le tolo mowil.

Kehedem Tau Tmolok 3:13

Hyu ke hligal le mken ne minum yó kem tau, hnigal le ulék yó kem deng leniteg le, abay se yóm kdéen yó hono basa lemwót bè Dwata.

Juwél 1:16

Tódô olo tekuy temngel du yóm deng gotu klanahen yó kem hulu tekuy. Laen dù bud kligal ne lem yóm kun Gónô yóm Dwata tekuy.

Juwél 2:26

Angat tey bud kóyów yóm ken ye ne gotu ye gemtu du. Ne angat bud dóyón ye yóm sana kuy Dwata hol gónó mogot, yóm deng mò du bélê ye yó kem tey hentaw ni. Ne laen dù bud gónó le myak ne yó kem dou tau elem hulin kdaw lómón yóm gfà le ni.

1 Tutul Israél 29:22

Tey kehligal le mken ne minum bè yó bè solu Dwata bè yóm kdaw yó. Ne bud suub le bè kulu Selumun yóm ngà Dabid yóm kuruna ilô yóm kbalingen tau hol geta bélê le, tenwél le hnolo ta kuluhen bè yó bè solu Dwata mò malak kul. Dalang se ke Sadok, tenwél le hnolo ta kuluhen mò blóng le ebè Dwata.