Dwata 12:5 - Udél Dwata: Gna Kesfasad ne Lomi Kesfasad

⁵ Bè klamang yóm benwu gónó ye angat nô kem tau Israél, wen sotu benwu angat nélék Dwata mò gónó ye hloni ebéléen ne mò gónó ye tmaba ebéléen.

Dwata 12:5 Referans Kwoze

Dwata 12:11

Ne bè yóm tonok yó, wen sotu benwu angat nélék Dwata mò gónó ye gel tmaba ebéléen. Ne bè yó gónó ye mit du ebéléen yóm kdê deng hlauhu kuy, duhen yó kem dsù gel hkekeb ye ne yó kem dumu dsù ye ne yóm gesfoloen gel bad ye du ne yó kem tódô gel blay ye du ne dalang se yóm dumu basa deng hol fasad ye du.

Dwata 26:2

yó nmò ye yóm ket kuy na sotu ke wen nuta ye, mabì ye bè ket tanay bungu yó kem hulu ye ne hol nwit ye ebè yóm benwu angat nélék Dwata mò gónó ye tmaba ebéléen.

2 Tutul Israél 7:12

Omin Dwata hegfan béléen bè yóm kifu yó, ne monen mò du, “Deng gotu gungolu yóm knihem béléu. Deng néléku yóm Gónô ni mò gónó ye gel demsù ebéléu.

1 Bok Kem Tau Hol Geta 8:29

Hol tendo tnanudem ket kdaw ne ket kifu yóm Gónóem ni, ni se yóm gónô tehe monem mò gónóm hemsù yóm kóm boluy. Hol tnanudem anì gungolem o ke gele mni béléem igou smolu ebè nim gónóem ni.

Kem Lingón 78:68

Deng mom néléken sfu Juda, dalang se yóm Bulul Sayun yóm hol kenbong nawahen.

Dwata 12:13

Bè yóm angat kkól ye ta yóm tonok blay Dwata kuy, là gbek ye du tódô demsù yóm dsù gel hkekeb ye ebè Dwata bè yóm kuy kóyô gónó demsù.

Kulasi 2:9

Bè yóm tehe kbalingen tau Krays, nô béléen yóm hol kun kmò Dwata.

1 Bok Kem Tau Hol Geta 8:27

Okóm gbek Dwata kô nô dini talak tonok? Hol mou kun ne, anì sem hol longit geta, là kóen kóyów du. Sélétem mom ni nem Gónô Dwata hdau nii tô gónón kóyów.

1 Bok Kem Tau Hol Geta 8:20

Ne ni, deng dnohò Dwata yóm tehe fasaden. Deng ou temles ke mà mò tau hol geta. Deng hdau nim Gónô Dwata, yóm Gónô mò mit yóm kun boluy Dwata yóm kum Dwata kem tau Israél.

1 Bok Kem Tau Hol Geta 8:16

‘Lemwót bè yóm kdaw tehe kehewau kul gu bè Idyip yó kem dou tau Israél, laen kô deng syudad néléku he bè yó kem tbong Israél ke mò gónó le hemdà yóm dou gónô, yóm gónô mò mit yóm dou boluy. Okóm ni, deng néléku Dabid, mò mogot yó kem dou tau.’ ”

Hibru 12:22

Okóm bélê tekuy, tey tólóng yóm kehloni tekuy ebè Dwata nim kmoen ni. Laen dù bang gónó tekuy likò. Lómón ke deng tekuy hloni ebè yóm bulul Sayun, ne yóm hol benwu bong gónóhen nô Dwata, yóm Dwata laen dù tul katayen. Yóm benwu yó, yó se yóm Jirusalim bè longit, gónóhen hol nô yó kem hilu libu hógów Dwata.

1 Tutul Israél 22:1

Omin Dabid mon du, “Bè nim benwu ni gónó tekuy hemdà du Gónô yóm sana Dwata hol gónó mogot, ne gónó hemsù yóm gónó demsù yóm dsù gel hkekeb le ebéléen yó kem tau Israél.”

Juswa 9:27

Henbalingen lu hesek, fen hwahen lu koyu ne hangayen lu él bè yó kem tau Israél ne bè yóm gónó le gel demsù ebè yóm sana kul Dwata hol gónó mogot. Efet nim kmoen ni sana gel kmò kem tau Gibyun du yóm nmò le yó bè yóm benwu deng nélék Dwata mò gónó le gel tmaba ebéléen yó kem tauhen.

Kehewà 15:2

Dwata yóm hol kemgis mofin dou. Du se yóm deng lemwà do. Du se yóm dou Dwata tendo dóyón. Du se Dwata yóm dou mà ne hmungu bè lingónu yóm tey kegetahen.

Deng Hegfan 14:1

Ominu bud mkay ketngelu, ne tódô tonu yóm Ngà Ubiha mdà te bulul Sayun. Wen lematu bud fat folò fat libu tau mung du, yó kem tau sket wen snulat lem uyó le yóm kun boluy yóm Ngà Ubiha ne boluy yóm Maen.

Dwata 12:4

Bè yóm gel ktaba ye ebè yóm sana kuy Dwata hol gónó mogot, hol bê ye abay dnalang yóm kul kmò ktaba ebè yóm kul dwata kéng yó kem tau bè yó.

Dwata 12:18

Ken ye ni kem monu ni koni bè yó bè solu Dwata bè yóm sotu benwu angat néléken mò gónó ye tmaba ebéléen, mung kuy kem ngà ye ne kem tóbóng lówó ye ne yó kem sfu Libay menwu lem blóng ye. Gotu ye hligal bè yó, hnigal ye yóm kdê deng gendeng ye.

Dwata 31:11

bè yóm kdaw le gel stifun tmaba ebè yóm sana kuy Dwata hol gónó mogot bè yóm benwu néléken mò gónó ye gel tmaba ebéléen.

Isra 3:2

Lemwót Jéswa yóm ngà Jihusadak, mung du yó kem dumuhen blóng ebè Dwata ne Sirubabél yóm ngà Syatil, mung du yó kem kun dumu setwoli, gotu sentóbóng hdà le yóm gónó le gel demsù ebè yóm sana kul Dwata yó kem tau Israél. Yó gónó le mò du anì bud dsù le bè yó yóm dsù hkekeb le ebè Dwata, tódô lolò le yóm hlau tehe snulat Musis yóm tau Dwata.

Isra 6:12

Ke wen tau hol geta duhen ke wen sotu but tau tô là mimón du nim monu ni, duhen ke genbaen yóm Gónô Dwata bè yó, Dwata he gemlà du yóm tau yó yóm Dwata deng mélék yóm benwu Jirusalim, mò gónó le tmaba ebéléen. Ou se Daryus gónóhen lemwót nim udél ni. Hol béen abay wen tau tô smonol du.”

Isra 7:17

Hol ten-gamahem nim filak monu ni. Són olo muhen mò bli ye safì tudu ne kem ubiha logi ne kem ngà ubiha ne mò bli ye halay ne yóm gel ninum ye mò mung bè yóm gel dsù ye bè yóm gónó demsù bè yóm Gónô Dwata bè Jirusalim.

Jirimaya 7:14

Duhen ni, yóm deng tehe kegbau bè Silu, angat bud nmou bè ni bè yóm dou Gónô deng hdà ye bè ni, mò gónóhen nô yóm dou boluy, yóm Gónô tendo snalig ye mò gónó ye hofin bè yó kem hohon ye. Bè ni bè yóm tonok tehe blayu kuy dalang se yó kem tehe fù ye, bud nmou bè ni yóm deng tehe nmou bè Silu.

Jirimaya 26:2

monen, “Mdai bè lósól yóm dou Gónô ne mudéli ebè yó kem tau lemwót bè klamangen Juda, yó kem tau mógów ebè yó na a tmaba ebéléu. Hol tulónem kul yóm kdê htugodu kóm, hol béen abay wen tebelem du balù sotu.

Dwata 18:6

Kihu sfu Libay, balù kihu benwu bè Israél gónón gu lemwót, ke móyô mógów ebè yóm sotu benwu gónó le gel tmaba ebè Dwata yó kem tau Israél

1 Bok Kem Tau Hol Geta 12:27

Ke mógów le ebè Jirusalim anì na le e demsù ebè Dwata bè yóm Gónóen bè yó, kaem angat tles lolò le Rihubuam yóm tau hol geta bè Juda, ne angat hnatay le ou.”

2 Bok Kem Tau Hol Geta 18:22

Okóm ke mon ye mò do, ‘Smalig me bè yóm sana kum Dwata hol gónó mogot.’ Igò Hisikaya deng gotu hegbà du yó kem kdê gónó ye tehe tmaba ebéléen ne demsù ebéléen, ne monen mò kuy kem tau bè Juda ne bè Jirusalim, ‘Olon bè Jirusalim gónó ye tmaba ebè Dwata.’

Nihimaya 1:9

Okóm ke bud ye semfulék ebéléu ne nimón ye yó kem deng hlauhu kuy, bud nwitu yu semfulék ebè yóm benwu deng néléku mò gónó ye tmaba ebéléu. Baluen he ke deng negef le yu ebè tu kem benwu són tonok, kaem bud nwitu yu mulék he.’

Jirimaya 7:12

Mógów ye etu bè Silu, yóm hol tanay benwu néléku mò gónó ye tmaba ebéléu. Hnénég ye yóm deng nmou bè yó lemwót bè yó kem tey salà yó kem dou tau Israél.Igò ye mò du yó kem salà monu yó koni, sónmou se dou tendo semsulit mudél ebélê ye, okóm là kô ye dog móyô hmungol. Deng tnabahu yu anì wen eles hetgamahu kuy, okóm là kô na ye e bnalà dou.